تحياتى لصاحب الموضوع
وجزيل الشكر للعضو المحترم LeitoSR
حقيقى شرحك وافى ومبسط ومعجب جدا بطريقه عرضك للمشكله وطرق الحل
نفعنا الله بعلمك وبارك الله لك فيه
عرض للطباعة
تحياتى لصاحب الموضوع
وجزيل الشكر للعضو المحترم LeitoSR
حقيقى شرحك وافى ومبسط ومعجب جدا بطريقه عرضك للمشكله وطرق الحل
نفعنا الله بعلمك وبارك الله لك فيه
تابعت الموضوع والردود ........ شىء ممتاز وشكرا للجميع
طبعا هى نفس المشكلة الموجودة فى الأوكتافيا الأوتوماتيك منذ 2005 وحتى 2012 للأسف ..وطبعا المهندس الهمام لازم يحطها على الكمبيوتر قبل مايتكلم
تابعت الموضوع باهتمام وكسبت معلومات لم اتخيل ان اعرفها
اكن كل الاحترام والتقدير لكل متفاعل بمعلومة داخل الموضوع الغني بالمعلومة والاسلوب الرائع فى الشرح و اسلوب الحوار
جزاكم الله كل الخير وزادكم الله علما ونفعا
وافاض عليكم من خيره .
السلام عليكم جميعا
لدي استفسار
قبل ايام واجهتني نفس المشكله الني تتحدثون عنها حول الجير بوكس
وذهبت الى فني الصيانه وقام بفحص السياره على الحاسوب وتبين لديه ان بلف الجير بوكس عطلان طبعا من خلال الحاسوب واوضح لي ضرورة تغيره وان سعر البلف جير تقريبا 450 شيقل + 900 جنيه تقريبا .
سؤالي :
عندما يكون زيت الجير غير صالح هل يكتشف الكمبيوتر ان الخلل من الزيت وليس من البلف . اخاف ان تكون المشكله في الزيت مو البلف وانضحك علينا .
مع ان الفني لم يقصر بشيء ونضف حتى ادق برغي في مخ الجير بوكس ووضع زيت جديد بسعر 200 جنيه تقريبا . طبعا وانا واقف فوق راسه ومتابعه خطوه بخطوه .
وشكرا
وعليكم السلام ورحمة الله, أهلا بيك,
أولاً 450 شيقل يعني 900 جنيه للبلف الواحد كتير جداً, عشان البلفين في مصر بحوالي 900 جنيه,
يعني البلف الواحد بحوالي 450, يعني حوالي 240 شيقل للبلف الواحد,,
ولتر الزيت الأصلي دلوقتي بحوالي 100 جنيه, يعني حوالي 50 شيقل,,
لما بيكون الزيت غير صالح في حاجة أسمها وحدات الزيت ودي بيقولو ليها Parameter علي الكمبيوتر بس أنا مشوفتهاش قبل كدا,,
ومع تغير الزيت الفني المفروض بيصفر عداد الزيت الخاص بالفتيس oil counter
ولو الفني مقصرش معاك زي مانت بتقول ونضف كل حاجة والجير بقي كويس معاك,,
أعتبر أنك عملت صيانة دورية,, لأن تغير البلوف مفيد ومش مضر ولو كان الجير بينتع معاك في الصباح أو بيبدأ معاك برزعة يبقي البلوف كانت لازم تتغير في الحالة دي لأنها مبقتش تشتغل بكفائة,
كمان النضافة اللي هوا عملها دي وأهتمامه بكل مسمار أحسن من أنو يغير لك زيك وبلفين ويركب كل حاجة زي ما كانت من غير تنضيف,,
فلا تقلق نفسك,,
وتغير الزيت كل 60 ألف كيلو أو أقل لو مشوايرك قصيرة مهم جداُ للمحافظة علي الجير والبلوف,
وتغير البلوف ممكن كل 120 ألف أو 180 حسب حالة الجير لو متابع بتغير الزيت أول بأول.
بالتوفيق.
ملحوظه بسيطه اخى احمد لو الكلام على فتيس اوكتافيا
فسعر الزيت مختلف لتر الزيت تقريبا متوسط 245 جنيه الزيت الاصلى
ولو فيه مشكله فى ميكانيكا الفتيس الكمبيوتر لايظهرها يظهر فقط العطل الكهربى او الالكترونى
لكن لو الكلام على بيجو وليست سكودا
فحضرتك اعلم منى بالبيجو
أهلا بيك أستاذ طارق,
هوا نجم الليل كان كاتب في عنوان الرد بتاعه فوق كلمة السلام عليكم بيجو 206
وفي البروفيل بتاعه كاتب بيجو في السيارة الأولي والتانية,,
فأنا رديت عليه بناء علي أنه بيتكلم عن عربية بيجو,
ونفس الكلام بالنسبة للبيجو علي فكرة, المشاكل الالكترونية والكهربائية بس هيا اللي بتبان علي الكمبيوتر,
الميكانيكة مش بتبان وتبقي عايزة واحد فني وفاهم قوي عشان ياخد القرايات ويعرف يفرق ما بين إذا كانت دي مشكلة هيدروليكية ولا ميكانيكة,
وشكراً علي الملاحظة. :tumb: