مساعدة علي الاختيار : بروتون جـين 2 - نيسان صني - شفروليه اوبـترا

بسم الله الرحمن الرحيم
السلام عليكم و رحمة الله و بركاته

بصوا بقي يا رجالة من الاخر كده
اخوكم محتار حيرة ما بعدها حيرة و عايز مساعدتكم ع الاختيار

حاليا محتار بين :

- بروتون جين 2 : 104 الف ج
- نيسان صني الشكل القديم مانيوال : 92 الف ج
- شفروليه اوبترا : 107 الف ج

و لو محدش طمني انا هتجنن و اجيب بي واي دي بجد مش هزار :C_laugh[1]:
و سعرها 78 الف ج

البروتون ميال ليها لكن ضيق الكنبة و سامع عن اسعار قطع غيار غالية و غير متوافرة

النيسان صني الشكل القديم العربية محترمة بس سمعت انهم شالوا الاي بي اس ده حتي
السماعات شالوها و اساسا العربية محتاجة سواي بار اللي بينزلوه بس في السوبر صالون طب يا تري بعد ما شالوا الاي بي اس خلوا الفرامل ورا كمان طبل و لا لسه طنابير
و محدش يقولي الشكل الجديد و لا هاجي ناحيتها و لا اسوقها حتي

الاوبترا كويسة بس معرفش ايه نظام الاوبشن اللي بينزل فيها دلوقتي

طب ليه قولت في الاخر ممكن ترسي ع بي واي دي عشان الامكانيات مقابل سعر و قطع غيار رخيصة و منتشرة و تولفها و مش هتخاف تجيب قطع غيار مضروبة و اي حد يشتغل فيها حتي العبد لله :C_laugh[1]:

طب انا عايز ايه في العربية
طبعا العربيات ديه كلها تعتبر في نفس المستوي بس يمكن اللي يهمني اكتر

موتور محترم و يحبذا لو تكون الكاتينة جنزير

انا أفضل المانيوال محدش يقولي اوتو انا مانيوال حتي النخاع

وجود اي بي اس و يفضل اي بي دي لأن من غيرها مش شايف ليه لازمة

توكيل عدل و اسعاره كويسة او ليه مراكز صيانة برة محترمة و معقولة

قطع غيار رخيصة و موجودة سواء في التوكيل او برة و يا ريت مثال ع اسعار قطع الغيار الدورية في التوكيل او برة

تقفيل و عزل محترم مش عايز ابقي قاعد في الشارع او في حوض الموتور و لا اصدع من ترزيع الفيبر و التقفيل

و اتمني لو تفيدوني في الاوبشن اللي نازلة في كل عربية منهم

هل من يساعدني ع هذا الاختيار الصعب ؟؟؟

و اعملوا حسابكم لو محدش ساعدني ع الاختيار هرتكب جريمة و اشتري البي واي دي و ذنبي في رقبتكم :oh:

ما تشوف لانسر شارك ؟ :Oc_sun1[1]:

والله مش حتندم معايا من 2009 وزى الفل

اقتباس:

---

المشاركة الأصلية كتبت بواسطة M_Marwan

ما تشوف لانسر شارك ؟ :Oc_sun1[1]:

والله مش حتندم معايا من 2009 وزى الفل

---

بداية انا عايز زيرو مش مستعمل و في نفس الوقت يكون في رينج الـ100 و يفضل ميتعداش الـ100 اساسا
و مش عايز اشتت نفسي فرسيت ع الـ3 دول و لو قفلت معايا هترسي ع بي واي دي:coming-soon[1]:

متابع انا كنت مقتنع ب صني شكل القديم في بيقولوا بتنزل ب abs وسعات لا بس الي قفلني منها مفهاش ايمبلوليز بس انا عاوز اعرف ازاي تشتغل منغير مفتاح ازاي فتيس بيتحرك الاتوماتيك بس انا جريمتي هتبئا افزع منك لانوس والعيشة مرة :(

اقتباس:

---

المشاركة الأصلية كتبت بواسطة Amr Axel

بداية انا عايز زيرو مش مستعمل و في نفس الوقت يكون في رينج الـ100 و يفضل ميتعداش الـ100 اساسا
و مش عايز اشتت نفسي فرسيت ع الـ3 دول و لو قفلت معايا هترسي ع بي واي دي:coming-soon[1]:

---

طب عارف انت حتجيب بى واى دى فى الأخر :C_laugh[1]:

مش وحشه والله ركبتها كذا مره وعجبتنى

افضل عربية فيهم من وجهة نظري النيسان الشكل القديم لاكن مادام شالو ال abs يبقا فكك منها و الاوبترا حلوة بس مفيهاش وسائل امان سيبك منها الجين 2 بقي عربية جميلة بس قطع غيار غالية وتوكيل زي الزفت يبقي تسيبك منها هتقلي هشتري ال byd هقلك حلوة بس توكيلها برضو زي الزفت يبقي تسيبك منها http://www.nilemotors.net/Nile/image..._10%5B1%5D.gif بس العربية الي فيهم وشاملة معظم احتياجاتك ال byd ومن الاخر مفيش توكيل في مصر عدل وفي رايي الشخصي لو انا الي هشتري لاني في نفس الحيرة السودة دي يا هجيب اوبترا تقسيط يا هجيب اسبرانزا ام 11 كاش رغم اني ميال للكاش بس لسة هشوف وقتها القسط هيبقي عامل ازاي وربنا معاك يا باشا وموفق في الشراء باذن الله

اقتباس:

---

المشاركة الأصلية كتبت بواسطة mohamed hussei

متابع انا كنت مقتنع ب صني شكل القديم في بيقولوا بتنزل ب abs وسعات لا بس الي قفلني منها مفهاش ايمبلوليز بس انا عاوز اعرف ازاي تشتغل منغير مفتاح ازاي فتيس بيتحرك الاتوماتيك بس انا جريمتي هتبئا افزع منك لانوس والعيشة مرة :(

---

لا البي واي دي ارحم انا معنديش استعداد افكر لا في فيرنا و لا لانوس :C_laugh[1]:

اقتباس:

---

المشاركة الأصلية كتبت بواسطة M_Marwan

طب عارف انت حتجيب بى واى دى فى الأخر :C_laugh[1]:

مش وحشه والله ركبتها كذا مره وعجبتنى

---

شكلها كده :C_laugh[1]:
أحب انا البي واي دي عربية محترمة في كل حاجة
اختبارات و اوبشن و سعر يعيبها الدهان ضعيف شوية
بس خلاص مبقتش فارقة اي عربية لازم تلاقي فيها عيب بس المهم مميزاتها تطغي ع عيوبها

اقتباس:

---

المشاركة الأصلية كتبت بواسطة M I D O

افضل عربية فيهم من وجهة نظري النيسان الشكل القديم لاكن مادام شالو ال abs يبقا فكك منها و الاوبترا حلوة بس مفيهاش وسائل امان سيبك منها الجين 2 بقي عربية جميلة بس قطع غيار غالية وتوكيل زي الزفت يبقي تسيبك منها هتقلي هشتري ال byd هقلك حلوة بس توكيلها برضو زي الزفت يبقي تسيبك منها http://www.nilemotors.net/Nile/image..._10%5B1%5D.gif بس العربية الي فيهم وشاملة معظم احتياجاتك ال byd ومن الاخر مفيش توكيل في مصر عدل وفي رايي الشخصي لو انا الي هشتري لاني في نفس الحيرة السودة دي يا هجيب اوبترا تقسيط يا هجيب اسبرانزا ام 11 كاش رغم اني ميال للكاش بس لسة هشوف وقتها القسط هيبقي عامل ازاي وربنا معاك يا باشا وموفق في الشراء باذن الله

---

فعلا نادرا تلاقي توكيل كويس تخيل بقي اني سوزوكي ببالرغم اني سمعت الامل اتغيروا عن الأول بس المهم قطع الغيار و طالما متوافرة خلاص و كمان العربية اغلب الناس شغالة فيها دلوقتي و الميكانيكي اللي بتعامل معاه ايده فيها برده و انا ممكن اعمل الصيانات بنفسي زي ما بعملها لـلوللا :C_laugh[1]:
المهم اني شايف مميزات البي واي دي بتطغي و مخليها اخر اختيار اذ لم أوفق في دول
بخصوص الاسبرانزا ام 11 انا وقفت كذا واحد في الشارع اسألهم عنها اجمعوا ان الموتور و العفشة و بالتالي الثبات محترمين لكن تكييف ضعيف و هيد يونت سئ
ناهيك انها برده مش منتشرة اوي زي البي واي دي
اما الاوبترا فحدث و لا حرج يعني حسب كلامكم عربية داخلة في 110 الف و مفيهاش اي وسائل امان يبقي اجيبها ليه خليني في الصيني مفرقتش كوري من صيني من ياباني اهو كله اسيوي و كمان قطع بي واي دي حسب الفئة من متسوبيشي و تويوتا و هوندا و نيسان

المشكلة ان اللي انت طالبه مش هيتجمع في عربية واحدة

يعني الصني فرامل خلفية طبل مش ديسكات زي البروتون

الاوبترا كويسة بس مفيهاش فرامل abs ولا هيا ولا ال نيسان

انت محتاج عربية فيها abs و ebd ودي موجودين في البروتون بس في نفس الوقت عايز عربية واسعة وخامات كويسة ودي مش موجودة في البروتون

العزل تقريباً كله نفس المستوى

التايمنج الجنزير موجود في الصني بس

اقتباس:

---

المشاركة الأصلية كتبت بواسطة eng f3lix

المشكلة ان اللي انت طالبه مش هيتجمع في عربية واحدة

يعني الصني فرامل خلفية طبل مش ديسكات زي البروتون

الاوبترا كويسة بس مفيهاش فرامل abs ولا هيا ولا ال نيسان

انت محتاج عربية فيها abs و ebd ودي موجودين في البروتون بس في نفس الوقت عايز عربية واسعة وخامات كويسة ودي مش موجودة في البروتون

العزل تقريباً كله نفس المستوى

التايمنج الجنزير موجود في الصني بس

---

للأسف الصني لو مكنوش لعبوا فيها كانت تبقي مقبولة لكن شالوا اي بي اس خلاص ملهاش لازمة مش كفاية شايلين السواي بار منها و اساسا الكنبة ورا قعدتها مش مريحة اوي لو مرجع الكرسي قطع غيارها كذلك تعتبر غالية الي حدا ما

البروتون كويسة بس ورا ضيقة و قطع غيار مش منتشرة و الي حدا ما غالية

الاوبترا خلاص شيلتها من حساباتي نهائي مش شايف فيه ميزة تدفعني اجيبها غير انها واسعة

فاللي لقيت فيها المميزات بغض النظر عن الجنزير هي البي واي دي وسع و اي بي اس و اي بي دي بالاضافة للكماليات و قطع غيار رخيصة و في كل مكان ده قطع الالتو معايا برة التوكيل اغلي بكتيير من قطع غيار البي واي دي جوة توكيلها
بالاضافة انها تتجاب من متسوبيشي او تويوتا او هوندا لو مش عايز تجيب الصيني و توكيلها حسب كلام الناس بقي مقبول دلوقتي و اخيرا عربية ثبتت نفسها في الشوارع بتاعتنا

اقتباس:

---

المشاركة الأصلية كتبت بواسطة Amr Axel

فعلا نادرا تلاقي توكيل كويس تخيل بقي اني سوزوكي ببالرغم اني سمعت الامل اتغيروا عن الأول بس المهم قطع الغيار و طالما متوافرة خلاص و كمان العربية اغلب الناس شغالة فيها دلوقتي و الميكانيكي اللي بتعامل معاه ايده فيها برده و انا ممكن اعمل الصيانات بنفسي زي ما بعملها لـلوللا :C_laugh[1]:
المهم اني شايف مميزات البي واي دي بتطغي و مخليها اخر اختيار اذ لم أوفق في دول
بخصوص الاسبرانزا ام 11 انا وقفت كذا واحد في الشارع اسألهم عنها اجمعوا ان الموتور و العفشة و بالتالي الثبات محترمين لكن تكييف ضعيف و هيد يونت سئ
ناهيك انها برده مش منتشرة اوي زي البي واي دي
اما الاوبترا فحدث و لا حرج يعني حسب كلامكم عربية داخلة في 110 الف و مفيهاش اي وسائل امان يبقي اجيبها ليه خليني في الصيني مفرقتش كوري من صيني من ياباني اهو كله اسيوي و كمان قطع بي واي دي حسب الفئة من متسوبيشي و تويوتا و هوندا و نيسان

---

يا باشا انا متابع كل اخبار الام 11 وكل الي بيقولك التكييف سئ دة مبيفهمش حاجة او عربيتة مش مظبوطة لان تكييف الام 11 تلاجة بمعني الكلمة ومش بياثر علي السحب تقريبا وقطع غيارها منتشرة واسعارها جميلة بس العربية مش منتشرة اوي لان ابوالفتوح كان مهتم بال 516 وبعدين اوقف انتاج الام 11 اكتر من 6 شهور وبعدين اعاد انتاجها تاني هية عربية جميلة جدا بس عيبها انها ضيقة من ورا وثباتها روعة برضو وعلي فكرة انا كنت مهتم جدا بال byd بس الي خلاني اصرف نظر عنها التوكيل زي الزفت وانا راجل توكيلاوي يعني ماليش في شغل الصنايعية بحب اعمل كل حاجة في التوكيل عشان الضمان انما هية كعربية روعة بمعني الكلمة محرك لانسر 1600 عفشة تويوتا 2006 عاوز اية تاني قطع الغيار في منها الياباني و الصيني وكذا اختيار العربية منتشرة جدا كتاكسي ودة دليل انها عربية اعتمادية لان مفيش سواق تاكسي بيدور علي عربية تقرفة ومادام انت ملاكش في شغل التوكيلات اتوكل علي الله وهاتها عربية جميلة جدا وهتوفر فرق سعر كبير بينها وبين الاوبترا

اقتباس:

---

المشاركة الأصلية كتبت بواسطة m i d o

يا باشا انا متابع كل اخبار الام 11 وكل الي بيقولك التكييف سئ دة مبيفهمش حاجة او عربيتة مش مظبوطة لان تكييف الام 11 تلاجة بمعني الكلمة ومش بياثر علي السحب تقريبا وقطع غيارها منتشرة واسعارها جميلة بس العربية مش منتشرة اوي لان ابوالفتوح كان مهتم بال 516 وبعدين اوقف انتاج الام 11 اكتر من 6 شهور وبعدين اعاد انتاجها تاني هية عربية جميلة جدا بس عيبها انها ضيقة من ورا وثباتها روعة برضو وعلي فكرة انا كنت مهتم جدا بال byd بس الي خلاني اصرف نظر عنها التوكيل زي الزفت وانا راجل توكيلاوي يعني ماليش في شغل الصنايعية بحب اعمل كل حاجة في التوكيل عشان الضمان انما هية كعربية روعة بمعني الكلمة محرك لانسر 1600 عفشة تويوتا 2006 عاوز اية تاني قطع الغيار في منها الياباني و الصيني وكذا اختيار العربية منتشرة جدا كتاكسي ودة دليل انها عربية اعتمادية لان مفيش سواق تاكسي بيدور علي عربية تقرفة ومادام انت ملاكش في شغل التوكيلات اتوكل علي الله وهاتها عربية جميلة جدا وهتوفر فرق سعر كبير بينها وبين الاوبترا

---

متحكمش يا باشا بناءا ع اخبار لما تجرب العربية و تشوف ملاكها و تجرب اكتر من عربية ساعتها تحكم لكن لما كله يجمع ع نفس الحاجتين تكييف و هيد يونت سيئين مش معقولة الناس كلها مبتفهمش يعني :)
و العربية فعلا مش منتشرة عكس البي واي دي الام11 بدأت الاحظ انها بتختفي من المعارض و يحل محلها الانفي
و اتفق معاك في حوار التوكيل و ابو الفتوح معروف بس سامع ان توكيل بي واي دي اتعدل عن الأول و مهتميين بالناس و العربيات في الصيانات

شكلي كدة هطلع في العربيات العالية شوية في رنج 150 مفيش امل :(

بس انا اسمع ان موتور byd حاليا مبقاش من متسوبيشى بيقولو انه بقى هوندا سيتى بس مش مكتوب عليه زى الموتور اللى قبله كان مكتوب عليه علامة متسوبيشى فتأكد اولا من الكلام ده قبل الشراء واهم حاجة طبعا الاستخارة قبل اى شئ

طيب بيجو 301 مانوال ...سعر رسمى 108 الف ؟

اقتباس:

---

المشاركة الأصلية كتبت بواسطة Amr Axel

متحكمش يا باشا بناءا ع اخبار لما تجرب العربية و تشوف ملاكها و تجرب اكتر من عربية ساعتها تحكم لكن لما كله يجمع ع نفس الحاجتين تكييف و هيد يونت سيئين مش معقولة الناس كلها مبتفهمش يعني :)
و العربية فعلا مش منتشرة عكس البي واي دي الام11 بدأت الاحظ انها بتختفي من المعارض و يحل محلها الانفي
و اتفق معاك في حوار التوكيل و ابو الفتوح معروف بس سامع ان توكيل بي واي دي اتعدل عن الأول و مهتميين بالناس و العربيات في الصيانات

---

معاك يا باشا بس برضو انا صديقي معاة العربية وانا سقتها وجربت التكييف معا السحب وزي الفل وبالنسبة للبي واي دي بيقولو التوكيل بدء يتظبط بس برضو لسة زبالة ومادام انت ملاكش في شغل التوكيلات اتوكل علي الله عربية جميلة وهتوفر كتير :Oc_sun1[1]:

اقتباس:

---

المشاركة الأصلية كتبت بواسطة zaza2002

بس انا اسمع ان موتور byd حاليا مبقاش من متسوبيشى بيقولو انه بقى هوندا سيتى بس مش مكتوب عليه زى الموتور اللى قبله كان مكتوب عليه علامة متسوبيشى فتأكد اولا من الكلام ده قبل الشراء واهم حاجة طبعا الاستخارة قبل اى شئ

---

دي النسخة الصيني هية الي محرك 1500 سي سي هوندا بس غير مؤكد انة محرك هوندا وفي رايي النسخة المصرية احسن

اقتباس:

---

المشاركة الأصلية كتبت بواسطة mohamed hussei

شكلي كدة هطلع في العربيات العالية شوية في رنج 150 مفيش امل :(

---

للاسف برده هتطلع في الرينج ده و ممكن متلاقيش عربية متوافر فيها كل اللي انت عايزه بسبب زيادة الاسعار
بس بتفكر في ايه لو في الرينج ده ؟؟

اقتباس:

---

المشاركة الأصلية كتبت بواسطة zaza2002

بس انا اسمع ان موتور byd حاليا مبقاش من متسوبيشى بيقولو انه بقى هوندا سيتى بس مش مكتوب عليه زى الموتور اللى قبله كان مكتوب عليه علامة متسوبيشى فتأكد اولا من الكلام ده قبل الشراء واهم حاجة طبعا الاستخارة قبل اى شئ

---

لأ لسه فيه 1600 اللي بتكنولوجيا متسوبيشي
و الـ1500 اللي بيقال انه هوندا سيتي ده اللي بدأ ينزل في بي واي دي و نزل بالفعل في الجي 3 بس انا لسه مش مطمن له مع ان اكتر من واحد بيقولي نفس قوة الـ 1600 لكن لازم التجربة الأول و الاستخارة طبعا :)

اقتباس:

---

المشاركة الأصلية كتبت بواسطة ahmedmohamed7

طيب بيجو 301 مانوال ...سعر رسمى 108 الف ؟

---

اخر اسعار سمعتها 109-110 الف

اقتباس:

---

المشاركة الأصلية كتبت بواسطة M I D O

معاك يا باشا بس برضو انا صديقي معاة العربية وانا سقتها وجربت التكييف معا السحب وزي الفل وبالنسبة للبي واي دي بيقولو التوكيل بدء يتظبط بس برضو لسة زبالة ومادام انت ملاكش في شغل التوكيلات اتوكل علي الله عربية جميلة وهتوفر كتير :Oc_sun1[1]:

---

ممكن بالنسبة ليك شايفه كويس لكن انا مش هحكم الا لما اجرب انا ليا تجربة خاصة:coming-soon[1]:
اذا ربنا اراد و جبتها لازم اكون مع التوكيل شوية عشان الضمان عشان لو فيه اي مشكلة و زي ما انت عارف لحد 30-40 الف ع الاقل ان شاء الله بتبقي كلها صيانات عبيطة نقدر نعملها بنفسنا كمان بوجهيات ع فلاتر ع زيوت و متابعة سوائل و في نفس الوقت مش خسران حاجة ديه الاسعار شايفها في الارض في التوكيل بالنسبة للي معايا

اقتباس:

---

المشاركة الأصلية كتبت بواسطة m i d o

دي النسخة الصيني هية الي محرك 1500 سي سي هوندا بس غير مؤكد انة محرك هوندا وفي رايي النسخة المصرية احسن

---

لكن للاسف النسخة الصيني تقفيلها افضل :(

اقتباس:

---

المشاركة الأصلية كتبت بواسطة amr axel

للاسف برده هتطلع في الرينج ده و ممكن متلاقيش عربية متوافر فيها كل اللي انت عايزه بسبب زيادة الاسعار
بس بتفكر في ايه لو في الرينج ده ؟؟

---

ممكن ياريس الشكل الجديد وتيدا شكل جديد لو نزلت اقل من 150 يعني اقصاها 150 الهاي لاين ممكن سيات ابيزا بكل فئاتها ريو هاي لاين بس دول احسن عربيات بنسبة ليا ولة انت اية رايك

اقتباس:

---

المشاركة الأصلية كتبت بواسطة mohamed hussei

ممكن ياريس الشكل الجديد وتيدا شكل جديد لو نزلت اقل من 150 يعني اقصاها 150 الهاي لاين ممكن سيات ابيزا بكل فئاتها ريو هاي لاين بس دول احسن عربيات بنسبة ليا ولة انت اية رايك

---

تمام يا باشا
من وجهة نظري اللي شايف تمشي هنا اكتر و تعتبر اللي انتشرت فيهم و هتريحك سواء قطع غيار و بالتالي اعادة البيع في اي لحظة و اكتر واحدة مرتاح لها نفسيا هي الريو
طبعا مش تقليل من شان الابيزا مثلا لكن للأسباب السالف ذكرها

اقتباس:

---

المشاركة الأصلية كتبت بواسطة amr axel

تمام يا باشا
من وجهة نظري اللي شايف تمشي هنا اكتر و تعتبر اللي انتشرت فيهم و هتريحك سواء قطع غيار و بالتالي اعادة البيع في اي لحظة و اكتر واحدة مرتاح لها نفسيا هي الريو
طبعا مش تقليل من شان الابيزا مثلا لكن للأسباب السالف ذكرها

---

هيا شكلها كدة انا كنت خلاص هخلص في بيجو 301 كنا ناويين عليها بنسبة 70 في مية بس حصل ظروف الموضوع اتأجل شوية ودلوقت ابوية لقيتة بيقولي هتخنقنا في صيانة وبيع قلتلوا براحتك فا انا بدورلوا علي حاجة تانية بس شكلها ريو كدة بس اية رايك هاتش باك احسن ولة سيدان

اقتباس:

---

المشاركة الأصلية كتبت بواسطة mohamed hussei

هيا شكلها كدة انا كنت خلاص هخلص في بيجو 301 كنا ناويين عليها بنسبة 70 في مية بس حصل ظروف الموضوع اتأجل شوية ودلوقت ابوية لقيتة بيقولي هتخنقنا في صيانة وبيع قلتلوا براحتك فا انا بدورلوا علي حاجة تانية بس شكلها ريو كدة بس اية رايك هاتش باك احسن ولة سيدان

---

هاتش باك ام سيدان ديه ترجع للاذواق انا بصراحة الاتنين عاجبني فيها
تصميم العربية يخليك عايز النسختين عندك و تمشي بالاتنين في نفس الوقت :C_laugh[1]:

أنا رأيي أوبترا أحسنهم لو ال الجين مش عاجباك إنها ضيقة
عربية واسعة وإعتمادية وموتور قوي وعائلية وبتاعة سفر ده غير إنها عربية ثباتها حلو
الصني وحشة جدا في الثبات..وشكلها خلاص بقي قديم

اقتباس:

---

المشاركة الأصلية كتبت بواسطة amr axel

هاتش باك ام سيدان ديه ترجع للاذواق انا بصراحة الاتنين عاجبني فيها
تصميم العربية يخليك عايز النسختين عندك و تمشي بالاتنين في نفس الوقت :c_laugh[1]:

---

بس اعتقد هاتش باك احسن علشان متورها 1400 يعني مش مستحمل حمل علشان يخدمك ساعت الجري ومشكلة السيدان فيها مناطق عامية بالمراية كتير يبئا كدة انشاء الله رسيت علي ريو بس اصبر شهر كدة نشوف حال بلد وحال العربيات ونشوف النصيب فين

اقتباس:

---

المشاركة الأصلية كتبت بواسطة swimmer25

أنا رأيي أوبترا أحسنهم لو ال الجين مش عاجباك إنها ضيقة
عربية واسعة وإعتمادية وموتور قوي وعائلية وبتاعة سفر ده غير إنها عربية ثباتها حلو
الصني وحشة جدا في الثبات..وشكلها خلاص بقي قديم

---

من ناحية ايه ؟؟ يا دوب الوسع لكن مفيهاش اي وسائل امان و اغلاهم
الصني كويسة لكن بتحتاج بعض التعديل زي مثلا السواي بار او الميزان اللي شايلينه منها و حاطينه في السوبر صالون
و عامة خلاص هي شكلها بي واي دي :coming-soon[1]:

اقتباس:

---

المشاركة الأصلية كتبت بواسطة mohamed hussei

بس اعتقد هاتش باك احسن علشان متورها 1400 يعني مش مستحمل حمل علشان يخدمك ساعت الجري ومشكلة السيدان فيها مناطق عامية بالمراية كتير يبئا كدة إن شاء الله رسيت علي ريو بس اصبر شهر كدة نشوف حال بلد وحال العربيات ونشوف النصيب فين

---

يا باشا مش الكام كيلو الزيادة دول اللي هيأثروا معني كده ان لو اتنين ركبوا في العربية وزنهم 150 ك مثلا هيبقي حمل ع الموتور :C_laugh[1]:
و موضوع المراية بتتظبط و في نفس الوقت مع التعود

ممكن واحد قصير يركب العربية و يقولك انا مش شايف حاجة و واحد طوله مناسب يلاقيها مناسبة جدااا او واحد مش محترف في السواقة و مش عارف يحفظ ابعادها بسهولة فبيشتكي و في المقابل واحد ركيب و لقط العربية و اتعود عليها بسرعة :)
المهم تجرب بنفسك مش اعتمادا ع كلام مكتوب لأن كل شخص تختلف وجهة نظره و اخيرا تختار اللي مرتاح لها

اقتباس:

---

المشاركة الأصلية كتبت بواسطة Amr Axel

من ناحية ايه ؟؟ يا دوب الوسع لكن مفيهاش اي وسائل امان و اغلاهم
الصني كويسة لكن بتحتاج بعض التعديل زي مثلا السواي بار او الميزان اللي شايلينه منها و حاطينه في السوبر صالون
و عامة خلاص هي شكلها بي واي دي :coming-soon[1]:

---

ميزان خلفي ولا أمامي؟
عموما إحساسي إنها بطة أوي من ورا...
كمان الأوبترا عفشتها مالتي يعني فرق السما من الأرض
أنا بكون راكب اللانوس وشايف صني قدامي ألاقيها بتتمرجح مرجحة السنين وانا مش بحس بنفس المرجحة بتاعتها علي نفس الطريق ومرة شفت واحد بياخد بيها غرزة وبعد ما خلص الغرزة خلاص ومشي عدل العربية عامت منه وقطعت الطريق قدامي وكنت هلبس فيه
وسائل الأمان زي ال ABS مش مهمة أوي في الشوارع المصرية المهم تعود رجلك إن العجل ميقفش وإنت بتفرمل وأعتقد فرامل الأوبترا حلوة

أما الصيني بقي مع إمكانياته الكتير مش بثق فيه..شوف أي عربية byd تاكسي وشوف شكلها عامل إزاي ومبهدلة إزاي...مع إن إمكانياتها كتير زي abs وفرامل خلفية ديسكات

ليه مفكرتش في الفيات ؟

اقتباس:

---

المشاركة الأصلية كتبت بواسطة swimmer25

وسائل الأمان زي ال ABS مش مهمة أوي في الشوارع المصرية المهم تعود رجلك إن العجل ميقفش وإنت بتفرمل وأعتقد فرامل الأوبترا حلوة

---

اسمحلي اختلف معاك

ال abs مهم جداً خصوصا في مصر

نظراً طبعاً للشوارع النضيفة اللي بتلمع اللي مفيهاش ذرة رمل

و طبعاً احنا معندناش حفر ولا عندنا ناس بتعدي بعشوائية ولا عندنا ميكروباصات وتكاتك مثلا

وعمرك ماتلاقي عندنا بقعة زيت في الارض من عربية نقل

اقتباس:

---

المشاركة الأصلية كتبت بواسطة swimmer25

ميزان خلفي ولا أمامي؟
عموما إحساسي إنها بطة أوي من ورا...
كمان الأوبترا عفشتها مالتي يعني فرق السما من الأرض
أنا بكون راكب اللانوس وشايف صني قدامي ألاقيها بتتمرجح مرجحة السنين وانا مش بحس بنفس المرجحة بتاعتها علي نفس الطريق ومرة شفت واحد بياخد بيها غرزة وبعد ما خلص الغرزة خلاص ومشي عدل العربية عامت منه وقطعت الطريق قدامي وكنت هلبس فيه
وسائل الأمان زي ال ABS مش مهمة أوي في الشوارع المصرية المهم تعود رجلك إن العجل ميقفش وإنت بتفرمل وأعتقد فرامل الأوبترا حلوة

أما الصيني بقي مع إمكانياته الكتير مش بثق فيه..شوف أي عربية byd تاكسي وشوف شكلها عامل إزاي ومبهدلة إزاي...مع إن إمكانياتها كتير زي abs وفرامل خلفية ديسكات

ليه مفكرتش في الفيات ؟

---

للأسف يا باشا اختلف معاك في كل الكلام اللي قولته

الميزان الامامي هو المقصود و ده بيؤدي ان العربية تعوم منك في المناورات و الملفات و ع ما اتذكر ان الصني مالتي لينك برده
اما بخصوص الـabs مش مهم في ايه ؟؟ !!!! ده اهم حاجة اي بي اس و لازم كمان اي بي دي خاصة في شوارعنا بسبب التضاريس و الاشباح اللي يعدوا فجأة قدامك من ع الارصفة حضرتك متعرفش ان انظمة الـabs و ebd و esp كلها انظمة اتعملت عشان عيوب الفرامل العادية مش معمولة رفاهية
حكاية تعود رجلك ان ميحصلش انغلاق كامل للفرامل الكلام ده لو ماشي براحتك او ع طريق مفتوح لكن تعالي امشي ع سرعة 60 مثلا مش هقولك اكتر و لازم تضرب فرامل فجأة و ع ارض نضيفة كمان شوف النتيجة العربية هتلعب و هتزحف و هتبقي مرمتة او لو اضطريت تدوس فرامل فجأة و عجلة ع رملة او مية و عجلة ع الاسفلت
يبقي ازاي مش مهمة انا سيبت كل الموديلات ده عشان وسائل الامان
بخصوص الفرامل في الاوبترا لاحظ ان العربية وزنها عالي و باقي الكلام معروف

نيجي للبي واي دي مع اني شايف سواقين كتيير محافظين عليها و ماشية زي الفل و بتعتمد ع السواقة بس بالنسبة للي اتبهدل قارن عربية ماشية طول الوقت في الشارع و بتتخبط و 100 واحد بيركبها في اليوم بعربية ملاكي فتخيل لما تلاقيها ماشية زي كويسة
يا راجل اللي يخليها ثابتة نفسها كده و السواقين بدأوا يغيروا رأيهم و يجيبوا بي واي دي بدل فيرنا و هيونداي يخليك تتأكد مدي نجاح العربية و تحملها
كل اللي يعيب العربية حكاية كلمة انها صيني مع اني الناس نسيت اول ما الياباني ثم الكوري لما نزلوا و فيه نقطة لازم تفهمها بخصوص الصيني الصيني درجات و ع حسب المستورد او المشتري يعني ممكن تروح تقوله عايز منتج في حدود المبلغ ده اي ان كان و ممكن تقوله عايز حاجة بالمواصفات ديه و ممكن تاخد حاجة درجة اولي ممتازة كمان هو بينفذلك اللي انت عايزه اتمني تكون وصلت الفكرة :)

و مفكرتش في الفيات و فكرت في دول لأني عايز عربية مزودة بوسائل امان و قطع غيارها رخيصة و متوافرة سواء في التوكيل او برة و سهل اشتغل فيها و واسعة و في حدود مبلغ معين

اقتباس:

---

المشاركة الأصلية كتبت بواسطة amr axel

ممكن بالنسبة ليك شايفه كويس لكن انا مش هحكم الا لما اجرب انا ليا تجربة خاصة:coming-soon[1]:
اذا ربنا اراد و جبتها لازم اكون مع التوكيل شوية عشان الضمان عشان لو فيه اي مشكلة و زي ما انت عارف لحد 30-40 الف ع الاقل ان شاء الله بتبقي كلها صيانات عبيطة نقدر نعملها بنفسنا كمان بوجهيات ع فلاتر ع زيوت و متابعة سوائل و في نفس الوقت مش خسران حاجة ديه الاسعار شايفها في الارض في التوكيل بالنسبة للي معايا

---

معاك لازم تكون منضبط في التوكيل علي الاقل اول سنة ضمان عشان لو لاقدر الله في عيوب بتظهر في اول سنة

اقتباس:

---

المشاركة الأصلية كتبت بواسطة amr axel

لكن للاسف النسخة الصيني تقفيلها افضل :(

---

مهي تقفيل احسن مقلناش لا بس مفيهاش ايرباج ولا فيها فيمية وغير النقتطين دول بصراحة انا مش بثق غير في المحرك ال 1600 متسوبيشي

اقتباس:

---

المشاركة الأصلية كتبت بواسطة Amr Axel

للأسف يا باشا اختلف معاك في كل الكلام اللي قولته

الميزان الامامي هو المقصود و ده بيؤدي ان العربية تعوم منك في المناورات و الملفات و ع ما اتذكر ان الصني مالتي لينك برده
اما بخصوص الـabs مش مهم في ايه ؟؟ !!!! ده اهم حاجة اي بي اس و لازم كمان اي بي دي خاصة في شوارعنا بسبب التضاريس و الاشباح اللي يعدوا فجأة قدامك من ع الارصفة حضرتك متعرفش ان انظمة الـabs و ebd و esp كلها انظمة اتعملت عشان عيوب الفرامل العادية مش معمولة رفاهية
حكاية تعود رجلك ان ميحصلش انغلاق كامل للفرامل الكلام ده لو ماشي براحتك او ع طريق مفتوح لكن تعالي امشي ع سرعة 60 مثلا مش هقولك اكتر و لازم تضرب فرامل فجأة و ع ارض نضيفة كمان شوف النتيجة العربية هتلعب و هتزحف و هتبقي مرمتة او لو اضطريت تدوس فرامل فجأة و عجلة ع رملة او مية و عجلة ع الاسفلت
يبقي ازاي مش مهمة انا سيبت كل الموديلات ده عشان وسائل الامان
بخصوص الفرامل في الاوبترا لاحظ ان العربية وزنها عالي و باقي الكلام معروف

نيجي للبي واي دي مع اني شايف سواقين كتيير محافظين عليها و ماشية زي الفل و بتعتمد ع السواقة بس بالنسبة للي اتبهدل قارن عربية ماشية طول الوقت في الشارع و بتتخبط و 100 واحد بيركبها في اليوم بعربية ملاكي فتخيل لما تلاقيها ماشية زي كويسة
يا راجل اللي يخليها ثابتة نفسها كده و السواقين بدأوا يغيروا رأيهم و يجيبوا بي واي دي بدل فيرنا و هيونداي يخليك تتأكد مدي نجاح العربية و تحملها
كل اللي يعيب العربية حكاية كلمة انها صيني مع اني الناس نسيت اول ما الياباني ثم الكوري لما نزلوا و فيه نقطة لازم تفهمها بخصوص الصيني الصيني درجات و ع حسب المستورد او المشتري يعني ممكن تروح تقوله عايز منتج في حدود المبلغ ده اي ان كان و ممكن تقوله عايز حاجة بالمواصفات ديه و ممكن تاخد حاجة درجة اولي ممتازة كمان هو بينفذلك اللي انت عايزه اتمني تكون وصلت الفكرة :)

و مفكرتش في الفيات و فكرت في دول لأني عايز عربية مزودة بوسائل امان و قطع غيارها رخيصة و متوافرة سواء في التوكيل او برة و سهل اشتغل فيها و واسعة و في حدود مبلغ معين

---

هي الصني مفيهاش ميزان أمامي؟!!!! مش ممكن صعب أوي..ده لو مكنش فيه تبقي فضيحة
كل العربيات دلوقتي العفشة الأمامية مالتي لينك
أنا بتكلم عن العفشة الخلفية..في الصني العفشة بتاعتها متصلة زي الانوس والياريس والسيراتو بس مختلفة شوية عنهم في الشكل ( مش عارف الصني إيه بس الباقي torsion beam)
في الأوبترا العفشة مالتي لينك زي النوبيرا والعربيات الألماني والمازدا والهوندا سيفيك واكورد وغيرهم
BYD كمان متصلة
بالنسبة لل ABS فيه موضوع في التعليمي عنه بيوضح عيوبه ومميزاته

بالنسبة للصيني..قارن أحسن بين تاكسي لانوس وتاكسي BYD واسال السواقين بتوعهم عنهم
أنا معاك إن الكماليات اكتر في الصيني بس دا يرجعلك في إختيارك

اقتباس:

---

المشاركة الأصلية كتبت بواسطة m i d o

مهي تقفيل احسن مقلناش لا بس مفيهاش ايرباج ولا فيها فيمية وغير النقتطين دول بصراحة انا مش بثق غير في المحرك ال 1600 متسوبيشي

---

انا مش فارق معايا الفيميه و بصراحة الايرباج برده مش اوي بس اما نشوف حوار الموتور الـ1500 برده

اقتباس:

---

المشاركة الأصلية كتبت بواسطة Amr Axel

انا مش فارق معايا الفيميه و بصراحة الايرباج برده مش اوي بس اما نشوف حوار الموتور الـ1500 برده

---

بص بقي ياعم عمرو بصراحة تفكيرك في ال byd مش عاجبني

بصراحة دي عربية مسخ وانا لو مكانك مش هفكر اركب عربية متركبة ومتغير اسمها وخلاص

هيا نسخة طبق الاصل من الكورولا الامريكي

نفس الكلام على البريليانس بتاعت الشرطة اللي شبه البي ام من قدام وشبه الاودي a4 من ورا !!!

طبعاً مع احترامي لمالكي العربيات دي

بس ممكن تفكر في بيجو 301 كسر زيرو بالفلوس دي لو حابب

وبما انك بتحب سوزوكي فكر تجيب سويفت هاتش باك ممكن تبقى موجودة زيرو

اقتباس:

---

المشاركة الأصلية كتبت بواسطة swimmer25

هي الصني مفيهاش ميزان أمامي؟!!!! مش ممكن صعب أوي..ده لو مكنش فيه تبقي فضيحة
كل العربيات دلوقتي العفشة الأمامية مالتي لينك
أنا بتكلم عن العفشة الخلفية..في الصني العفشة بتاعتها متصلة زي الانوس والياريس والسيراتو بس مختلفة شوية عنهم في الشكل ( مش عارف الصني إيه بس الباقي torsion beam)
في الأوبترا العفشة مالتي لينك زي النوبيرا والعربيات الألماني والمازدا والهوندا سيفيك واكورد وغيرهم
BYD كمان متصلة
بالنسبة لل ABS فيه موضوع في التعليمي عنه بيوضح عيوبه ومميزاته

بالنسبة للصيني..قارن أحسن بين تاكسي لانوس وتاكسي BYD واسال السواقين بتوعهم عنهم
أنا معاك إن الكماليات اكتر في الصيني بس دا يرجعلك في إختيارك

---

انا نزلت رد معرفش راح فين :(

توضيح يا باشا بالنسبة العفشة و الانواع
المالتي لينك ديه ورا و ديه عكس التورشن بيم او اللي قولت عليه المتصل اما في المالتي لينك كل عجلة منفردة و كل عجلة ممسوكة زي ما تقول اذرع و بالتالي اريح و اثبت لكن اغلس في الصيانة و اغلي
اما قدام فاعتقد تقصد ماكفرسون و ده منفصل

بخصوص الميزان ايوة مش نازل في الاي اكس و نازل في السوبر صالون

اما بخصوص الاي بي اس انا فاهم اللي تقصده بس الكلام ده في حالات قليلة زي مثلا اسفلت نضيف و حرير لكن شوارعنا هنا ما شاء الله لازم اي بي اس و اي بي دي و اي اس بي كمان و للعلم اي بي اس برده لوحده ميسدش عندنا هنا :C_laugh[1]:

و بالنسبة للآراء انا فعلا عملت زي استطلاع لسواقين التاكسيات الغالبية بي واي دي ثم فيرنا اما اللانوس قرفانين منها و من قطع غيارها :C_laugh[1]: