عرض للطباعة
كونت شوفت النهاردة تقرير من احد الزملاء اللى اشترى العربية و بيقول ان مميزاتها كثيرة زى التكييف و الموتور القوى و الثبات الجيد و عيوبها عفشة بتخبط شويه و بعد ظبط الكوتش بقيت احسن شويه مش عارف ازاى مع ان كل اللى ركبها قال عفشتها ما شاء الله حلوة وثانى عيب المساحات لما حد يمسح العربية مايقدرشى يرفع المساحات عشان حاتخبط فى الكبوت و رايه لحل هذا العيب بيخلى المساحات فى وضع قائم على الزجاج لما بيركن العربية عشان اللى حايمسحها فقلت اقولكم على التعليق ده
ياريت ده انا نفسيييييييييي :) ده انا البواب جنن اهلي كل يوم الاقيه رافع مساحت العربية و مياحات الشارع و الجراش كلها ! و انا مأكد ليه مليوم مره بلاش ترفعهم مش بحب كدة و السوستشة بتبوظ و هوا ولا هنا
شديته و مدفعلتوش فلوس بطل الحركة ديه في عربيتي الواحدية ي الشارع مش برفعلها مساحتها بس بقى يقفل المراية كل يوم على كدة !
مفيش حل مع الشعب المصري دول هوا معتبر الحركة ديه دليل مسح العربية حتى لو ممسحاش بتربها بس رفع المساحة !
و انا كمان قربت اتشل من بتاع الجراجاقتباس:
المشاركة الأصلية كتبت بواسطة deshahcoka
ايوه بس اعتقد ده عيب يا جماعة يعنى ممكن حد حايتعافى عليها يجرح الكبوت او يكسر المساحات
انا برضو سمعت حوار المساحات دة
ولا فى اى حاجة من الكلام دة، المساحات بتترفع عندى عادى
ده ميعتبرش عيب أبداً يا باشا ده ممكن تقول عليه ميزة علشان تحافظ على المساحات أولاُ لأن محدش هايعرف يخلعها كده.. و بعدين حضرتك بتقول حد يتعافى عليه .. إللى هايعملك كده و يتعافى عليها بعد ما شافها كده يبقى قاصد يعملك حاجة فى العربية و ممكن يعملك أى حاجة تانية فى العربية مش بس يكسرلك مساحات!!
أنا بأروح مرتين فى الشهر لمحطة البنزين لغسيل السيارة و عمر اللى بيغسل ما إحتاج أنه يرفع المساحات للأخر .
و متهيألى الفلونس كده برضه بس هتأكدلك.
ولو حضرتك عاوز ترفع المساحات عن قصد و أنت عارف ان فيه حد هيغسلك العربية ممكن بعد ماتطفى المحرك تحرك زراع المساحة و ستتحرك فى وضع رأسى و يثبت على ذلك.
معلش لو هاتضايق من كلامى بس حضرتك بتشترى عربية اقتصادية و بسعر إقتصادى و فيها مميزات كثيرة جداً مش موجودة فى منافسيها فحاجات زى دى يعنى حتى لو أنت إعتبرتها عيب وده مش صح مش مهمة ... مافيش عربية بتبقى كاملة من كل حاجة و حتى العربيات الأغلى من هذه السيارة بكثير... نصيحة دور على الأساس فى أية سيارة (الأمان و الثبات وقوة الموتور و الجودة)
ال "عيب" اللي حضرتك بتقول عليه ده موجود في ال 308 اللي أول فئة فيها بـ 150 ألف و موجود في الستروين C5 اللي أول فئة فيها بـ 217 ألف
يبقى مينفعش نقول عيب
و ده من كتالوج ال 308 صفحة 100
http://i664.photobucket.com/albums/v...ps05f6975a.jpg
و نفس الكلام موجود في كتالوج ال C5
ياباشا المساحات لما تحب ترفعها بعد ماتبطل العربيه هات دراع المسحات على اول درجا هاتلاقيها المساحات اشتغلت ووقفت على الوضع الرائسى وساعتها هاترفعها وتغسل عربيتك عادى وبعد ماتخلص وتنزل المسحات هاترجع الزرار لوضعه الطبيعى المساحات هاترجع تانى
علشان ترفع المساحات لها وضع أسمه وضع الصيانة زي ما الأعضاء قالو (تفتح كنتكت سنه و تقفل و لمسه للدراع تحت ) و علي فكره فعلا بتحافظ علي الكفف إنها ما تتسرقش و شكلها حلو و من غير وضع الصيانه ممكن ترفع المساحات و حضرتك فاتح الكابوت علي الأخر
(307&407)