عيب المساحات فى البيجو 301 ده حقيقى

**m.basha** · 01-09-2013 10:06 PM

كونت شوفت النهاردة تقرير من احد الزملاء اللى اشترى العربية و بيقول ان مميزاتها كثيرة زى التكييف و الموتور القوى و الثبات الجيد و عيوبها عفشة بتخبط شويه و بعد ظبط الكوتش بقيت احسن شويه مش عارف ازاى مع ان كل اللى ركبها قال عفشتها ما شاء الله حلوة وثانى عيب المساحات لما حد يمسح العربية مايقدرشى يرفع المساحات عشان حاتخبط فى الكبوت و رايه لحل هذا العيب بيخلى المساحات فى وضع قائم على الزجاج لما بيركن العربية عشان اللى حايمسحها فقلت اقولكم على التعليق ده

**Deshahcoka** · 01-09-2013 11:05 PM

ياريت ده انا نفسيييييييييي :) ده انا البواب جنن اهلي كل يوم الاقيه رافع مساحت العربية و مياحات الشارع و الجراش كلها ! و انا مأكد ليه مليوم مره بلاش ترفعهم مش بحب كدة و السوستشة بتبوظ و هوا ولا هنا

شديته و مدفعلتوش فلوس بطل الحركة ديه في عربيتي الواحدية ي الشارع مش برفعلها مساحتها بس بقى يقفل المراية كل يوم على كدة !

مفيش حل مع الشعب المصري دول هوا معتبر الحركة ديه دليل مسح العربية حتى لو ممسحاش بتربها بس رفع المساحة !

**amz2011** · 01-09-2013 11:12 PM

المشاركة الأصلية كتبت بواسطة deshahcoka

ياريت ده انا نفسيييييييييي :) ده انا البواب جنن اهلي كل يوم الاقيه رافع مساحت العربية و مياحات الشارع و الجراش كلها ! و انا مأكد ليه مليوم مره بلاش ترفعهم مش بحب كدة و السوستشة بتبوظ و هوا ولا هنا

شديته و مدفعلتوش فلوس بطل الحركة ديه في عربيتي الواحدية ي الشارع مش برفعلها مساحتها بس بقى يقفل المراية كل يوم على كدة !

مفيش حل مع الشعب المصري دول هوا معتبر الحركة ديه دليل مسح العربية حتى لو ممسحاش بتربها بس رفع المساحة !

و انا كمان قربت اتشل من بتاع الجراج

**m.basha** · 01-09-2013 11:17 PM

ايوه بس اعتقد ده عيب يا جماعة يعنى ممكن حد حايتعافى عليها يجرح الكبوت او يكسر المساحات

**M I D O** · 01-09-2013 11:55 PM

انا برضو سمعت حوار المساحات دة

**mohjarr** · 02-09-2013 12:14 AM

ده ميعتبرش عيب أبداً يا باشا ده ممكن تقول عليه ميزة علشان تحافظ على المساحات أولاُ لأن محدش هايعرف يخلعها كده.. و بعدين حضرتك بتقول حد يتعافى عليه .. إللى هايعملك كده و يتعافى عليها بعد ما شافها كده يبقى قاصد يعملك حاجة فى العربية و ممكن يعملك أى حاجة تانية فى العربية مش بس يكسرلك مساحات!!

أنا بأروح مرتين فى الشهر لمحطة البنزين لغسيل السيارة و عمر اللى بيغسل ما إحتاج أنه يرفع المساحات للأخر .
و متهيألى الفلونس كده برضه بس هتأكدلك.

ولو حضرتك عاوز ترفع المساحات عن قصد و أنت عارف ان فيه حد هيغسلك العربية ممكن بعد ماتطفى المحرك تحرك زراع المساحة و ستتحرك فى وضع رأسى و يثبت على ذلك.

معلش لو هاتضايق من كلامى بس حضرتك بتشترى عربية اقتصادية و بسعر إقتصادى و فيها مميزات كثيرة جداً مش موجودة فى منافسيها فحاجات زى دى يعنى حتى لو أنت إعتبرتها عيب وده مش صح مش مهمة ... مافيش عربية بتبقى كاملة من كل حاجة و حتى العربيات الأغلى من هذه السيارة بكثير... نصيحة دور على الأساس فى أية سيارة (الأمان و الثبات وقوة الموتور و الجودة)

**Unendlich** · 02-09-2013 03:29 AM

ال "عيب" اللي حضرتك بتقول عليه ده موجود في ال 308 اللي أول فئة فيها بـ 150 ألف و موجود في الستروين C5 اللي أول فئة فيها بـ 217 ألف
يبقى مينفعش نقول عيب
و ده من كتالوج ال 308 صفحة 100

و نفس الكلام موجود في كتالوج ال C5

**eleanor** · 03-09-2013 07:02 AM

ياباشا المساحات لما تحب ترفعها بعد ماتبطل العربيه هات دراع المسحات على اول درجا هاتلاقيها المساحات اشتغلت ووقفت على الوضع الرائسى وساعتها هاترفعها وتغسل عربيتك عادى وبعد ماتخلص وتنزل المسحات هاترجع الزرار لوضعه الطبيعى المساحات هاترجع تانى