ردياتير سيارة فيورا 127

**fiatlover** · 02-09-2013 01:07 PM

يا جماعه انا معايا عربية فيورا موديل 127 ... الردياتير بيسرب مايه و لحمته قبل كده و اللصنايعي قال لي انه تعبان و محتاج يتغير

انا عايز اشتري ردياتير جديد .. بس مش عارف الانواع ايه و منين ؟؟ ما هي افضل الانواع و اكثرهم عمرا و اقل مشاكل .. و منين؟ يعني مكان مضمون و حاجته نضيفه .. انا ساكن في عين شمس الشرقيه و برضو ليا سكن في الجيزة .. لو حد يساعدني .. بارك الله فيكم

**mcit** · 02-09-2013 03:46 PM

هات ريداتير 3 ماسورة احسن حاجة وركب علية مروحة يابانى وانسى الحرارة

**fiatlover** · 02-09-2013 05:40 PM

المشاركة الأصلية كتبت بواسطة mcit

هات ريداتير 3 ماسورة احسن حاجة وركب علية مروحة يابانى وانسى الحرارة

مروحه يباني دي تعمل كام .. انا المروحه اللى راكبه شغاله حلو قوي !!!

شكرا للرد .. طيب نوع الردياتير ايه ؟؟ بلده او ماركته ايه .. نحاس و الا حاجه تانيه ؟؟ و منين اشتريه حد مضمون !!!

**zastaffa** · 03-09-2013 02:31 AM

ياباشا الراديراتير مالوش نوع معين...ع العموم هوا الشائع أوي نوع أسمه البستاني وبيقوللك عليه خامات ألماني متقفل محلي..بس طبعا كل ده هجص×هجص لأنه بيبقي خامات وصناعة مصرية خالصة
علي أي حال هوا هياخد منك القديم ويركبلك راديراتير جديد كامل بالعلب والرقب النحاس الجديد بتاعه...كل اللي هياخده من القديم هي الترموستات بس
أنا لسه جايب واحد نحاس 3ماسورة لعربيتي أل128 من حوالي 10 أيام ودفعت 300جنيه وخد مني القديم

**fiatlover** · 03-09-2013 04:16 PM

المشاركة الأصلية كتبت بواسطة zastaffa

ياباشا الراديراتير مالوش نوع معين...ع العموم هوا الشائع أوي نوع أسمه البستاني وبيقوللك عليه خامات ألماني متقفل محلي..بس طبعا كل ده هجص×هجص لأنه بيبقي خامات وصناعة مصرية خالصة
علي أي حال هوا هياخد منك القديم ويركبلك راديراتير جديد كامل بالعلب والرقب النحاس الجديد بتاعه...كل اللي هياخده من القديم هي الترموستات بس
أنا لسه جايب واحد نحاس 3ماسورة لعربيتي أل128 من حوالي 10 أيام ودفعت 300جنيه وخد مني القديم

شكراااااااااا جدا يا باشا .. معلمواتك دي افادتني جداااااا .....

**new_man** · 05-09-2013 07:36 PM

وهل لو جبت ريداتير المونيوم..ايه النظام؟؟

**zastaffa** · 06-09-2013 04:33 AM

المشاركة الأصلية كتبت بواسطة new_man

وهل لو جبت ريداتير المونيوم..ايه النظام؟؟

ههههههههههه ياباشا دي 127 يعني سعة لترية ماكملتش أل 1000 سيسي...يعني مش مستاهلة ريداتير ألمونية والنحاس بيقوم بالواجب وزيادة
الريداتير الأمونية ده في المواتير الحديثة اللي سعتها اللترية عالية وطبعا سرعتها ع الطريق 160..180 مستريح وبالتالي محتاجة سربنتينة ألمونية للقيام بالتبريد في فترة وجيزة...
أنما عربيتنا الكاتيانة ديه اللي وقت مايضربها الدم وتاخدها الجلالة أوي أخرها تجيب 90..100بطلوع الروح وفاكرها نافسها خلاص جابت الديب من ديلة....ماشية علي 100بأه ولا حدش أدها.....دي كويس عليها أوي ريداتير نحاس يكتم اللي جابوها

**new_man** · 07-09-2013 08:52 PM

ههههههههههه ياباشا دي 127 يعني سعة لترية ماكملتش أل 1000 سيسي...يعني مش مستاهلة ريداتير ألمونية والنحاس بيقوم بالواجب وزيادة
الريداتير الأمونية ده في المواتير الحديثة اللي سعتها اللترية عالية وطبعا سرعتها ع الطريق 160..180 مستريح وبالتالي محتاجة سربنتينة ألمونية للقيام بالتبريد في فترة وجيزة...
أنما عربيتنا الكاتيانة ديه اللي وقت مايضربها الدم وتاخدها الجلالة أوي أخرها تجيب 90..100بطلوع الروح وفاكرها نافسها خلاص جابت الديب من ديلة....ماشية علي 100بأه ولا حدش أدها.....دي كويس عليها أوي ريداتير نحاس يكتم اللي جابوها

:)
انا قلت كده برضه
بس سؤال انا سمعت ان ريداتير ال 128 يركب على ال 127
هل ده صحيح؟؟