الموضوع: عاوز تلفزيون سمسونج46او55 ثرى دى وسمارت فئه6

المشاركة الأصلية كتبت بواسطة sound of life

الموديلات بلتفصيل اللى عاوز واحد فيهم:

ال46 بوصه

f6100
f6400
f6800
f7500
f8000


وال55 بوصه
s8000
f7500
f8000

توضيح بسيط ال f دى موديل السنه دى اللى هى 2013 ودى لسه نازله مبقالهاش شهر يمكن خصوصا فى الفئه 7 و8 وصعب جدا تلاقى حد جابها وبيبيعها مستعمله
انا رائى تبص على موديلات السنه اللى فاتت ومفيش اصلا اختلاف نهائى ما بين السنه دى واللى فاتت غير فى شكل القاعدة والفريم بتاع الجهاز من وجهه نظرى المتواضعه
يعنى لو عايز فئه 7 دور على ال es 7500 و8 es8000 وبالتوفيق
انا عن نفسى عندى ال es8000 وتليفزيون ماشاء الله متصورش انه يكون عند حد ويفكر يبيعه

المشاركة الأصلية كتبت بواسطة sound of life

قول يارب انا شفت كذا واحد بس مكنش معايا الفلوس كلها

وبعدين قصدك موديل السنه اللى فاتت s ولا es?? فى s السنه دى برضه

بس على فكره بيتيهالى انتا كنت بتبيع ال جى سينما ثرى دى اللى هو الموديل الى عليه كلام كتير ناس بتقول حلو وناس وحش ومع ذلك الكل بيبيعها وبسرعه مش عارف ليه؟؟؟ انا كنت فكرت فيها بس السمسونج افضل عشان حتى النظارات اكتيف مش باسف

انا اقصد ال es 8000 معرفش دة يتصنف موديل انهى سنه هنا فى مصر لكن هوه بره يعتبر موديل السنه اللى فاتت

وال lm 6610 فعلا كنت بعته من فترة كبيرة بس بصراحة مسمعتش حد قال عنه كلمه وحشة بالعكس الموديل دة تحديدا كان سبب فى ازدهار سمعه lg السنه اللى فاتت هوه وموديل صغير 32 بوصه كان رقمه lm 6410

المشاركة الأصلية كتبت بواسطة طارق _عبد السلام

ممكن استاذنا الفاضل توضح لنا الفروق بين الموديلين بما انك تعاملت معهم ودائما كتاباتك توضح انك فاهم جدا فى الموضوع ده لان اغلب المتعاملين مع التلفزيونات ما بيدورا فى التفاصيل الدقيقه المهم عندهم سعر وحجم

يه المميزات والعيوب بغض النظر عن التحكم الصوتى والاشاره فى السامسونج وممكن توضح تعامل التليفزيون مع الانترنت ويفضل السرعه كام وهكذا

لانهم فئتين مختلفتين لكن فرق الصوره والامكانيات وال جى نزلت تليفزيون بالاشاره والصوت بس حاسس انه مايفرق كتير عن lm6610

الفرق بين الجهازين كبير جدا خصوصا فى تكنولوجيا تصنيع الشاشه نفسها
مبدايا المقارنه حتبقى ظالمه اوى لل 6610 لان دة يعتبر تليفزيون فئه متوسطة من lg وموديل السامسونج دة high end بمعنى انك علشان تقارن es8000 من السامسونج بحاجة ف ال جى يبقى تقارنه بالموديل اللى هوة lm 9600
بس عموما الفروق بين الجهازين تتلخص فى الاتى ومش حتكلم عن الاشارات والكاميرا والكلام دة لانى مبستخدمهش اصلا :)
1- ال ultra clear panel فى السامسونج او تقنيه تصنيع شاشة السامسونج مبهرة فى السطوع وتدرج الالوان بجد على عكس ال جى مع ان ال جى الشاشه حلوه جدا والوانها رائعه لانها من نوع ips ودى تعتبر افضل panel فى الالوان تحديدا لكن يعيبها ان السطوع فيها ضعيف جدا مقارنه بسطوع السامسونج ودة راجع للاسف لتقنيه ال passive 3d اللى بتخلى طبقة ال 3d موجودة داخل الشاشه التليفزيون ودى بتغمق زيادة عكس سامسونج الطبقه فى النضاره بس الشاشه معليهاش حاجه
2- بالنسبه للسرعه كسمارت تى فى الجهازين كويسين طبعا مع فرق سرعه ملحوظ للسامسونج ومع زلك لم يرتقى لمستوى مريح للتعامل كسمارت تى فى يعنى لسة بردة محتاجين معالج اكبر ورامات اكبر علشان تحس انك بتتعامل مع سمارت فعلا . الميزة اللى سامسونج عاملاها انها منزله مع الموديلين 8000 و 7500 تحديدا خاصيه التحديث بمعنى ان فى جهاز اسمه evolution kit دة بيبقى فى حجم الهارد الاكسترنال كدة وبيبقى فيه كل التحديثات الجديدة فى الاجهزة الجديدة من هاردوير وسوفتوير وبيركب فى ضهر الجهاز ويقال انة حيفضل مدعوم للاجهزة السابق زكرها دى لحد 2015 يعنى كل سنه لو جبت الجهاز دة كانك بالظبط اشتريت تليفزيون موديل السنه من نفس الفئة بتاعتك :)
3-ال 3d ودى نقطه مهمه جدا لازم نتكلم عنها السنه دى تحديدا لان سامسونج عملت طفرة فى مشاكل ال3d عندها ويمكن اتغاظت من كتر ما الناس بتقول ان ال جى احسن فى الثرى دى
الحقيقه انا مش عارف مين الى افتى الفتوه دى واظن ان الموضوع بدا كاشاعه لال جى علشان يعملوا ارباح ويضربوا سامسونج وبيتهيالى انهم نجحوا فى الموضوع دة بنسبه 100% و بس يمكن الموديلات القديمه من سامسونج كان فيها مشاكل الله اعلم بس انا شايف ان ال active 3d احسن الف مرة من الباسف اللى موجود عند ال جى حتى اللى موجود فى اخر موديل عندهم لانى جربته كويس قبل ما اشترى الجهاز علشان اعرف
ال active 3d بيديلك full hd 3d بعكس ال جى اللى بيوصلك الثرى دى تقريبا بنص الريزوليوشن ودة بيبقى بالنسبه لناس كتير مش مهم او مش ملاحظ لكن فى ناس كدة زى حالاتى للاسف عينهم حساسة للحجات دى وبيهتموا بيها :( (التفاصيـــــــــــــــــ� �ـــــــــــل )
4- نقطه كمان تحسب لصالح السامسونج ان فى المشاهد السريعه او حركة الكورة تحديدا كان ال جى ساعات يداقنى لانى كنت بلاحظ تغبيش او ان فى مناطق بتغمق اوى خلال حركة الكورة من اتجاة لاتجاة بسرعه ودة بيسموه فى تقنيه ال ( ghosting( led ودة المفروض انة موجود فى كل ال اى دى وبيبان اكتر فى الاحجام الكبيرة لكن سامسونج بصراحة قللت اوى الموضوع دة ويكاد بكون مش مزعج زى ما كان فى ال جى

مشكله سامسونج الوحيدة هى اسعارها المبالغ فيها واللى للاسف شايف ان ال جى بدات تروح ناحيه السكه دى هى كمان لانها عملت سمعة فى مصر بقالها فترة مش قليله لكن سمعتها كانت بمنتجات حلوة واسعارها منافسه لكن لو حتغلى وتقرب اوى من سامسونج يبقى سامسونج اولى

لو فى اى استفسار تانى انا تحت امرك انا قلت اللى قدرت اجمعه كدة من تجربه الموديلين او الشركتين عموما
اسف على الاطاله