الموضوع: مشكلة في كومبرسور التكيف للنيو صني

العربية نيو صني لسه عامل صيانة ال 10000 .... قبل ماروح الصيانة كنت بسمع صوت غريب كده بعد ماقفل الكونتاكت ... صوت عامل زي ميكون في حاجة بترف كده ... مشيت ورا الموضوع لحد مشوفت بعيني الكومبرسور بتاع التكيف بيفضل يلف لوحده كده شوية بعد ما الماتور يبطل... ركزت قوي مع الموضوع و لقيت انه بيعمل كده برضة و العربية ماشية لما التكيف يفصل و يشتغل في ظروف التشغيل الطبيعية...

المهم لما روحت اوتو ايجبت وريت المهندس المشكلة و اكد على كلامي ان الكومبرسور محتاج يتغير فعلا بس هو مش متوفر حاليا و مش منتظر يتوفر بسرعة .... هو التكيف شغال و بيسقع و كل حاجة بس الصوت الي بيطلع ده مخليني حاسس اني راكب عربية اي كلام ....

ويبقى هنا السؤال الي مش لاقي له اجابة "انا استفدت ايه اني اشريت عربية بتتجمع في مصر و قطع غيارها مش متوفرة و سعرها زي غيرها و مش بس كده و كمان جودة اقل" انا من حسن حظي ان التكيف على عيبه ده شغال و بيسقع و كل حاجة ... لو واحد بقى لا قدر الله عمل حادثة و احتاج قطع غيار مؤثرة و من غيرها العربية مش هتتحرك هيعمل ايه بقى ...

انا عن نفسي بقيت انقل الصورة زي ماهي كده لاي حد بيسألني عن العربية ... و الحقيقة الي بيسمع كده بيقلق ...