مشكلة بعد شحن التكييف

**Midos** · 02-09-2013 07:22 PM

السلام عليكم..
انا معايا عربية النترا 2005 مانيوال بقالها سنة من اول لما جبتها التكيف لما بكون ماشي في زحمة كان بيفصل ويشتغل كتير لكن علي الطريق كان بيكون شغال تلاجة و ميفصلش غير لما اهدي ...

من اسبوع روحت اكشف عليه الصنايعي قالي الفريون اللي فيه وحش و قالي هنفضي الفريون و نشحنوا من الاول قولتله ماشي و شحن التيكيف و التسقيع كان احسن و تاني يوم مشيت علي طريق سريع حوالي 40 كيلو و رجعت ركنت العربية و التكيف كان شغال كويس ,,,تاني يوم نزلت اشغل التكيف لقيت الكمبريسور بيشتغل لكن التكيف جايب هواء سخن زي المروحة .. روحت للصنايعي قالي السبب ان العربية سخنت وانا متأكد ان العربية مسخنتش و عدادد الحرارة مبيزدش ابدا عن الطبيعي و زودلي الفريون تاني و التكيف رجع شغال تلاجة ركنت العربية يومين و بعدين جربت التكيف لقيتوا شغال تلاجة ,, سافرت امبارح بالعربية بورسعيد و انا مشغل التكيف في الاول كان شغال تمام لكن و انا في نص الطريق حسيت انوا بدأ يفصل كتير تاني لكن كان شغال .. ركنت العربية و نزلت انهاردة الصبح بشغل التكيف لقيته بيعمل صوت صفارة من جوة العربية لمدة 3 او 4 ثواني و الكمبريسور بيشتغل لكن برضو التكيف جايب هوا مروحة

اسف طولت عليكم ,,يا ريت حد يساعدني لو يعرف السبب او حل للمشكلة دي انا كلمت الصنايعي و قالي لما ترجع من السفر تعالي اشوف العربية تاني و خايف المشكلة ترجع تاني.

**Gelgel2004** · 02-09-2013 07:54 PM

اكيد فيه تسريب
راجع مركز متخصص و امين
و من تجربتى
ارشح لكم مركز كوول اير 26202455 من 10 / 5.30 يوميا
كلم ا / هيثم و بلغه من طرف نايل موتورز و ان شاء الله تكرم
تحياتى

**Maged_Samy** · 02-09-2013 08:16 PM

مش اى حاجة فى التكييف تبقى شحن وخلاص الصنايعى ده مش كويس شوف حد تانى ، ممكن يكون الترموثتات فيه مشكلة .

**Midos** · 02-09-2013 08:26 PM

انا ك مشكلتي دلوقتي ان التكيف بيطلع هوا زي المروحة و الثيرموستات سليمة بدليل اني لما بشغل التكييف دلوقتي بحس بالشدة بتاعة الكمبريسور لما يشتغل و صوت العربية بيعلي لكن التكيف بيطلع هوا مروحة

**alameer81** · 25-09-2013 10:29 PM

غالبا تسريب من بلف الشحن
لان انت بتقول ان المشكله ما ظهرتش الا بعد الشحن , فممكن يكون البلف علق من الصنايعى
روح لحد محترم يكبس الدايرة كويس ويختبر التسريب ويفرغها تانى ويشحن ورجع يختبر التسريب من البلوف بعد الشحن

**saddam** · 25-09-2013 11:25 PM

صديقي المواطن
الموضوع تسريب والشخص.اللي إنت بتسميه صنايعي ده مش صنايعي ده كفتة ومش بلدي كمان حد يزود شحن من غير كبس دورة التكييف.للفحص طب أضعف اﻹيمان لو إنت سوبر ضياع حط ضبغة مع الفريون عشان لما تفضى.تاتي تعرف بتسرب منين
ودمتم للنضال

**moha_85** · 27-10-2013 01:23 AM

السلام عليكم موضوع التكيف زى ماعندى فى الانوس بس انا رحمه شوية يظل شغال ثلاجة شهرين ثلاثة وبعد كده الكمبروس شغال بس هواء مروحة

عزيزى جل جل 2004 مركز كوول اير عنوانه ايه بالضبط اصل انا زهقت من بتوع التكيف الموجودين فى بنها

ولكم جزيل الشكر

**احمدمكيف** · 15-11-2013 08:58 PM

ياجماعه ﻻزم السياره تنضغط هوابدايره التكيف اوصبغه ليزر وده علشان يعرف مكان التنفيس وهوفي الغالب من الجوانات امامسآلةانه في السرعه علي طريق سفريعني يقلب هوا حار ده يبقي الداءره ﻻزمها تنظيف وتغير خزان الفلتر ﻻنه بيكون وسخ وبيجمع لما السرعه تزيد .وشكرا

**Gelgel2004** · 16-11-2013 04:30 PM

المشاركة الأصلية كتبت بواسطة moha_85

السلام عليكم موضوع التكيف زى ماعندى فى الانوس بس انا رحمه شوية يظل شغال ثلاجة شهرين ثلاثة وبعد كده الكمبروس شغال بس هواء مروحة

عزيزى جل جل 2004 مركز كوول اير عنوانه ايه بالضبط اصل انا زهقت من بتوع التكيف الموجودين فى بنها

ولكم جزيل الشكر

تحت امرك
ا شارع البوصيرى من جسر السويس خلف سوق القنال الدولى
تليفونه 26202455
و اسال عن ا هيثم و بلغه من طرف نايل موتورز
و ان شاء الله تكرم