أضحك بسبب هذة المشكلة

**ابوابراهيم323** · 02-09-2013 08:26 PM

السلام عليكم ورحمة الله وبركاته
كيف حال الاخوة الاكارم
معلش على عنوان الموضوع بس ده حصل معايا فعلا
كنت ذهبت لكهربائى وظبط لى الانوار وعمل كتاوت وكانت تمام وبعد يومين مفيش نور عالى
بفتح الكبوت لقيت قطة نايمة (:
فى الناحية اليمنى اللى مفيهاش بطارية
ونزلت من تحت وكنت بزود مياه للعربية وحركت الاسلاك وفعلا النور اتصلح
جيت تانى يوم افتح الكبوت لقيت القطة تانى (:
خلاص اصبحت العربية مكان أمن لها وحلو للنوم ايه العمل كده
وكل شوية بتهز الاسلاك
انا خايف لتكون هى اللى غيرت اسلاك البوجيهات (:

أحبكم فى الله

**YHYAKOTB** · 02-09-2013 08:39 PM

ههههههههه الله فى عونك انا كان فى عرسة بتنام فى الحتة دى ممكن بقى تسدها بحاجة بحيث متعرفش تقعد فيها وتنزل

**sakr_skoda** · 02-09-2013 11:17 PM

المشاركة الأصلية كتبت بواسطة ابوابراهيم323

السلام عليكم ورحمة الله وبركاته
كيف حال الاخوة الاكارم
معلش على عنوان الموضوع بس ده حصل معايا فعلا
كنت ذهبت لكهربائى وظبط لى الانوار وعمل كتاوت وكانت تمام وبعد يومين مفيش نور عالى
بفتح الكبوت لقيت قطة نايمة (:
فى الناحية اليمنى اللى مفيهاش بطارية
ونزلت من تحت وكنت بزود مياه للعربية وحركت الاسلاك وفعلا النور اتصلح
جيت تانى يوم افتح الكبوت لقيت القطة تانى (:
خلاص اصبحت العربية مكان أمن لها وحلو للنوم ايه العمل كده
وكل شوية بتهز الاسلاك
انا خايف لتكون هى اللى غيرت اسلاك البوجيهات (:

أحبكم فى الله

وعليكم السلام ورحمة الله وبركاته

عاوز الحل باختصار حتلها كلب فى كبود العربية وعلشان ميهربش اربطة فى كاربرتير العربية وحط ليه اكل وميه بكدا حتخلص من القطة نهائيا ايه رئيك مش حل من الأخر........

حبك الذي احببتنا فيه....

**أحمد جودة** · 03-09-2013 09:21 AM

ههههههههههههههه والله حاجة لطيفة وحصلت معايا والقطة كان رزقها واسع كانت ماسكة صباع كفتة بتاكلة والله صعبت عليا وكان نفس اخد صباع الكفتة واجري وراها واديهولها ........ وكذا مرة الاقي عضم فراخ ....... فى الاول شكيت تكون العربية مسكونة بس يعد كدة اكتشفت موضوع القطط ......... بص هقولك على فكرة حلوة ...... موضوع الاسلاك دة أنا قررت أعمل الاتي ....... اشتري شريط لحام كبييييير وكيس احزمة بلاستيك بتاعت سلك الكهربا والف شريط اللحام على بعض الاسلاك واشبكهم مع بعض بالاحزمة ...... والمكان اللى بتنام فيه القطة انا شوفت واحد صاحبي حاطط زجاجة مياة للردياتير فى المكان دة وبعض العدد ...... فكر تعمل كدة وتشوف النتيجة بس ابقي خلي بالك وانتا طالع بالعربية واتاأكد ان القطة مش تحتها ...... تحياتي يا استاذ اكرامي