تركيب زينون

**qwezo** · 02-09-2013 09:28 PM

انا معايا بولو 97 فكنت عاوز اركب زينون و معايا حوالى 400 : 500ج
اجيب نوع اية و كدة
مع العلم ان دى اول تجربة ليا مع الزينون و شبة مش فاهم حاجة خالصصص :(
و عاوز الاول اروح لبتاع فيبر عشان يخرم مكان لية . ولا فية حل تانى؟؟
و شكرااا

**qwezo** · 03-09-2013 09:35 PM

40مشاهدة و مفيش حد عبرنى بكلمة واحدة :(

**saddam** · 03-09-2013 09:50 PM

ﻷن.الموضوع بسيط تروح ﻷي فرع أدريان وتنقي نوع وهم يركبوه أغلى من السوق شوية بس صنعتهم نظيفة وسريعة خصوصا فرع المطبعة هرم ولو عايز تجيب من التوفيقية أو أي مكان تاني جايز تعك ومتعرفش أنه يركب بدل لمض عربيتك وأوعه تثق في أي كهربائي عمومي في الحاجات دي وسؤالك التاني إجابته لا علاقة.لبتاع الفيبر في موضوعك ودمتم للنضال

**Yasser.Essam** · 04-09-2013 12:11 AM

استاذى الزينون ملوش علاقه بالفيبر والتخريم والكلام ده :)

الزينون عباره عن لمبات و اجهزه والجهاز ده حاجه قد كف الايد و ممكن اصغر

بس اولاً حضرتك منين عشان اقدر افيدك بالمكان الكويس فى بيع الزينون وتركيبه :)

**qwezo** · 04-09-2013 03:31 PM

مهى المشكلة انى من دمياط
و انا محتاج اخرم فى الشبكة الى تحت الاكصدام عشان احط فوانيس شبورة

**qwezo** · 04-09-2013 03:35 PM

[url=http://www.google.com.eg/imgres?imgurl=http://i.dbzstatic.com/main/tmp/fuego/images/upload/2013/03/28/7-890d3786433a4a30b3db085adfebd417.jpg&imgrefurl=htt p://egypt.dubizzle.com/ar/alexandria/cars/volkswagen/listing/7-listings-602b1338f1205fac8e5d38118c34f23c/show/%3Fback%3DL2FyL2FsZXhhbmRyaWEvaG9tZS8%3D&usg=__BIn dxPAdPQnZ8l-C7EceUJ24q98=&h=600&w=800&sz=50&hl=ar&start=26&zoo m=1&tbnid=jO3APCplruDJVM:&tbnh=107&tbnw=143&ei=xyg nUoD8GKSp7QbkuIDIBw&itbs=1&sa=X&ved=0CDUQrQMwBTgU]

**haysam2000** · 04-09-2013 06:20 PM

انت عايز تركب زينون فى الشبورة ولا فى مكان الأضاءه العاديه للسياره ؟
لازم توضح علشان الرد يكون واضح ليك انت كمان
بالنسبه للأنواع كله صينى و مش فارقه كتير انا جبت نوعين لحد دلوقت و الحمد لله بيعيش عادى مره ب 350 و مره ب 400
انت لمبتك (h4) يعنى العالى و الواطى لمبه واحده علشان تبقى عارف
الأحسن بس علشان كده غالى زى ما بجيبه انه 55 وات لآن 35 ارخص بس اضائته اضعف سيكه و انا بسافر كتير و بعتمد عليه اعتماد كلى
و اهم حاجه لو جبته فى الفوانيس الأساسيه يعنى مكان اضائتك الأساسيه انك لما تيجى ترعش تكون فاتح الوسط اصلا علشان متبوظش الجهاز بتاعه و بكده هيعيش معااااااااااااك
ولو ناوى تركب فوجات (الشبورة) و تركبلها زينون يبقى تعمل حسابك تجيب الفوجات الأصلى علشان متسحش من الزينون و برضه هات 55 وات و للأمانه متتوقعش اضاءة خرافيه هو هيبقى حلو فى الطرق المكسره و على مسافات قريبا لا تزيد عن 6 متر

**Yasser.Essam** · 06-09-2013 01:51 AM

بص هو كلام أستاذ هيثم تمام

بس هضيف معلومه

بالنسبه للموديول اللى بيبقى 35-55-75-100 وات مش بيفرق فى قوة اللمبه

اختلاف الوات بيفرق فى سرعة سخونة اللمبه

الزينون اللى حضرتك هتركبه هيبقى كويس واضائته قويه وهتشوف بيه كويس

بالنسبه لزينون الفوجات حاول تخلي الشغل عند بتاع الفيبر مش مجرد قطع فى الشبكه وخلاص عشان ماتبوظش المنظر العام لعربيتك :)

**qwezo** · 06-09-2013 12:45 PM

طب انا روحت لبتاع الفيبر و قالى الشبكلة الى عندك مش هيتخرم فيها انتا هتروح تجيب فانوس شبورة و تروح للكهربائى و هوا هيظبها
اجيب فوانيس شبورة اصلى شكلهم ايةة عشان يبقم ليقين على العربية؟