الموضوع: القول الفصل (اخلينى مع الصيانة الدورية والضمان ولا لا)

انا مع رأي توت باشا ، إذا لا قدر الله حصل حاجة واحتاجت للضمان خصوصاً للموتور او الفتيس مش هيبقي موقف حلو.
عن نفسي انا برة الضمان اصلا لأن استهلاكى للعربية خفيف ومش بحتاجها كثير وهما بيعلموه صيانات بالوقت او بالكيلو ايهما اقرب ولما احتجت اغير حاجة بسيطة ضمان يعني "تراب خفيف فى الكشافات والكشافات المفروض تتغير ضمان" قالوا لازم اعمل صيانة كبيرة معملتهاش علشان يشتغل الضمان ، حاسس ان دة استغلال مش اكثر ، ومش عارف مهندس مين هناك بيقولي واحنا ايه اللى عرفنا انك هتشتري العربية وهتركنها! حاجة قلت ادب والواحد ملهوش فى العك والرغي الكثير قولت لهم مش مشكلة الضمان يقف ومضيت لهم اننا مش عاوز اعملها.

موضوع محير فعلا

أنا في عربيتي أنا السوزوكي فضلت مع التوكيل لغاية 20 ألف ... وبعدين حسيت زيك كدة إن الموضوع مش جايب همه وكل مرة أروح أغرم مبلغ وقدره بدون ما أحس إن العربية بيتعمل فيها حاجة اصلا غير اليوم اللى بيروح بالكامل عشان خاطر الصيانة ... فبقيت أروح لواحد برة كويس بس بعيد جدا أعمل عنده الصايانات البسيطة

وبعد كدة بقيت أعمل أنا الصيانات البسيطة دي بإيدي لما أكون فاضي

بس معرفش بقى هاعمل كدة برضه في البيرسونا ولا لأ

المشاركة الأصلية كتبت بواسطة al-farooq

انا مع رأي توت باشا ، إذا لا قدر الله حصل حاجة واحتاجت للضمان خصوصاً للموتور او الفتيس مش هيبقي موقف حلو.
عن نفسي انا برة الضمان اصلا لأن استهلاكى للعربية خفيف ومش بحتاجها كثير وهما بيعلموه صيانات بالوقت او بالكيلو ايهما اقرب ولما احتجت اغير حاجة بسيطة ضمان يعني "تراب خفيف فى الكشافات والكشافات المفروض تتغير ضمان" قالوا لازم اعمل صيانة كبيرة معملتهاش علشان يشتغل الضمان ، حاسس ان دة استغلال مش اكثر ، ومش عارف مهندس مين هناك بيقولي واحنا ايه اللى عرفنا انك هتشتري العربية وهتركنها! حاجة قلت ادب والواحد ملهوش فى العك والرغي الكثير قولت لهم مش مشكلة الضمان يقف ومضيت لهم اننا مش عاوز اعملها.

ده أحد الأسباب اللى بتخليني أبعد عنهم ... الرغي الكتير بتاعهم كلهم بلا استثناء والمغالطة في كل حاجة ... يعني لما تحصل حاجة فعلية وتكون محتاج الضمان بتاعهم فعلا تلاقي بقة الحجج الواهية اشتغلت وأصل انت ما عملتش إيه ولا عملت إيه وده بيخرجك برة الضمان

أحد الأمثلة ..

.. أنا عندي المرايا بتاعة السواق كانت مراية عربية دريكسيون يمين وما كنتش باشوف منها كويس عشان لما باجيبها على الآخر ما كانتش بتجيب الشارع كله ورايا وكانت بتجيب نص العربية تقريبا وهي على الآخر ... بس ما كنتش واخد بالي إنها بتاعة عربية دريكسيون يمين .. لغاية ما وانا في التوكيل بعمل ضبط القنطرة عشان الحدفة اليمين الشهيرة لاقيت المهندس بيحاول يضبطها ومش عارف وهو اللى قالي كدة .. وكتبلي فعلا إنها محتاجة تتغير عشان هي مرايا عربية دريكسيون يمين

لغاية هنا زي الفل مش كدة !!! ...

وحسيت إني فعلا في توكيل كويس يهمه مصلحة العميل خصوصا إن دي كانت أول أروحلهم وإن كل الكلام اللى بيتقال عليهم إفتراء ... الراجل اكتشف العيب وقرر يغير من نفسه ومن غير ما أطلب حتى

بس بعد كدة لاقيت المهندس آمر مسك المهندس اللى كتبلي كدة في الورق ... بعيد طبعا وفي السر بس أنا كنت شايفهم وسامعهم من غير ما ياخد باله من غباؤه لأني كنت واقف وراهم بالصدفة ...

... ومسح بيه الأرض عشان إزاي يعمل حاجة زي من غير ما يرجعله وإن العميل أصلا ما طلبش تغييرها تقوم انت مغيرها من نفسك وان انت هاتتحمل المسئولية وتتخصم منك و ... و ... و ... ... الحاجة اللى غايظاني إن هم مش خسرانين حاجة أبدا من تغييرها بالعكس ده هايخدوا اللى كانت راكبة وهي جديدة سليمة ومدهونة ومافيهاش خربوش ... ويا إما هايرجعوها لبلدها ويحاسبوهم عليها يا إما هايلبسوها لعميل مش واخد باله ويحاسبوه عليها بالدهان كمان

لما يكون ده تصرف الكبير بتاعهم يبقى نستنى منهم إيه

يادكتور انا رحت اغير الزيت عند عصام صفا واستفسر على شوية حاجات
وسئلت اية الى ممكن الضمان يعلهولى وايه الى يجبرنى ويشجعنى انى اخلينى تبع الضمان
قلى ياعنى ممكن نشحنلك الفريون قبل 20 الف كيلو قلتلوة والتيل قلى مش عارف
فا مش عارف بصراحة ومش لاقى حاجة تشدنى للضمان وان شاء الله دى اخر صيانة معاهم

المشاركة الأصلية كتبت بواسطة shshtawy

يادكتور انا رحت اغير الزيت عند عصام صفا واستفسر على شوية حاجات
وسئلت اية الى ممكن الضمان يعلهولى وايه الى يجبرنى ويشجعنى انى اخلينى تبع الضمان
قلى ياعنى ممكن نشحنلك الفريون قبل 20 الف كيلو قلتلوة والتيل قلى مش عارف
فا مش عارف بصراحة ومش لاقى حاجة تشدنى للضمان وان شاء الله دى اخر صيانة معاهم

يا سيدي الفاضل
الضمان ميزته الوحيده
ان لو حصل و ظهر عيب صناعة في حاجة كبيرة (التوكيل يشيلك )

إنما ما تطلعش برة الضمان و بعدين لا قدر الله يبان عيب في حاجة كبيرة و ثمنها غالي - أنت اللي هاتشيلها و مش هاتقدر تتكلم معاهم .

ده غير طبعا أهمية عمل الصيانة في مراكز معتمدة و نظيفة
في كل الاحوال هما أفضل من برة و العربية بتفضل في حال كويس لأطول فترة ممكنة

بس أنا قلتلك على أهمية الضمان و بجد ............. أو عى تخرج برة الضمان على الأقل و أنت لسة تحت 20 ألف

أبقى يا سيدي أوصل 20 ألف و أعمل اللي أنت عايزه برة .
أنا بقولك لمصلحتك .

المشاركة الأصلية كتبت بواسطة tutankhamoun

يا سيدي الفاضل
الضمان ميزته الوحيده
ان لو حصل و ظهر عيب صناعة في حاجة كبيرة (التوكيل يشيلك )

إنما ما تطلعش برة الضمان و بعدين لا قدر الله يبان عيب في حاجة كبيرة و ثمنها غالي - أنت اللي هاتشيلها و مش هاتقدر تتكلم معاهم .

ده غير طبعا أهمية عمل الصيانة في مراكز معتمدة و نظيفة
في كل الاحوال هما أفضل من برة و العربية بتفضل في حال كويس لأطول فترة ممكنة

بس أنا قلتلك على أهمية الضمان و بجد ............. أو عى تخرج برة الضمان على الأقل و أنت لسة تحت 20 ألف

أبقى يا سيدي أوصل 20 ألف و أعمل اللي أنت عايزه برة .
أنا بقولك لمصلحتك .

+1

أنا برضه شايف إنك على الأقل تفضل مع الضمان لغاية 20 ألف تكون برضه اطمنت على العربية إن ما فيهاش عيوب جوهرية في الموتور أو أي حاجة كبيرة ... ده الكلام ده لو قررت إنك تبعد عنهم ... وعلى فكرة عشرين ألف مش كتير ... يادوب أربع صيانات .. اللى هم ألف .. وخمسة .. وعشرة .. وعشرين ... وكلهم ما فيهومش حاجة جوهرية

وفي نفس الوقت تكون عرفت العربية وخدت عليها وابتديت تحس بيها وتفهمها بما إنها أول بروتون لحضرنك

وعلى فكرة أي حد يقول إنه ابتدى يفهم عربيته الجديدة ويحس بيها ويتعود عليها قبل 20 ألف ما تصدقوش

خلاص ياجماعة انا معاهم لحد العشرين وبعد كدا
ربنا يسهالها

المشاركة الأصلية كتبت بواسطة d . A .\ ayman

بس بعد كدة لاقيت المهندس آمر مسك المهندس اللى كتبلي كدة في الورق ... بعيد طبعا وفي السر بس أنا كنت شايفهم وسامعهم من غير ما ياخد باله من غباؤه لأني كنت واقف وراهم بالصدفة ...

... ومسح بيه الأرض عشان إزاي يعمل حاجة زي من غير ما يرجعله وإن العميل أصلا ما طلبش تغييرها تقوم انت مغيرها من نفسك وان انت هاتتحمل المسئولية وتتخصم منك و ... و ... و ... ... الحاجة اللى غايظاني إن هم مش خسرانين حاجة أبدا من تغييرها بالعكس ده هايخدوا اللى كانت راكبة وهي جديدة سليمة ومدهونة ومافيهاش خربوش ... ويا إما هايرجعوها لبلدها ويحاسبوهم عليها يا إما هايلبسوها لعميل مش واخد باله ويحاسبوه عليها بالدهان كمان

لما يكون ده تصرف الكبير بتاعهم يبقى نستنى منهم إيه

تصدق دي آخر حاجة كنت اتوقعها من آمر! خلاص ربنا ما يحوجنا للصحرواي تانى / نروح اى مكان بعيد عنهم ، منظرة على الفاضي.