محظوظ فى الكاسيت :s

**aldesha989** · 03-09-2013 07:50 PM

السلام عليكم ورحمة الله وبركاتة

انا كل ما اركب كاسيت لازم يطلعلى فيه خازوق

الكاسيت اللى قبل ده كان بيزن زن غبى طول ما انا ماشى وبيبان اكتر لما كنت بشغل النور وواحد صاحبى هو اللى اخد باله من الموضوع ده

المهم غيرته الزنه راحت فعرفت انه من الكاسيت

بعدين لما غيرت الكاسيت الجديد كويس ومعقول وصوته حلو وكل حاجه

لكن فى حاجه غريبه وانا متأكد انها مش من الكاسيت

اول ما ادور العربيه الكاسيت يشتغل ويجيب الملف وكأنه مشغله والشاشه بتطلع وتنزل فى الكاسيت وبيعد ثوانى كأن كل حاجه شغاله

لكن مافيش صوت وبعدين تمشى شويه تلاقيه اشتغل لوحده

بعد عناء مع الموضوع المقرف ده اكتشفت حاجه بقدر الله كده
لما اولع النور الصغير واطفيه على طول الصوت يطلع ويشتغل

لو فضلت مولع النور الصغير مافيش حاجه هتشتغل الا بعد فتره برضه
ولو ما ولعتش النور الصغير بالنهار وطفيته على طول برضه الصوت مش هيطلع

يعنى الصوت لو ما طلعش قدامى حلين

يا اما اولع النور الصغير واطفيه تانى
يا اما اسيب الصوت يطلع براحته
ممكن ربع ساعه ممكن نص ساعه براحته

وبعدين نزلت دلوقتى راجعت على توصيلات الكاسيت وشيلت اى سلك ملهوش لزمه تمامآ وعك السنين اللى كان معمول فى العربيه قبل ما اشتريها وخليت كل حاجه مظبوطه وعزلت ضفيرة الكاسيت كويس لكن برضه مافيش جديد

وبعدين كل حاجه راحت من ميمورى الكاسيت فعدلت البيز ورفعته خليته 4 لقيت لمض التابلوه بتلعب مع كل بيز قولت اجرب اوقف البيز لقيت سليم وبعدين روحت معلى البيز على 7 لقيت اللمض بتلعب اقوى من الاول اوطى البيز تلعب بالراحه

ايه الحوار ده بقى علشان مخى شاط الله يكرمكم وما اعرفش كهربائى عدل اروحله ماحدش يقولى روح لكهربائى بالله

**Haitham Basha** · 03-09-2013 07:55 PM

العربية دي شكلها عليها جووووووووووووووست هههههههههههههههههههههههه ... إن شاء الله الأعضاء الأفاضل يفيدوك ... تقبل تحياتي :)

**aldesha989** · 03-09-2013 07:56 PM

المشاركة الأصلية كتبت بواسطة Haitham Basha

العربية دي شكلها عليها جووووووووووووووست هههههههههههههههههههههههه ... إن شاء الله الأعضاء الأفاضل يفيدوك ... تقبل تحياتي :)

ههههههههههههههههههههههههه ههه
جوست ايه بس ياريس
احنا عدينا المرحله دى

انا خايف افتح الشنطه الاقى واحد طالعلى منها :D

**Haitham Basha** · 03-09-2013 08:07 PM

المشاركة الأصلية كتبت بواسطة aldesha989

ههههههههههههههههههههههههه ههه
جوست ايه بس ياريس
احنا عدينا المرحله دى

انا خايف افتح الشنطه الاقى واحد طالعلى منها :D

ههههههههههههههههههههههه زعفرااااااااااااااااااااا اااااااااااااااااااان

**rotanamasoud** · 03-09-2013 09:25 PM

انت تجيب من الاخر سلكين مباشر كهرباء من البطاريه الى الكاسيت واعمل فيوز جنب البطاريه للامان
كل المشاكل دى حتتحل ان شاء الله

**mohamed hussei** · 03-09-2013 09:27 PM

العربية بتعملك اثارة بيحيث مع الاغنية نور ينور ويطفي كأنك في ديسكو متابع اشوف الجوست الي فيها دة هيطلع ازاي ههههههههههههه

**aldesha989** · 03-09-2013 09:27 PM

المشاركة الأصلية كتبت بواسطة rotanamasoud

انت تجيب من الاخر سلكين مباشر كهرباء من البطاريه الى الكاسيت واعمل فيوز جنب البطاريه للامان
كل المشاكل دى حتتحل ان شاء الله

انا جربت اخدت طرف كهرباء من البطاريه على طول اللى انا عامله للميمورى بتاعت الكاسيت ولقيت مافيش فايده ده بجانب ان كده الكاسيت مش هيطفا مع الكونتاك وهيفضل شغال

**rotanamasoud** · 03-09-2013 09:54 PM

المشاركة الأصلية كتبت بواسطة aldesha989

انا جربت اخدت طرف كهرباء من البطاريه على طول اللى انا عامله للميمورى بتاعت الكاسيت ولقيت مافيش فايده ده بجانب ان كده الكاسيت مش هيطفا مع الكونتاك وهيفضل شغال

العيوب دى عيوب توصيلات سيئه
فانت اعمل زى ما بقولك سلك محمل للموجب والسالب3مم مباشر والناس كلها حتموت وتخلى الكاسيت يشتغل ملوش علاقه بالكونتاك وانت الوحيد اللى شفته عايزه يشتغل مع الكونتاك
الموضوع مجرب منى ونصحت بيه ناس كتير فى قسم الصوتيات وبيطلع نتيجه مرضيه خصوصا لو حطيت مع الكاسيت مكثف(فى اقرب نقطه من الكاسيت عند السالب والموجب)10000uf25vوتجيبه من حماده فى النبى دانيال

**aldesha989** · 03-09-2013 09:56 PM

المشاركة الأصلية كتبت بواسطة rotanamasoud

العيوب دى عيوب توصيلات سيئه
فانت اعمل زى ما بقولك سلك محمل للموجب والسالب3مم مباشر والناس كلها حتموت وتخلى الكاسيت يشتغل ملوش علاقه بالكونتاك وانت الوحيد اللى شفته عايزه يشتغل مع الكونتاك
الموضوع مجرب منى ونصحت بيه ناس كتير فى قسم الصوتيات وبيطلع نتيجه مرضيه خصوصا لو حطيت مع الكاسيت مكثف(فى اقرب نقطه من الكاسيت عند السالب والموجب)10000uf25vوتجيبه من حماده فى النبى دانيال

عبيب البى
اصل انا متعقد من موضوع ان البطاريه تنام

طب المكثف ده بيتوصل ازاى وسعره كام

10000uf25v

وده رقمه كده ؟

وسؤال تانى معلش ينفع المكثف ده يتحط على الكلاكس كمان لانه بيضعف اوى ساعات وساعات بدوس والكلاكس مش بيشتغل ينفع احطه عليه ؟

بيضعف لما بشغل التكيف ولو طفيت التكيف على طول مش بيرجع الا بعد شويه والبطاريه سليمه وشحنها سليم وكل حاجه بس لو حطيت المكثف ده على الكلاكس كمان هيعمل شغل ؟ ولا ملهوش علاقه !

**rotanamasoud** · 03-09-2013 10:19 PM

المكثف بيعمل تخزين لحظى للطاقه يعنى عند البيز بيكون فى سحب للتيار مفاجى المكثف بيعوض السحب ده دى وظيفه المكثف
ده رقمه وفى سعه اكبر بتعوض وتنعم الصوت افضل ويعمل من 10 الى 20 جنيه
اما الكلاكس فاعتقد عيوب كهرباء(تقريبا ارضى غير موصل جيد)وممكن تجرب المكثف
وانا بحب الكهرباء اوى وانا اللى بعملها كلها فى عربيتى
والمكثف له طرفين سالب وموجب يوصل بالتوازى موجب بموجب وسالب بسالب(متخفش بيشرز عند التوصيل)
والبطاريه تنام لو نسيت الكاسيت لاكن ده لو انت بتنسى لدرجه فظيعه

الموضوع: محظوظ فى الكاسيت :s

LinkBack

أدوات الموضوع

عرض

محظوظ فى الكاسيت :s - انشر الموضوع فى :

-

-

-

-

-

-

-

-

المواضيع المتشابهه

اكتر انسان محظوظ ممكن تشوفه في حياتك

::: محظوظ ........ ولا متمكن ؟؟؟؟ :::

محظوظ ابن محظوظ ابن محظوظه

اكبر محظوظ هتشوفوه

الكلمات الدلالية لهذا الموضوع

المفضلات

المفضلات

ضوابط المشاركة