Peugeot 301 مشاركة مصرى بالسعودية

**atia_3000** · 05-09-2013 08:06 AM

المشاركة الأصلية كتبت بواسطة kamall

حاجة غريبة ان نفس الوكيل يبقى عنده موديلات واسعار مختلفة عموما انا بقالى شهرين رايح جاى على التوكيل هي بيجو ليها توكيلين هنا علي رضا والمتوكل

علي رضا عنده ال active العادية (زي اللى بتنزل فى مصر بالظبط) وسعرها 45 الف
وعنده الهايلاين ب 51 بس خلصت ومش موجودة حاليا وبيقول انها هتيجي الشهر الجاى (معرفش هتيجي بنفس المواصفات والسعر ولا هتيجي بالمواصفات والسعر الجديد اللى قلت عليه) هروح اتاكد ان شاء الله

المتوكل عنده ال active ب 44 الف وعنده الهايلاين ب 53 (جنوط 16 ميشلان تكييف تاتش وباركينج سينسور) معتقدش ان مثبت السرعة و تدفئة الكرسي يفرق كل ده فى السعر وتبقى ب 64 غير انها عربية اقتصادية متوصلش للسعر ده اللى تقريبا نفس سعر الفلوينس هنا.
المتوكل بيفرق في الضمان انه 5 سنين او مليون كيلومتر وبيعمل الصيانة المجانية بعد 2500 كيلو

انما الفئة اللى بتقول عليها ماشفتهاش فى الرياض خالص

وبالنسبة ليا انا بخلص فى الورق من الشركة وغالبا هجيبها من هنا ان شاء الله وشكرا على المعلومات والمساعدة :)

شكرا على المعلومة وربنا يوفقك فيها وهيه فعلا عربية ممتازة ويارب يديك خيرها ويكفيك شرها

**Ahmed Amin** · 05-09-2013 11:57 AM

المشاركة الأصلية كتبت بواسطة kamall

المتوكل عنده ال active ب 44 الف وعنده الهايلاين ب 53 (جنوط 16 ميشلان تكييف تاتش وباركينج سينسور) معتقدش ان مثبت السرعة و تدفئة الكرسي يفرق كل ده فى السعر وتبقى ب 64 غير انها عربية اقتصادية متوصلش للسعر ده اللى تقريبا نفس سعر الفلوينس هنا.
المتوكل بيفرق في الضمان انه 5 سنين او مليون كيلومتر وبيعمل الصيانة المجانية بعد 2500 كيلو

كمال باشا, الضمان مليون كيلو متر ازاي ؟

**Ahmed Amin** · 05-09-2013 12:28 PM

تمام الكلام دا,
يعني 5 سنين أو مليون كليومتر أيهما أقرب.
تسويق مية مية للعربية.

**dr.hazem** · 05-09-2013 02:54 PM

المشاركة الأصلية كتبت بواسطة dr.hazem

الف مبروك.
حبيت استفسر بتحطلها بنزين 95 ولا91؟؟ وهل في اي كركرة بالذات لوكبست بنزين؟؟؟
تحياتي

Sent from my Xperia Arc S using Forum Runner

؟؟؟؟؟؟

Sent from my Xperia Arc S using Forum Runner

**Ahmed Amin** · 05-09-2013 08:11 PM

المشاركة الأصلية كتبت بواسطة atia_3000

الله يبارك فيك يا باشا
بالنسبة للبنزين هيه شغالة مع 91 مفيش مشكلة بس انا باحطلها 95 فى الاول
موضوع الكركرة دى مش موجودة هيه بس فيها ناتشة لما بتنقل من الاول للتانى ودى بتقل كتير او بتروح خالص بعد 3000 كيلو

النتشة الخفيفة دي ما بين الاول والتاني طبيعية في الفرنساوي,
وعلي حد علمي ال ٩١ عندكم زي ال ٩٢ عندنا في مصر,,
وهوا اللي مفروض تمشي العرببة عليه علي حسب كلام الكتالوج.

**sherifffff** · 07-09-2013 10:40 PM

ألف مبروك علي العربية
الله يباركلك فيها

عندي تعليق علي توكيل بيجو في السعودية

التوكيل الرسمي حالياً هو الحاج حسين علي رضا، وهو أيضاً وكيل مازدا وجيلي ومان للنقل الثقيل
المتوكل كان الرسمي قبل كدة بس كان اداؤه ضعيف
الحاج حسين علي رضا ده أصلا مكون من شريكين ، المهم الاتنين أنفصلوا إدارياً وتسويقياً وكل واحد بيستورد لحاله عربيات بمواصفات غير التاني،
علشان كدة بتلاقي المواصفات عند معارض الشريك الاولاني في المنطقة الغربية والوسطي غير عند الشريك التاني في المنطقة الشرقية والجنوبية،
وطبعاً السعر بيختلف ، والمعاملة بتختلف،
الحمد لله إشتريت ال ٥٠٨ allure من ٣ شهور من فرع الرياض مع إني ساكن في المنطقة الشرقية،
لأنها أرخص ٧ آلاف ريال من اللي هنا،
صحيح إنها تفرق عن اللي هنا بعض الحاجات البسيطة، زي ان الاستبن مقاس ١٦ مش ١٨ وانها من غير نظام sos , بس الحاجات دي متستاهلش الفرق دة،
المهم رحت الصيانة في الخبر بعد ٢٥٠٠ كيلو اللي المفروض مجانية ، قالي تدفع ٣٠٠ ريال علشان انت شاريها من الرياض،
ولإنها تشييك بس مشيت معملتهاش، وسألته عن باقي الصيانات قاللي تعالى عادي لانك كدة كدة هتدفع قيمة الصيانة ٦٢٠ ريال