الموضوع: منزل 110 متر

انت كدا عندك كذا بند
انت ناوى تعمل بدروم عندك من الثلاث نواحى جيران فلو ناوى تعمله صح هتعمل الحوائط بتاعته خرسانه وده هيكلفك جدا
ولما هتحفر هتعمل سند جوانب ممكن يكلفك زى تكلفة بناء 3 ادوار تقريبا

بالنسبه عندك مساحه 110 متر لو اعتبرنا انها 10 متر فى 10 متر وشويه
هيبقى عندك 12 عمود و12 قاعده

السؤال دلوقتى علشان اديك قيمه تقريبيه
1- هتبنى كام دور
2- هتعمل البدروم حوائط خرسانيه
3 - سعر طن الاسمنت وطن الحديد كام دلوقتى

المشاركة الأصلية كتبت بواسطة hassanin_lada

لا بلاش خرسانه عشان هتكلف الحيطان كده

حضرتك هتقولي مثلا البدروم والاول (الارضي) كذا والدور الاول كذا والثاني كذا

سعر طن الحديد 6 الاف وومكن شوية كسور وطن الاسمنت عامل 500 جنيه

كل دور ( سقف بالاعمده بتاعته ) هيكلفك فى حدود 30 الف جنيه لكل دور شامل المون ( حديد + اسمنت + رمل + زلط ) ومصنعيات النجاره والحداده والصب

بالنسبه للبدروم زى ما قولتلك حكايه انك تعمله خرسانه هوه ده الصح خاصة لو هيبقى عمقه كبير
واهم حاجه تسندن جوانب الحفر علشان المبانى اللى جنبك ميحصلهاش حاجه

بس عاوزين نتفق ان المقصود هندسيا بالبدروم انه ما هوه مبنى تحت منسوب الصفر
ولكن فى بعض القرى يسموا الدور الارضى بالبدروم

المشاركة الأصلية كتبت بواسطة hassanin_lada

الف شكر ليك اكيد طبعا الصح مايختلفش عليه وهي الارض لسا جديدة يعني مافيش مباني جنبي

وانا مش هزود عن 4 او 5 ادوار وكده كده الاساس هيبقي متين يعني مش هستخصر حاجه واعتقد اهم حاجه ان الاعمدة تكون تمام

واللي عرفته ان البدروم تكلفته مقاربة لدورين يعني لو الدور بياخد 30 زي ماحضرتك قولت يبقي البدروم هياخد 60 الف

انا بس كنت حابب اخد فكرة عن الاسعار عشان لما انوي علي البني

الاساس لو متين او كده ليس له علاقه بموضوع ان حوائط البدروم تبقى خرسانه
حوائط البدورم بتتعمل خرسانه علشان لما بتردم حوالين البدروم الرمل اللى انت رادم بيه بيبقى عباره عن قوى جانبيه بتضغط على حوائط البدروم ولو الحوائط ديه طوب ممكن الحيطه تقع او تشرخ لذلك بيتم عمل هذه الحوائط خرسانه مسلحه لكى تستحمل هذه القوى الجانبيه
فيه حل بيتعمل ان انت مثلا تخلى ارتفاع البدروم مش عالى ولما تيجى تعمل السملات الخارجيه تعمل السملات علويه ( بمعنى ان بطنية السمل هى وش القاعده )

اوعى تتكل على المقاول فى حاجه ده لا دارس و لا فاهم حاجة - ( المعلومات اللى عنده نتيجة انه الحاجة اتكررت معاه لا اكثر ) -
ده غير ان معظمهم بيبقوا عايزين يقلبوا الزبون
-لازم حضرتك تستعين بمهندس