الموضوع: بالله ارجوا الحل تويوتا ياريس 2008

المشاركة الأصلية كتبت بواسطة eng.octooo

بص يا باشا :
انت تشوف فلتر البنزين محتاج تغيير ولا لا ؟
وشيك على البوجيهات واسلاكها
وحاول تمون من بنزينة نضيفة يمكن المشكلة تكون فى البنزين الى انت حطيتة ممكن يكون مش نضيف

ان شاء الله الموضوع يتحل لو ماكانش كدة شوف حساس الايدل وطلمبة البنزين
هاتلاقى مواضيع عن الحساس كتير فى قسم رينو لوجان
بس الاحسن تعملة فى التوكيل او عند ميكانيكى ثقة هو حاجة سهلة اوى مش صعبة ماتقلقش

شكرا جدا لاهتمامك هجرب وارد على حضرتك

ي باشا عشان تريخح نفسك روح للميكانيكي وقولة نضف حساس الايدل بس ومتعملش حاجة تاني وشوف الفرق

ياجدعااان العربيه دى حساس الايدل فيها اوتوماتيكى مافيهوش تنظيف او معايره بيشتغل على حراره المياه من المحرك فقط ومغلق ومتبرشم كويس ونظريته غير العربيات التانيه خالص دا بيعتمد على الكمبيوتر فقط واى قراءه غلط فيه او عيب بيتطلب تغييره

ارجوكوا محدش يقول حاجه يرجع صاحب العربيه يندم عليها

باشا حط منظف انجيكشن وامشى على الاقل تفويلتين
لو مافيش فايده عليك وعلى التوكيل لان ممكن البوابه عايزه تتغير او الكمبيوتر عايز يتعاد برمجته

تحياتى لك
م/ عاصم جاد

جرب الطريقه دى:
افصل كابلات البطاريه لمده 30 ثانيه ثم اعد التوصيل.قبل ما تدور العربيه انتظر حتى يختفى نور حزام الامان ثم ادر الكونتاكت(Reset to the computer system )
ان شاء الله تتحل المشكله

دى ملهاش حساس ايدل البطارية مش هتفرق دى عايزه تتوصل على كمبيوتر وواحد فاهم يرجعها لظبطه المصنع