عرض للطباعة
مؤشر الحراره بقاله فتره فوق النص وقبل النهايه بشرطتين وده بيحصل لما بكون ماشى على الهادى اول وتانى مثلا
مستوى المياه فى القربه ثابت على علامه max
غيرت القربه كلها بالغطاء عشان كان فيها خرم
غيرت المياه ونطفت الردياتير وحطيت مياه حمرا
عملت صيانه 60 الف بس مغيرتش طرمبه المياه بس الميكانيكى قالى انها سليمه
عايز اعرف رأى خبراء الرينو
وسرعة المروحه التانيه اخبارها ايه ؟
اعرف ازاى سرعه المروحه ؟؟اقتباس:
المشاركة الأصلية كتبت بواسطة solly1979
هى ميجان وان على فكره
أكشف علي الترموستات ممكن يكون قافش ومقفول, ودورة التبريد مش شغالة بكفائة.
بس الأهم المروحة, هيا كام مروحة الميجان 1, مروحة ولا أتنين ؟
أتاكد أن المروحة بتشتغل علي السرعة البطيئة أنزل بص عليها لما درجة الحرارة تعدي ال 90 في الطابلوة,
وأتاكد أنها بتشتغل علي السرعة العالية لما بتشغل التكييف.
احتمال المروحة فعلا واحتمال الثرمومستات محتاج تغيير ........ ملحوظة لازم قبل اى شيئ تتأكد ان دائرة التبريد مش واخدة هوا .....
ميجان وان فيها مروحه واحده
انا معنديش درجات حراره فى التابلوه هو بس مؤشر وعلامات - واعتقد كده ان 90% يعنى العلامه قبل الاخيره مثلا
بالنسبه لدوره التبريد اهم الاجزاء اللى اكشف عليها ؟
ماشي انا فهمت أنها مروحة واحدة ودا العادي,,
بس مفهمتش قصدك أيه من تاني سطر, قصدك أنها علي درجة حرارة 90 ولا 90% بتدخل علي العلامة الأخيرة ؟
لأن لو درجة الحرارة عندك علي 90 دا طبيعي وأنت معندكش مشاكل,,
المفروض إن المروحة دي ليها سرعتين, واحدة بطئية بتشتغل عليها لما درجة حرارة العربية بتوصل ل 90
وبتشتغلي علي السرعة العالية لما بتشغل التكييف,
وساعتها هتلاقي درجة الحرارة بتقل قدامك في الطابلوة لانها بتبرد الرادياتير مع سربنتينة التكيف وبتدي تبرد أفضل للعربية.
المهم دلوقتي أنت لما غيرت القربة والمية, كان فيه مشاكل قبل ما تعمل الكلام دا ؟
وحطيت مية نوعها أيه, ونضفت الدورة ازاي ؟
أهم الأجزاء اللي مفروض تكشف عليها الترموستات,
لأنه لو قافش مش هيخلي دورة المياة والتبريد تشتغل بشكل مظبوط,
لو أنت بتحط مياة حنفة في العربية أو المالك الأول كان بيحط مياة حنفية هتلاقي فيه صداء في الرادياتير, وحتي لو غسلت الدورة أو حطيت منظف دا مش بينزل كل الصدأ ولازم المواسير تتسلك لأن كدا المية مش بتتبرد كويس في الرادياتير وتبرجع سخنة للموتور.
أخر لو عندك هواء في الدورة دا سبب من الأسباب برضة يخلي العربية تسخن, ولازم الهوا يتسحب من الفتحات الخاصة بيه.
طب امتى اشك فى طرمبه المياه ؟؟ افتراضا ان الثرموستات طلع سليماقتباس:
المشاركة الأصلية كتبت بواسطة leitosr
مع العلم ان مافيش تنقيط او تسريب المياه من تحت
الملخص ان مع السرعات العربيه العاليه ومواجهه الهواء بقوه بيبرد المياه والمؤشر بينزل
ومستوى المياه ثابت فى القربه ومافيش تنقيط او تسريب للمياه
انا هعمل كشف على الثرموستات والردياتير والطرمبه فى الاخر
ولا لك رؤيه تانيه