الموضوع: سخونه والمؤشر على الهاى - ميجان وان

المشاركة الأصلية كتبت بواسطة leitosr

ماشي انا فهمت أنها مروحة واحدة ودا العادي,,

بس مفهمتش قصدك أيه من تاني سطر, قصدك أنها علي درجة حرارة 90 ولا 90% بتدخل علي العلامة الأخيرة ؟
لأن لو درجة الحرارة عندك علي 90 دا طبيعي وأنت معندكش مشاكل,,

الطبيعى عندى ان المؤشر بيكون فى علامه النص لما بدأت العربيه تسخن بقت العلامه بتتطلع للعلامه قبل الاخير ...
اللى بيحصل معايا ان فى الزحمه وعلى السرعات الاول والتانى المؤشر بيطلع لعلامه قبل الاخيره
اما على السرعات العاليه والمشوار طوالى المؤشر بيكون فى النص على الوضع الطبيعى


المفروض إن المروحة دي ليها سرعتين, واحدة بطئية بتشتغل عليها لما درجة حرارة العربية بتوصل ل 90
وبتشتغلي علي السرعة العالية لما بتشغل التكييف,
وساعتها هتلاقي درجة الحرارة بتقل قدامك في الطابلوة لانها بتبرد الرادياتير مع سربنتينة التكيف وبتدي تبرد أفضل للعربية.

كلامك مظبوط فعلا لما بشغل التكييف بلاقى سرعه المروحه بتزيد وبالفعل المؤشر بيثبت على الوضع الطبيعى النص ...اما لما بمشى من غير تكييف بتحصل السخونه


المهم دلوقتي أنت لما غيرت القربة والمية, كان فيه مشاكل قبل ما تعمل الكلام دا ؟
وحطيت مية نوعها أيه, ونضفت الدورة ازاي ؟

فعلا كانت نفس المشكله بس سبب تغيرى للقربه ان كان فيها خرم وحطيت مياه حمرا
والتنظيف كان بالمياه للردياتير بس


أهم الأجزاء اللي مفروض تكشف عليها الترموستات,
لأنه لو قافش مش هيخلي دورة المياة والتبريد تشتغل بشكل مظبوط,
لو أنت بتحط مياة حنفة في العربية أو المالك الأول كان بيحط مياة حنفية هتلاقي فيه صداء في الرادياتير, وحتي لو غسلت الدورة أو حطيت منظف دا مش بينزل كل الصدأ ولازم المواسير تتسلك لأن كدا المية مش بتتبرد كويس في الرادياتير وتبرجع سخنة للموتور.

أخر لو عندك هواء في الدورة دا سبب من الأسباب برضة يخلي العربية تسخن, ولازم الهوا يتسحب من الفتحات الخاصة بيه.

طب امتى اشك فى طرمبه المياه ؟؟ افتراضا ان الثرموستات طلع سليم
مع العلم ان مافيش تنقيط او تسريب المياه من تحت
الملخص ان مع السرعات العربيه العاليه ومواجهه الهواء بقوه بيبرد المياه والمؤشر بينزل
ومستوى المياه ثابت فى القربه ومافيش تنقيط او تسريب للمياه
انا هعمل كشف على الثرموستات والردياتير والطرمبه فى الاخر
ولا لك رؤيه تانيه