بجد نفسي اعلي العربية

**Tiar** · 04-09-2013 03:16 PM

السلام عليكم

يا جماعه عاوز اعلي العربية اي مطب عالي شويه بيحك معايا خصوصاً لو محمل العربيه
هل لو غيرت الجنوط اللي راكبه بجنوط سبور ممكن تفرق!! الجنط اللي عندي دلوقتي بتوع الفبريكه(الحديد الاسمر) مقاس 14
لو حد عنده فكره اغيرهم بقاس كام؟ ويعلي العربيه يريت يعرفني وجزاه الله كل خير
او لو فى حل تاني فى العفشه مثلاً يعرفني برده؟؟؟
العربية اوبل فكترا 2000 cc مانوال موديل 94

طيار

**hagagatc** · 04-09-2013 11:04 PM

بص يا باشا انا منصحكش تلعب في العربيه لانك لو عليت العربيه بياثر علي ثبات العبيه وكمان في ضبط الزوايا
لاكن لو عايز تعليها في جلب بتيجي وتتحط فوق السوست بتعلي العربيه لو بمقدار 7 سم بتفرق شويه في المطبات
انا عملتها قبل كده جبت جلب تمنها حوالي 20 جنيه بس في عفشجي تاني شالهملي وقلي انها بتاثر علي السوست بتضغطهم

**ahmedshaker** · 05-09-2013 03:23 AM

ما فيش تغير للجنوط ولا حاجة كل اللي هتعملو هتجيب 4 صدادات الماني الصغيرين لونهم برتقالي للاربع مساعدين بيركبو جوه المساعد عند اي حد بتاع عفشة مش شرط متخصص في اوبل يعني الصدادات دي فيديتها انها بتعمل ليمت للمساعد بحيث لما تيجي عي اي مطب بمجرد لما المساعد ينزل لغاية اول الصداده يقف فبتالي العربية مش هتنزل كتير فمش هتحك معاك علي اي مطب الموضوع ده بيتعمل في جميع العربيات عموما وخصوصا بنعملو في الهوندا علشان واطيه في طبيعيتها فدي الحل الاكيد من غير ما تلعب في علو العربية ولا اي حاجه وما لهوش اي ضرر لانو الصدادة بتبقي صغيرة فبالتالي المساعد بينزل ويطلع ما فيش اي مشاكل وبالتوفيق .

**hagagatc** · 05-09-2013 07:04 AM

المشاركة الأصلية كتبت بواسطة ahmedshaker

ما فيش تغير للجنوط ولا حاجة كل اللي هتعملو هتجيب 4 صدادات الماني الصغيرين لونهم برتقالي للاربع مساعدين بيركبو جوه المساعد عند اي حد بتاع عفشة مش شرط متخصص في اوبل يعني الصدادات دي فيديتها انها بتعمل ليمت للمساعد بحيث لما تيجي عي اي مطب بمجرد لما المساعد ينزل لغاية اول الصداده يقف فبتالي العربية مش هتنزل كتير فمش هتحك معاك علي اي مطب الموضوع ده بيتعمل في جميع العربيات عموما وخصوصا بنعملو في الهوندا علشان واطيه في طبيعيتها فدي الحل الاكيد من غير ما تلعب في علو العربية ولا اي حاجه وما لهوش اي ضرر لانو الصدادة بتبقي صغيرة فبالتالي المساعد بينزل ويطلع ما فيش اي مشاكل وبالتوفيق .

الصداده بتعمل ليمت للمساعد لاكن مبتعليش العربيه يعني ممكن تحك في أي مطب عالي شويه
لاكن العليات بتعلي العربيه عن المنسوب بتاعها

**tananybasha** · 05-09-2013 01:58 PM

هتعليها قد ايه
و العفشه اخبارها ايه
يعنى المساعد و السوسته شدين حيلهم
و ﻻ ريحوا
و اقصى حاجة تعليها بعﻻية 4 زنبه
هى اسمها كده

**tananybasha** · 08-09-2013 11:15 PM

ايه كل ده
العربية عندك ما اعتقدشى فيها الكلام ده كله

**Tiar** · 11-09-2013 12:20 PM

المشاركة الأصلية كتبت بواسطة Tiar

طيب اعمل ايه؟

انا كنت عاوز اعرف اسعار الحاجات دي ايه علشان اكرر اعملهم ولا ايه وبفكر مجبشي السوست علشان مش مقتنع قوي ممكن علايه وخلاص

4 جلب مقص
2 بيضة مقص
2 بيضة دريكسيون
2 شداد ميزان

ياتري حد عنده فكره عن اسعار وانوع الحاجات دي منين اجيبهم؟

طيار

اه ده مفيش حد عاويز يعرفنا الاسعار حتي ولو تقريبي

طيار

**hagagatc** · 11-09-2013 05:18 PM

اربع جلب قص و ٢بيض مقص نوع نضيف حيعمملوا في حدود ١٨٠ بيض مقيص والاربعه ١٦٠ تقريبي
بيضه دركسيون ٩٠ الواحده الماني
٢ شداد ميزان التركي ١٥٠ الالماني ١٨٠ في ليمفوردر انا سالت عنهم قريب كانوا عاملين حاجه زي ٣٢٠
وفي انواع كتير وخلي بالك من المضروب

الموضوع: بجد نفسي اعلي العربية

LinkBack

أدوات الموضوع

عرض

-

-

-

-

-

المواضيع المتشابهه

العربية مش راضية تدور .. نفسي اعرف ليه!

نفسي .. نفسي .. نفسي .. نفسي اروح اسكندرية

نفسي اعمل مفتاح للتنك من جوه العربية

بجد نفسي نفسي في ورشة فيها الاتي

نفسي افهم ليه سواقين الميكروباص بيحبوا يطفوا نور العربية بالليل؟؟؟

الكلمات الدلالية لهذا الموضوع

المفضلات

المفضلات

ضوابط المشاركة