برجاء المساعدة فى تسعير ماذا 3 موديل 2006

**mse920** · 04-09-2013 04:09 PM

الأخوة / ملاك المازدا بعد التحية
أنا معايا أفيو موديل 2010 وتعباني جداً
ومعروض عليا مازدا 3 موديل 2006 إيرو كاملة
فبريكة بالكامل
كاوتش ميشلان جديد
عداد 120000
حالة الموتور ممتاز
حالة العفشة ممتاز
العربية بيتي بتاعت واحد صاحبي وهو كان أو مالك يعني العربية أمام عيني من يوم ما جت
بس هو عاوز 85000 مقفولين
فهل السعر دا كتير ولا إيه
وكمان أخبارها إيه فى إعادة البيع
وكمان إستهلاك البنزين
معلش هو موديل 2006 إيرو يفرق عن موديل 2008
وتنصحوني بالتغير ولا إيه

**M.Mehrez** · 04-09-2013 09:49 PM

لو العربيه نضيفه مفيهاش الهوا زى مابتقول فتستاهل اى فلوس بس لو وصلت 80 الف يبقى حلو اوى و انت الكسبان ان شاء الله
اعاده البيع وحشه للمالك الاول لانه هو اللى بيخسر جامد
استهلاك البنزين بيكون فى الغالب 1 لتر لكل 10 كيلو متر
بالنسبه للنصيحه فى التغيير ف اصلا مفيش مقارنه بين افيو و مازدا ... استمتاع فى كل حاجه بس مشكلتها الوحيده انها واطيه من الارض و دى ازمه فى شوارع مصر انما فى السفر بقى تحفه
ده اللى اقدر افيدك بيه :))

**WalidAdel** · 06-09-2013 08:50 PM

بص هو في ظل الاستعباط في الاسعار اللي سوق العربيات المستعمل عايش فيه الايام نتيحه للاستهبال في اسعار الجديد علشان سعر الدولار العالي ده ... سعرها ده يمشي لو بالحاله اللي انت بتقول عليها دي مع ضرورة ان العربيه مش محتاجه لبويه من بره او مهبده و متجرحه من كل حته و الصالون حالته كويسه "التابوله كله منور مافيش حاجه مكسوره كده ولا كده - اثار الاستخدام الغير أدمي للعربيه"
لكن الكلام الصح بقي العربيه دي حق ربنا لو بتقول ماما و بابا كمان اخرها 75 الف ... انا شاري عربيتي شهر 4 - 2012 أيرو موديل 2008 عامله 95 ألف كيلوا كانت ب 85 مقفوله و استني رأي بقية الاعضاء بردوا