بص ياباشا انا هقولك على عيوب كل واحدة فيهم وانت تقرر
الجيتا 2007-2009 - الفتيس العادى الست نقلات (الفتيس الدى أس جى لأ) ماشى :- واطية على الأرض تك فى المطبات وخاصة لو محمل ورا - قطع غيار غاليه جدا جدا - توكيل غالى جدا - غاليه بالنسبة للأوبشنز اللى فيها
الأوبل أسترا أتوماتيك :- الأتوماتيك الأيزى ترونيك به نفس مشاكل ال دى أس جى فى الفولكس - قطع غيار نار - توكيل سىء وغالى - سعر اعادة بيع متدنى وصعوبة فى البيع - الشنطة مش واسعة - بعض مشاكل فى الحساسات
الفورد الفوكس 2008-2009 - سعر اعادة بيع سىء وصعوبة فى البيع - الشنطة مش واسعة - بعض قطع غيار غير متوفرة لكنها أرخص من الجيتا والأوبل - توكيل غير منتشر لكنه جيد
لو انت عاوز سيارة شبابى تبقى الأوبل
لو عاوز حاجة تعرف تبيعها تبقى الجيتا
لو عاوز اوبشنز وموديل عالى تبقى الفوكس
ومحدش بيأخد كل حاجة مرة واحدة ياباشا المهم انت عاوز ايه
وبعدين الأهم بقى انك تلاقى اى حاجه منهم تكون حالتها كويسة - انت مختار تلاتة احسن من بعض انزل السوق ودور على الحالة واللون والأوبشنز والسعر وتوكل وهات اللى تلاقى حالتها حلوة
المفضلات