الموضوع: فكرة عمليه عند تلف اطاش البطاريه الاصلى - بالصور ...

السلام عليكم جميعا
الحقيقه عاوز اعرض تجربتى فى التغلب على مشكله تغيير اطاش البطاريه الاصلى و هى كالتالى
1/ العربيه اللى معايا فيات - سيينا - 1400 - 2004 مانيوال طبعا
و لما كنت باعمل صيانة البطاريه من 2 اسبوع صبى الكهربائى قرص على القطاش الاصلى الموجب جامد و اتقطم منه
2/ و طبعا حاول الكهربائى يسترضينى و يقولى هاقطع و اركب جديد - الصينى - اللى موجود حاليا بالاسواق
3/ خليته يربطلى الكابل بافيز لحد ما اتصرف
4/ روحت دورت عليه فى الحرفيين - عند الابيض و ابو اسلام بنزله الريحانى والكل فهمنى انه لازم اخذ معاه علبه الفيوزات و علشان موش هحتاجها محبتش اشتريها لانى موش هحتاججها .
5/ طبعا كنت متضايق جدا بحكم انى بحب احافظ على اصليه العربيه لحين تسليمها لصاحب نصيبها و قت البيع او التجديد ان شاء الله .
6/ روحت مركز كوول اير و قابلنى الاسطى محمد ابو عبود - ميكانيكى العربيه و طبعا لاقنى مقريف و مهموم و سالنى - فشرحت له الموضوع و طلب انى افتح الكبوت علشان يفحص
7/ من َغلبى و همى فتحت الكبوت و قلتلو عندك حل ؟؟؟ قالى استاننى شويه
8 طلب افيز من الافزان اللى كنت اشتريتها قبل كده من الطيار - الحرفيين - انجليزى و ثقيل و فيه لوك و حاجه تفرح
8اديته واحد من اللى شايلهم بشنطه الطوارئ فى شنطة العربيه
9 / لقيته لحم قطعه فى الافيز باللحام الكهرباء ب 2 بونطه - موجود عند المركز ماكينه لحام لهذا الغرض - ووصلها بالشكل المرفق و حاجه زى الفل بصراحه
10/ الصور ادناه للاحاطة و ان شاء الله تستفيدوا من الفكره
تحياتى لاحلى اعضاء منتدى فى الدنيا ...










و زودت الارضى بكابل ارضى بيجو اصلى و وصلته من ارضى البطاريه الى علبه الفيوزات الرئيسيه بالشكل ده





و برضه كان عندى كابل ارضى 60 سم تقريبا وصلته من ارضى البطاريه لسدر العربيه ففرق كتير اوى فى سرعه استجابه زجاج الكهرباء للراكب الجانبى
مكانه من البطاريه



مكانه فى سدر العربيه







تحياتى للجميع