ايه سر الاسعار الغريبه لتويوتا كورولا مسطره 93-97 ولانسر كريستاله !!!!!

**draboeyad** · 05-09-2013 11:36 AM

السلام عليكم ورحمه الله وبركاته ...........
فى خلال رحله البحث عن عربيه فى حدود 50-65 الف عائليه لقيت الكل بينصحنى بالعربيتين دول الكورولا 33-97 والكريستاله 97-2000 لكن استغربت جدا من الاسعار المبالغ فيها لعربيات بقالها اكتر من 13 سنه فى السوق واللى الناس بتفضلها عن موديلات بعدها زى الكورولا العيون واللاتسر مكوه كمان !!!!!!!!!!!!! وحتى عربيات موديلات فوق 2010 زى اللوجان وجين 2 وغيره !!!!!!!!!!!!!!!!!
انا نفسى اعرف ليه الاسعار العاليه المطلوبه فى العربيتين دول بالذات اللى ممكن توصل فى الكريستاله ل 56 الف و فى الكوررولا ل 65 الف !!!!! ليه اصحابها بيعلوا سعرها اوى كده
ايه الاساس اللى على اساسه بتتسعر العربيات دى ؟؟؟
الواحد خايف ليضحك عليه بصراحه !!!!!!!!!
افيدونى بنصائحكم
وهل هناك بدائل افضل فى حدود السعر ده من حيث المتانه والتحمل وقله الاعطال والاعتماديه والاقتصاديه فى التشغيل
شكرا جزيلا

**draboeyad** · 06-09-2013 11:42 PM

هو ليه محدش بيرد ياشباب ؟؟؟؟
هل لو معاك 60-65 الف تحطهم فى عربيه موديل 97 مثلا ؟؟؟؟؟؟؟ ولا تجيب كورى او ماليزى موديلات حديثه

**M I D O** · 07-09-2013 12:26 AM

العربيات دي سعرها غالي لان مش اي حد معاة العربية دي وحالة نضيفة بيفرت فيها عربيات جميلة جدا ومشاكلها قليلة و اعتمادية جدا وقطع غيار رخيصة و معمرة اوي و الانسر كرستالة احسن من التويوتا و الحالة النضيفة اوي منها ممكن توصل ل 55 الف بس مادام انت ممكن توصل المبلغ ل 65 الف يبقي شوف عربية اسبرانزا 516 كسر زيرو احسن موديل 2012 ولا حاجة وماشية كيلومترات قليلة

**draboeyad** · 07-09-2013 12:32 PM

انا سمعت ولاحظت فعلا ان المكواه صاجها ضعيف شويه وبتبان فىه الخبطات جدا
ليه يا ميدو منصحتنيش بالسبيرانزا m11 او اللوجان مثلا ودول ممكن يبقو فابريكه وعداد قليل اوى ؟؟؟

**MaZaGAngeE** · 07-09-2013 02:00 PM

حرام ادفع المبلغ ده في كورولا او كريستالة ......... لكن ظروف السوق حاليا ملخبطة زي كل حاجة في البلد من يوم الانقلاب ..

دول اصلا سعرهم زيرو كان من 45 ل 67 لاني كنت هجيب كريستالة ليميتد ايديشن ب 62 من الطارق في اسكندرية و كانت ال 1300 الفاضية ب 42 .... بس وقتها حصلت ظروف قبل مل لدفع الفلوس بيوم و ربنا مسهلهاش اني اجيبها .

**Survival** · 07-09-2013 02:42 PM

لا طبعا لو معايا 65 الف مش هفكر احطهم فى عربية كرولا او لانسر او اى عربية تحت موديل 2002.
عندك اختيارات احلى بكتير من وجهة نظرى و حسب متطلباتى كنت مرتبهم كالاتى:
اوكتافيا a4 - جولف - اوبل استرا.
الاوبترا او النترا او لانسر بومه او مكوه حسب الحالة.
M11 او m12 عربية تستحق كل الاحترام ولو فى منها 2000 سي سي كانت هتبقى حكاية لان وزنها فاضي حوالى 1300 كجم.
ما تقلقش من قطع غيار الالمانى لان جودته عالية و بيعيش. يا فرحتى بقطع غيار رخيصه و كل شهرين تلاتة بغير حاجة و ادفع مصنعيه و اضيع وقتى.
حدد انت محتاج ايه من العربية الاول عشان تعرف تختار صح كل العربيات فيها مميزات و عيوب.

**I10** · 07-09-2013 06:54 PM

المشاركة الأصلية كتبت بواسطة MaZaGAngeE

حرام ادفع المبلغ ده في كورولا او كريستالة ......... لكن ظروف السوق حاليا ملخبطة زي كل حاجة في البلد من يوم الانقلاب ..

دول اصلا سعرهم زيرو كان من 45 ل 67 لاني كنت هجيب كريستالة ليميتد ايديشن ب 62 من الطارق في اسكندرية و كانت ال 1300 الفاضية ب 42 .... بس وقتها حصلت ظروف قبل مل لدفع الفلوس بيوم و ربنا مسهلهاش اني اجيبها .

انقلاب !!!
ههههههههههههههههههه

وماله

تحياتى