السلام عليكم
يا جماعه من فضلكم لو سمحتم اى حد عنده معلومات عن الكبالن و ايه النوع اللى ينفع يركب على العربيه من غير تعديل يقولى لو سمحتم
وشكرا مقدما
عرض للطباعة
السلام عليكم
يا جماعه من فضلكم لو سمحتم اى حد عنده معلومات عن الكبالن و ايه النوع اللى ينفع يركب على العربيه من غير تعديل يقولى لو سمحتم
وشكرا مقدما
تعديل بسيط جدا في ودن المساعد علشان يركب , "صاجة الودن بيشيل منها حته علشان بتبقي ضيقه شويه عن المساعد الاصلي + ركبت 2 صداده بس جديده "حته كاوتش بتلاقي مع المساعد"
نقطه بس بسيطه كان في نوعين من المساعدين واحد بيبقي فيه مكان لربط مسمار الحساس بتاع abs وواحد مافيهوش وبيبقي يمين وشمال
اليايات ركبتها فورد لان نسبة انضغاطها افضل حسب راي الصنايعي "بيقول انها امريكي"
الحاجات جبتها من عند بتاع قطع غيار استيراد
المحل تبع الصنايعي فهو اللى ضامنها بمعني لو حصل فيها حاجه في اي وقت برجعله تاني وده اتفاقي معاه
بس بصراحه انا بصيت على الحاجه قبل ما تركب كان في فرق كبيييييير جدا بينها وبين اللى فكها
المصنعيه كانت 150 + 10 جنيه دخان للصبي
لا طولت ولا حاجه ولو اى اسئله تانيه اتفضل
السلام عليكم
اية الفتيس البديل اللى ممكن يركب فى العربية من غير تعديل
عليكم السلام
انا كنت سئلت الميكانيكي قال ان بتاع تويوتا كورولا عيون 98 بيركب عليه, لكن ما جربتش ده فقط كان سؤال وجواب
لو الفتيس عندك فيه مشكله وانت ناوي تنزله يبقي هتاخده معاك الحرفيين علشان تجيب واحد زيه علي الطبيعه سواء كان بتاع الجيلي او بتاع الكورولا
لو الفتيس شغال ممكن تنزل بالعربيه مشوار الحرفيين في شارع المرسيدس الحاج محسن بتاع استيراد تسئل عنده
عجبنى موضوع الرابطه بتاعت ck2واكيد محدش هيفدنى غيركووا
ايه رايكول ياجماعه فى جيبلى ck2 والاتوماتيك بتاعتها عامله ايه وايه اخبار قطع غيارها متوفره ولا ايه واسعارها رخيصه ولا لا والى جربها ياريت يقولى كانت عامله معاه ايه لانى بفكر اشتريها بس قلقانه لانى بسمع عليها كلام ان اقفلها بتتكسر واعطلها كتير وكدهوفيها عيوب كتير والى حالتها كويسه موديل كام و تعمل كام تقريبا
وارجو الرد من اهل الخبره
شكرا لردك جدا انا حدودى من 40الى 50 وطلبى فى السياره تكون اتوماتيك سيدان وحاله كويسه وفى الرينج ده وبصراحه عجبتنى الجيلى جدا شكلها حلو ولاحظت ان اسعارها مش غاليه اوى حتى الحاله الكويسه منها ولاكن قلقلت لانى سمعت عن العربيه دى انها ضعيفه وقطع غيارهاا مش متوفره وحتى الى كان جايبها جديده بيشتكى هل الكلام ده مظبوط ياريت بم ان حضرتك عندك العربيه دى تقولى رايك بصراحه وايه عيوبها ومميزتها ولك جزيل الشكر
السلام عليكم
هو بالنسبة للعربية الجيلى وخصوصا ck هى عربية ممتازه جداا لو بحالة كويسه
هى العربيه مش ضعيف خالص بالعكس الصاج بتعها محمل جدا المكنة احلى مافيها وسحبها ممتاز جدا وبتشد مع اى عربية والثبات بتعها كان ممتاز
بس مشكلتها فى قطع الغيار هى موجوده بس جوده وحش جدااا لدرجة انت القطعة اللى بتشيلها من العربية بتكون افضل من الجديده
واعتقد ان الاتوماتك بتعها مش كتير انا ماشوفتوش خالص
بس انا جربت الاتوماتك بتاع الجيلى mk وكان ركبلها فتيس جديد بصرحه مش كوس بتحس بالعربية وهى بتاخد الغيار ولما كنا بنستلم العربية من التوكيل هناك مهندس الصيانه قلنا ان الاتوماتك بتعها مش كويس
يعنى حصضرتك لو قدامك العربية بحاله نضيفه دجداا وسعر كويس تبقى تمام
وقطع الغيار ممكن تتعب معها شويه لو هتدور على بديل كويس وده فى العفش بس لان المكانيكا تقريبا كلها تويوتا
وبصرحه رنج ال 40-50 فى حاجة اتوماتك كويس اعتقد انه صعب شويه