الموضوع: ايه افضل بنوك اجنبيه او خاصة بتدى فائدة شهرية كويسة ؟؟؟؟؟

موش هاتلاقى فايدة اعلى من كدة والبنوك الاجنبية فايدتها ضعيفة تقريبا hsbcفايدتة 5% او 6% سنويا

اعلى فائدة ف البنوك الوطنية حاليا هو بنك الائتمان والاصلاح الزراعي ب 12% وده كل 3 شهور بتاخد فايدة الشهادة وع نفس النظام البنك الاهلي بس فايدته 11.5 % وف بنك اسمه التنمية والصادرات وده الحكومة تملك منه 60% وال 40% خاص وده بيدي فايدة 11.5 زي البنك الاهلي واخر بنكين بيتميزوا بوجود كريدت كارد بينما البنك الاول مفهوش ماكينات سحب ف اى مكان ولازم تروح البنك نفسه عشان تاخد الفايدة

عندى سؤالين :

1 - اعلى قيمة شهادة كام .... يعنى ممكن الاقى شهادة ب 100 ألف جنيه؟
2 - لو اضريت انى اسحب فلوسة وأرجع الشهادة ؟ ممكن بعد أد ايه وهل فيه أى غرامة هدفعها ؟

شكرا

المشاركة الأصلية كتبت بواسطة salodas

عندى سؤالين :

1 - اعلى قيمة شهادة كام .... يعنى ممكن الاقى شهادة ب 100 ألف جنيه؟
2 - لو اضريت انى اسحب فلوسة وأرجع الشهادة ؟ ممكن بعد أد ايه وهل فيه أى غرامة هدفعها ؟

شكرا

شهدات بتبئا اقل حاجة الف جنية وفايدة 11.5 في مية دة بئا في كل بنوك ممكن تسحب فلوس بعد 6 اشهر مش عارف بتاخد اقل فايدة تقريبا مش عارف الموضوع دة اوي
بالنسبة الي ناس بتسأل علي فايدة شهادات كلهم زي بعض مفيش بنك بيدي اكتر من بنك علشان دة نظام من بنك مركزي

في المعاملة وخدمة العملاء والدعم hsbc بدون منافس ولكن للاسف بيدي فايدة علي الشهادات دلوقت 9 فى المية بس ومش بيدي اي فوائد علي حسابك الجاري بل بالعكس لو فلوسك اقل من 10 الاف مصري او 2000 دولار اجنبي بتدفع مبلغ شهري .
بالنسبة بقي لاعلي فايدة فى البنوك فهو البنك الاهلي في شهادة حاليا 11.5 ودي اعلي حاجة وكمان بتاخد فوائد علي فلوسك اللي في الحساب الجاري , من ناحية المعاملة وخدمة العملاء والدعم يعتبر اسوء بنك في مصر والدول العربية والشرق الاوسط والعالم وبلاد الواء واء

لو حبيت فى اى وقت تاخذ اى مبلغ ممكن هى عادة بتكون الالف ومضاعفتها ولا يجوز استرداد اى مبلغ قبل 6 شهور طبعا فى الاسترداد بيقطم وسطك فى الفايدة بمعنى ماحدش بيردة يشرحها بس على ماحسب انا فاهم البنك بيشوف اقل فايدة ايداع عندة فى نفس الفترة و بيحاسبك على الفرق و بياخذ منك فرق الذى حصلت علية
نصيحتى لحضرتك لو عايز دخل ثابت وانت موش سوف تحتاج لهم يبقى اى شهادة كويسة لو متردد حطهم بوسطة توفير كان بتدى فايدة 9.5 % بس ماعرفش حاليا كام