افيدونى فى الاختيار بين الشانا بنى والجيلى باندا 2013

**medoking2006** · 11-09-2013 03:12 PM

والله حرام عليكوا الراجل اتعقد كان هيجيب عربية اتوماتك خلتواه يغير وجهة نظروا وكل واحد بيكلم مش عن تجربة انا كان معايا جلى ck1 اربع سنين وكنت شريها مستعملة وصرفت عليها المصاريف العادية لاى عربية ولا عملت معايا حركة إلا خالص وبعتها ومخسرتش فيها وحجزت باندا كروس اتوماتك والصينى زى الفل و سعر كويس انا مش بقارن بالالمانى واليابانى بس الراجل بيقول عربية للاسرة والصينى بوجهه عام كويس الراجل مش عايز عربية هيحارب بيها وانا برشحلك الشانا وسعر الاتوماتك حلو منها انا اختى اشترتها اتوماتك بقالها 3 شهور ومبسوطة منها مع انى كنت ناوى انا الى اجبها بس عشان كده اخترت الباندا تغير والله الشانا عربية حلوة برقبة البيكانوا الى منتشرة

**lidosasa** · 11-09-2013 03:22 PM

المشاركة الأصلية كتبت بواسطة medoking2006

والله حرام عليكما الراجل اتعقد كان هيجيب عربية اتوماتك خلتواه يغير وجهة نظروا وكل واحد بيكلم مش عن تجربة انا كان معايا جلى ck1 اربع سنين وكنت شريها مستعملة وصرفت عليها المصاريف العادية لاى عربية ولا عملت معايا حركة إلا خالص وبعتها ومخسرتش فيها وحجزت باندا كروس اتوماتك والصينى زى الفل و سعر كويس انا مش بقارن بالالمانى واليابانى بس الراجل بيقول عربية للاسرة والصينى بوجهه عام كويس الراجل مش عايز عربية هيحارب بيها وانا برشحلك الشانا وسعر الاتوماتك حلو منها انا اختى اشترتها اتوماتك بقالها 3 شهور ومبسوطة منها مع انى كنت ناوى انا الى اجبها بس عشان كده اخترت الباندا تغير والله الشانا عربية حلوة برقبة البيكانوا الى منتشرة

أنا كلامى معاه كان عن البندينو فقط لآنها عربية جديدة والأحسن إنه يستنى لما يشوف أخبارها أيه فى السوق وعيوبها الخفية وإستجابة الوكيل لتلك العيوب لإن كلنا إنبهرنا بالإيمجراند ودلوقتى كفاية إنك تلف لفة فى المنتدى عشان تشوف الشكاوى منها والصمت القاتل من الوكيل ( غبور ) ياريت تراجع مشاركاتى فى الموضوع وأنا شخصياً مش ضد الصينى دا أنا حتى بفكر جدياً لما أعلى بإذن الله أشترى إسبيرانزا a113

**saddam** · 12-09-2013 07:02 AM

صديقي المواطن خد الجيلي باندا وحيسموها تقريبا جيلي إمجراند 5 على.ما أفتكر ولو.عايز تبقه مميز هات الإمجراند 7 وغيرلها فتيس أوتوماتيك بتكلفة 5 آلاف جنيه وإطمع في العربية وخدها من مراتك وعيالك ودمتم للنضال وده هو التفكير خارج الصندوق

**mido** · 11-12-2013 12:06 PM

حد عنده الشانا الاوتوماتيك ؟ انا بقارن بينها و بين الباندينو

**S O P H O S** · 12-12-2013 12:43 PM

طب ما تفكر فال a113

**omar_saad** · 23-12-2013 02:46 PM

للعلم فقط
ال باندينو ليست الا باندا كروس

**Flamingo** · 17-01-2014 02:05 PM

رينو سانديرو .... محترمة وممكن تعمل ليها تست درايف فى سور نادى الزمالك ... حتعجبك

**Shiemaa** · 05-04-2014 03:15 AM

حضرتك جبت ايه في الاخر

انا كمان كنت عامله نفس الموضوع ده قريب واحترت اكتر هي بردو لي والنادي يعني مش اساسية

**AhmedGIS** · 06-04-2014 12:27 PM

انا بشكر كل الناس المحترمين اللى أفادونى بآرائهم

وفعلا اكتر عربية عجبتنى وعرفت مدى اعتماديتها هى الرينو سانديرو

المشاركة الأصلية كتبت بواسطة flamingo

رينو سانديرو .... محترمة وممكن تعمل ليها تست درايف فى سور نادى الزمالك ... حتعجبك

وهى كمان مع اخويا بس المشكلة انى معايا لوجان وواكتر من واحد فى العيلة معاه يا لوجان يا سانديرو وانا بصراحة زهت من شكل التابلوه بتاع اللوجان لان هو هو بتاع السانديرو مع فروق طفيفة وكنت عايز اغير الشكل والماركة كمان

فلاقيت مافيش عربية هاتشباك واعتمادية وصغيرة وحريمى إلا الكيا بيكانتو انا عارف ان فى ناس كتير هتقول عليا مجنون انى ادفع المبلغ ده فى عربية لعبة - زى ما بيقولوا - وانا كنت منهم بردوا ومش حاسس انها فعلا عربية حقيقية

بس فعلا انا لما ركبتها وجربتها وشوفتها من جوه غيرت رأى فعلا واحترمتها وخصوصا انها عربية للبيت والاولاد مش العربية الاساسية فناا شايف انها يادوب مناسبة للمدام والاولاد

على فكرة انا جيبتها خليجى هاى لاين وطبعا الفرق شاسع بينها وبين الهاف اوبشن اللى مالية المعارض لانهم بيقولوا مافيش فول اوبشن منها

ودعواتكم ربنا يسترها معانا وتكون خير لينا ان شاء الله

وشكر على مساعدتكم مرة تانية