السلام عليكم

مراتى العربية عومت منها من يومين عشان فى واحد كسر عليها راحت هيا لمت العربية شمال جامد وداست فرامل على الأخر.( الحمد لله على كل شئ )

المهم العربية لفت بيها وخبطت فى الرصيف بالناحية الشمال. الخبطة كلها جت فى العجلة الأمامية ( خبطة بسيطة بوظت الجنط بس ) وبعد كده العجلة الخلفية شمال ودى باظ فيها الأتى
1- الجنط
2- المقص
3- شداد المقص
نزلت أشتريت الحاجات دى وركبتهم ورصصت العجل وظبطت زوايا وعملت زرجينة فى العجلة اللى ورا شمال عشان كانت قافلة 1.5 سم
دلوقتى العربية وأنا ماشى على 70 أو 80 كم بلاقى العربية بترجرج زى ما يكون محتاجة ترصيص مع أنى لسة مرصص
أنا اللى ناوى أعمله يوم الأتنين أن شاء الله هو
1- أرصص تانى
2- أراجع الزوايا الخلفية

كنت عاوز أعرف ممكن يكون فيه أيه تانى يتعمل مع العلم أن الميكانيكى قالى مفيش حاجة تانى فى العفشة ولا ورا ولا قدام

أه فيه حاجة كمان.....بعد الخبطة مراتى مشيت بالعربية ( والمقص الخلفى معووج ) مسافة تقريباً 7 أو 8 كم على ما وصلت للبيت وكانت العجلة الشمال ورا بتحك فى الكارتيرة وبتطلع ريحة شياط :(
هل ممكن نكون العجلة دى فيها حاجة؟؟؟