الموضوع: عيوب كل السيارات الموجودة فى مصر

بسم الله الرحمن الرحيم

الموضوع ده معمول علشان يسرد عيوب كل سيارة موجودة فى مصر و أنا جمعت حاجات هقولها وممكن تعدلوا على وكمان مطلوب مشاركة تجاربكم معانا ومع مرور الوقت هنجمع كتير من العيوب

والسبب فى اننا نحدد العيوب علشان كل واحد ممكن يلبس فى سيارة فيها مميزات كتير لكن فيها عيب قاتل بالنسبة له زى مثلا سيارة واطية وهو ساكن فى مكان كله مطبات عالية - أو السيارة مش ثابتة على السرعات العالية وهو بيجرى كتير بالعربية - او استهلاك الوقود عالى وهو مبيحبش كده - او السيارة كثيرة الأعطال وهو شغله ميسمحشى بكده - وهكذا

نبدأ بسم الله

1- سكودا اوكتافيا 1600 سى سى - قطع غيار غالية - توكيل حراق شوية - موتور ضعيف على البودى يجعل التسارع ضعيف حتى الغيار الخامس - سعر غالى

2- هوندا سيفيك - 1600 سى سى - من موديل 2007-2010 - واطية على الأرض - صاج خفيف نسبيا - قطع غيار غالية نسبيا - توكيل غير منتشر فى كل مكان - الشنطة مش واسعة
من موديل 2011-2013 - خامات التابلوة سيئة - العفشة ناشفة من ورا شوية - الشكل مش حلو - أسعار قطع الغيار غالية جدا - الشنطة مش واسعة - غالية فى تمنها - سعر اعادة بيع سىء


3- تويوتا كورولا 2008-2013 - الجنوب أفريقى مشاكل كبيرة فى الجير بوكس - عفشة ناشفة - موتور صوته عالى بالنسبة ل2006-2007 - صالون ضيق من الخلف نسبيا وكرسى السائق مش مريح - خامات التابلوه مش حلوة وشكله مش حلو
اليابانى - الصالون ضيق نسبيا من الخلف - الكرسى مش مريح بالنسبة للسواق - شكل تابلوه مش حلو - الشكل العام مش حلو - اوبشنز قليلة - سعر عالى

4- فورد فوكس 2012 -2013 :- بنزين 95 - سعر اعادة بيع سىء - قطع غيار مش منتشرة بره التوكيل

5- فولكس جيتا 2009 - 2010 الشكل القديم 1600 سى سى :- مشكلة كبيرة فى الجير بوكس وان بدأ فى التحسن من 2011 - واطية على الأرض - قطع غيار غالية - توكيل غالى

6- باسات 2006 -2011 الشكل القديم 1600 سى سى - نفس مشكلة الجيتا فى الفتيس - موتور ضعيف على البودى التقيل بيأثر على سحب السيارة - قطع غيار غالية - توكيل غالى - عاوز تمشيها صح يبقى بنزين 95

7-هيونداى النترا الشكل الجديد 2012-2013 :- عفشة ناشفة بالذات فى الخلف - مرجحة فى الخلف مع مطبات الهواء مع السرعة - عزل متوسط - واطية على الأرض - سعر عالى نسبيا

9- أوبل فكترا 2007-2008 1600 سى سى مانوال - مشكلة مزمنة فى رداخ البنزين - استهلاك عالى فى الوقود - تيل فرامل بيتأكل بسرعة- الأتوماتيك يزيد عليها مشكلة فى فتيس الأيزى ترونيك زى الجيتا

10- بى أم دبليو 320 2000 سى سى 2010 - مشكلة فى الفتيس - هبده بين الثالث والأول - قطع غيار غالية وتوكيل غالى

12- هوندا سيتى2004-2008 - 1300و 1500 سى سى - صاج واكصدامات ضعيفه - اتزان قليل على السرعات العالية - صوت الهواء عالى فى السرعات العالية - قطع غيار غالية نسبيا - سعر اعادة بيع قليل

13- حد يكمل معايا نيسان ومتسوبيشى وبى ام ومرسيدس ورينو بيجو وغيرها من الموديلات من واقع خبراتكم وقراءاتكم - نرجو التفاعل لعموم الفائدة

نكمل مع بعض

رينو فلوينس - بودى تقيل على الموتور - صوت الهواء عالى نسبيا فى السرعات العالية - قطع غيار غالية - سعر اعادة بيع سىء

نكمل تانى

بروتون برسونا وجين تو :- العزل ضعيف وصوت الموتور عالى جدا على السرعات العالية والواطية - فرامل ضعيفة نسبيا - توكيل سىء - قطع غيار غالية وغير منتشر فى كل مكان - معدل أعطال عالى نسبيا فى الموديلات القديمة - سعر اعادة بيع سىء - استهلاك بنزين عالى نسبيا

بوتون واجا :- العزل ضعيف وصوت الموتور عالى جدا على السرعات العالية والواطية - فرامل ضعيفة نسبيا - توكيل سىء - قطع غيار غالية وغير منتشر فى كل مكان - الباور تقيل - وعزم الموتور مع التكييف بيروح فى داهية - استهلاك بنزين عالى جدا - تقفيل البودى الخارجى وحش جدا

المشاركة الأصلية كتبت بواسطة elpasha1

دايو نوبيرا 2
عفشة سيئة فتيس الاوتوماتيك سيئ صاج زفت زفت زفت

ازود كمان واقول ان التكييف مش قوي

لانشيا ديدرا
عيبها الوحيد انها سنجل بوينت انجكشن من وجهه نظري

موضوع مميز فعلا