ساعدونى

**ahmed kaboky** · 06-09-2013 03:36 PM

السلا عليكم
اولا انا لسة جديد فى الاوبل
انا بفكر اشترى عربية استرا انجوى 2008
العربية ماشية 100 الف

بس انا فى ناس كتير اوى خوفتنى منها
من قطع الغيار
و من الفتيس
وقالولى ان الفتيس بيبوظ بسرعة وتكلفة تصليحة غالية اوى اوى
وبصراحة انا خفت و رجعت افكر تانى انى اشترى كورى على الاقل قطع غيارة عند البقال هلاقيها

و كمان عاوز اسال تكلفة الكشف على العربية فى التوكيل هيكون كام ؟
وقطع غيرها اشتريها منين
ومين اللى يصلحها لانى بردو سمعت ان مش اى حد بيشتغل فيها

**Mecha** · 06-09-2013 05:15 PM

Buy Japanese
or at least Korean

**tananybasha** · 06-09-2013 09:15 PM

انا رديت عليك فى الرساله اللى كنت باعتهالى
لو ينفع تنسخ الرد هنا
يبقى افضل

**tananybasha** · 06-09-2013 09:16 PM

المشاركة الأصلية كتبت بواسطة tananybasha

المشاركة الأصلية كتبت بواسطة ahmed kaboky

السلام عليكم
انا ناوى اشترى عربية استرا انجوى 2008
ماشية 100 الف

اولا عاوز اعرف اكشف عليها فين فى مكان مثوق فية
ثانيا انا خايف اوى من اسعار قطع الغيار
و كمان ناس كتير خوفتنى من الفتيس بتاعها و قالو انو لو باظ هيتكلف كتير اوى
وكمان مش عارف انا اشترى قطع الغيار منين

انا اسف انى طولت على حضرتك

تحت امرك
1. ربنا يوفقك
2. اعتقد ان سعر العربية دى مش بيوصل للرقم ده الا فى الحالات الشاذه قوى
3. قطع غيارها بتاعت الأيكو تك متوافرة و اسعارها معقوله
لسه واحده كانت عندى فى المركز مغير القواعد الواحده ب 150 تركى و كويسه جدا

بس اسعار اكسسوارها معرفهاش اللى هى المرايات و ما شابه ذلك و الفوانيس

الفتيس الأيزى ترونيك تعود
هو عيبه انه بيموت على غفله من غير انذار
بسبب طقم الدبرياج
الأصلى الجى ام اعتقد من 2300 لغاية 2600 بره التوكيل
و مصنعية تركيبه 650-700
و تعريف العربية عليه عشان النقلات 150 جنيه
و شوية زيوت باكم على دكسترون 3 يعملوا 250 جنيه
و يرجع العربية زيرو
ممكن يعيش معاك 100000 كم
و ممكن ميكملشى معاك 1000 كم
طريقة القايادة اللى بتحكم

و قطع الغيار شوف حضرتك منين
و انا اديك تليفوناتهم و عناونيهم
و مراكز الخدمه الأقرب ليك

الكشف فى التوكيل او مركز خدمة معتمد
و بافضل مقار او اوتو ماستر فى مدينة نصر
التكلفه 420 جنيه

لو عايز اى استفسار تانى انا تحت امرك

**tananybasha** · 06-09-2013 09:32 PM

المشاركة الأصلية كتبت بواسطة ahmed kaboky

اولا شكرا الاهتمام حضرتك

و انا مش كتبت سعرها
انا بقول هيا ماشية 100 الف كيلو
و هيا مطلوب فيها 80 الف جنية

ياعنى اية ممكن يعيش 100 الف
ياعنى دة الحد الاقصى اللى ممكن يعيش فيها
ولا دة مثل بس

و التكلفة اللى حضرتك قولتها
كدة 3700 جنية
دة كلو لا لسة فى حاجة تانى
اصل انا سمعت سعر اكتر من كدة بمراحل

انا اسف
اعتقدت السعر 100000
طريقة السواقة هى اللى بتحدد عمرة
سواقتك هادية و لا غاوى حرق على الغيارات
و التكلفه دى كاتبها من فواتير المركز

و لا انت عايز سعر الفتيس كله