اية لزمة ال jbl و البازوكا و الجى ام و الصاب ؟

**Sir ManO** · 07-09-2013 12:27 AM

انا عندى استفسار بس ل اهل الخبره
انا واحد مش فاهم حاجة من الكلام دة كلووو وكل الى نفسى فية انى اسمع صوت حلو و بيز جامد برة العربية ....
وانا الى فهمتو انى اجيب سمعتين كينود 400 على االكاسيت الى عندى هيدينى صوت حلو و بيز حلو ..
عايز افهم بقى اية الى ممكن اجيبة تانى على السمعتين و يخلو البيز جامد و الصوت نقى و عالى ؟؟

JBL ولا بازوكا ولا صاب ولا جى ام
اية لازمتهم و فايدة كل حاجة فيهم و اية اهم حاجة اجبها حاليا معا السمعتين ؟؟

**mOuStaFa_ERTU** · 07-09-2013 01:58 AM

كاسيت محترم (( بايونير - سونى - كينوود ))
سماعات محترمه (( بايونير - كينوود ))
جى ام محترم (( بايونير - كينوود سونى ... الخ ))
وبس ..
وال jbl دى ماركه سماعات وبوازيك يعنى مش جهاز مستقل بذاته
والبازوكا دى عباره عن سماعه فى تيوب على شكل استطوانه بتدى بيز عميييق حاجه تفتت الحصوه هاهاها
ومداها بعيييد برده.
الصب عباره عن سماعه فى صندوق ونفس وظيفه البازوكا مع اختلاف نوع البيز تحس ان البيز بتاعها رزين كده.
انا من يومين كنت اول مره اركب عربية فيها بازوكا وبصراحه ولا ليها اى لازمه عشان اصلا انت مش بتسمع اللى بيغنى ولا اى حاجه غير صوت طبله طويله وبس على كده.

واترك المايك للخبراء

**mdogs1979** · 07-09-2013 04:08 AM

عده صوت من غير صب او بازوكا تبقى مش عده صوت محترمه

اهو صوت و خلاص ,,, الغاوى صوت لا يمكن ان يستغنى عن البيز المنفصل

و ليس الهدف من الصب او البازوكا انك تمشى تدب فى الشارع

الهدف هو التكامل للصوت المكون من طبقه البيز و التربيل و الميد رنج

**midoabdeen** · 07-09-2013 01:26 PM

بص يا سيدى
الساوند سيستم مكون من الاتى
1-الكاسيت (هيد يونيت):ودا الجهاز المسئول عن تشغيل الميديا اللى انت عايز تشغلها اغانى استقبال راديو تشغيل افلام اذا كانت متاحه الخدمه فى الجهاز وتعديل فى الصوت وتشغيل الاسطوانات
2-السماعات :هى التى تصدر الاصوات بجميع الترددات ولكن مع اختلاف موديل السماعه وحجمها والمواد المصنع منها السماعه
3-جى ام (امبليفاير): وهو الجهاز المقوى للصوت اى انه ياخد من الكاسيت ويدى للمساعات والصب وهو يقوى الترددات الصادره من الكاسيت لتتمكن من الحصول على كامل القوه من السماعات
4-الصب :وهى سماعه ذات ترددات منخفضه تصدر ترددات الصوت المنخفضى اى البيز والصب من خصائصه انه يصدر طبقه راقيه من البيز بمعنى اصح مش مجرد ترزيع وهبد على الفاضى
5-البازوكا:نفس دور الصب ولكن اقوى بحيث انه بيرمى برا العربيه بس مش نقى زى الصب
6- الشماسات: وهى تصدر الطبقه العليا من الصوت

يمكن الاكتفاء بمجرد كاسيت كويس بايونير مثلا وسماعتين كينوود للحصول على صوت تقليدى
ولكن لكى تحصل على صوت مميز وقوووى وتحصل على جميع طبقات الصوت يجب ان تجمع بين الاجزاء السابق ذكرها مع بعض (طبعا صب او بازوكا)

**Sir ManO** · 07-09-2013 03:50 PM

طب انتو شايفين انهى الاحسن البازوكا ولا الصاب ؟؟

**aftr** · 09-09-2013 04:56 AM

هات صب افضل وتيوب بازوكا كينوود 1200 ممتاز على جى ام سينفونى 640

**haysam2000** · 09-09-2013 09:03 PM

ده راى شخصى علشان محدش يزعل منى
الصب هو اختصار ل صب ووفر sub-woofer و ده تخصصه التون الواطى اللى هو البيز
و طبعا وجوده بيخف الحمل من على السماعات انها تخرج البيز ف الصوت يخرج بشكل اوضح و انقى (فى حاله وجود خرجى صب فى السى دى نفسه علشان تاخد الميزة دى)
و الجى ام ده مجرد املفاير (مضخم صوت ) علشان يكبر الترددات اللى خارجه من السى دى عبلشان تناسب قوه السماعه اللى عليه يعنى مثلا خارجى كاسيت 55 وات هيقوم ازاى صب الصاقه بتاعته 250 وات (كل ده RMS) اللى هو الخارجى الفعلى ف انت لو بتدور على بيز معقول كانه سماعات نضيف و عاليه و كتير هاتلك بازوكه (صب فى صندوق اسطوانى) 500 وات من نوع JBL مثلا (مثلا علشان محدش يقولى انى متحيز للنوع ده :) و جى ام صغير 350 وات كينوود مثلا برضه :)
و لو عايز هبد و رزع يبقى بازوكه 1000 او 1200 و جى ام 750 مثلا
و نصيحه شخصيه لو عايز صوت نضيف متفكرش تجيب جى ام سيمفونى علشان ده جهاز وظيفته ان يطلع القدرة القصوة للصب و بس بدون اى معايير اخرى
هات حاجه كويسه زى كينوود او سونى
هم اغلى شويه بس والله لو سمعت الأتني شغالين (سيمفونى و اى واحد من التانيين) هتعرق انت دفعت زياده ليه !!

اتمنى انى اكون افدتك