هل يمكن للسيارة أن تتحرك للخلف و الفتيس الأوتوماتيك على ال r
معلهش أعذورونا ياجماعة و أستحملونا علشان أنا خبرتى مش كبيرة أوى فى أمور السواقة و ممكن الأسئلة تبدو سطحية للبعض من أصحاب الخبرة , ولكن بالنسبة لى العربية معايا من يوليو 2011 عملت بيها 4000 كيلو فى سنتين حدث هذا الموقف معى أثناء ركنى للسيارة على منحدر خفيف لقضاء مصلحة وعند عودتى للسيارة جبت ال R و بدأت أرفع رجلى ببطء من على الفرامل فبدلا من أن تتحرك السيارة للخلف وجدتها تندفع للأمام فى أتجاه ميل المنحدر تحت تأثير وزنها فمسكت فرامل على طول وقررت أن أعاود المحاولة بطريقة مختلفة فرفعت رجلى من على الفرامل بسرعة شديدة و رحت دايس على البنزين فبدأت السيارة ترجع للخلف , و لكن فى الحقيقة معجبنيش اللهوجة اللى أديت بيها هذه الحركات لأمنع السيارة من الأندفاع للأمام ، و السؤال اللى بسأله هل اللى أنا عملته ده صح ولا غلط وهل هناك طريقة أفضل للرجوع للخلف عكس المنحدر مايبقاش فيها هذه اللهوجة فى الحركة , و السؤ ال الأهم أزاى يبقى الفتيس على ال R والسيارة تتحرك للأمام وهل يمكن أن يكون قد أثر هذا على الجيربوكس أو أدى لحدوث تلف فيه . خصوصا أننى أسمع أن السيارات الأوتوماتيك لا يمكن تحريكها للأمام أو الخلف عن طريق الزق لأن تحرك العجل بدون الموتور متلف للجيربوكس , أرجو ألا أكون قد أطلت عليكم و شكرا مقدما لكل من يتكرم بالأفادة . :auto: