الموضوع: محتاج حديساعدنى فى ترشيح سياره مناسبه

المشاركة الأصلية كتبت بواسطة طارق _عبد السلام

مفكرتش ليه فى بولو
من جهه الاقتصاديه حدث ولا حرج وحط لها بنزين 92 واطمن لان سحب البنزين فيها شبه منعدم :)

ومن ناحيه قطع الغيار متوفره ورخيصه بالنسبه لعربيات تانيه كتير

والله عشره 6 سنوات اشغال شاقه العربيه عمرها ماقالت لى ياقلبى ولحد النهارده مع انى راكب فانتازيا ولدرجه من ايام بسيطه بعد ماعملت صيانه ال 60 الف لعربيتى قولتلهم ولا يوم من ايامك يابولو مكنتش بتطلب غير زيت وبنزين

والله فكرت فيها وقالوا ليا قطع غيارها غاليه وهروح عند الميكانيكيه كل يوم

المشاركة الأصلية كتبت بواسطة طارق _عبد السلام

هى دى المشكله ان اى حد بيفتى فى العربيات بدون تجربه هم قالولك وافتوك وممكن ماتلاقى حد منهم ركبها اصلا

انا بقول لحضرتك 6 سنوات مدخلتش لعفشجى نهائى
كنت بروح للميكانيكى للصيانات الدوريه فقط لاغير عمرها ما اشتكت عمرها ماسخنت
بس للعلم العربيه كنت شاريها بحالتها يعنى فابريكه وكانت عامله 50 الف كيلو
وقطع غيارها كانت بالنسبه لغيرها ببلاش يعنى انا افتكر تيل فرامل 100 جنيه وش فانوس 20 فانوس خلفى كامل استيراد 100 جنيه فلتر الزيت 25 جنيه طنابير اماميه الجوز 180 جديده ده وقت ماكانت معايا ما اظنش قطع غيار نار ولا حاجه دى موتورها بالكامل تقريبا 2500 ل 3000

وعلى العموم هى مسئله راحه نفسيه واقتناع

أشكرك كثيرآآآ معلش أصلى مش متعمق قوى فى مجال السيارات فمعنديش درايه كافيه فبضطر أسمع لأصدقائى وزملائى. والله الموفق والمستعان