الموضوع: ناوي اشتري فاميه من السعوديه ومحتاج نصايحكم وآرائكم

السلام عليكم ورحمة الله وبركاته

انا في السعوديه هنا والاجازه خلاص خلصت وراجع بقى عشان الدراسه

فانا ناوي ان شاء الله اجيب فاميه للعربيه من هنا ويكون حراري وانزله معايا مصر احطه للعربيه .. فسألت هنا في اكتر من مكان ولقيت الانواع دي ومحتاج آرائكم في الافضل وكدا ..

طبعا انا هجيبه شفاف عشان المرور وكدا ومش طالبه بصراحه كل شويه اركب واشيل ..

طبعا لقيت مش حراري فدا مركزتش عليه ..
-لقيت بقى نوع كوري هو بيقول انه عازل 20% دا عامل 15 ريال يعني بتاع 28 جنيه للمتر الواحد ..
-وفي واحد كوري برده قالي عازل 35% دا عامل 25 ريال يعني حوالي 47 جنيه للمتر الواحد ..
دول تحسهم مش شفافين 100% بس فاتحين اوي بس فيه سنة غمقان بسيطه اوي ..

شفت في محل تاني كدا شكله نظيف اوي لقيت الانواع الي عنده امريكي كله ..
- في واحد عزل 90% ودا عامل 1500 ريال يعني بتاع 2800 جنيه للعربيه هو هيديني على قد العربيه مبيبعش بالمتر .. ودا بصراحه شكله تحفه وشفاف جدا وهو معلق الانواع كلها على الازاز انا مكنت عارف اميزه بينه وبين الازاز وحاسيس ان مفيش حاجه اصلا ..

- وفي واحد برده 50% عامل 500 ريال يعني حوالي 950 جنيه للعربيه ..
ودا برده شفاف جدا زي الاول ..
- وفي برده 60% و80% بس مسألتش على اسعارهم ..
وعليه ضمان مدى الحياه بس طبعا في السعوديه ..

فأنا دلوقتي محتار اجيب انهي نوع .. عشان طبعا مش عايز اجيب مثلا امريكي وفي الاخر يطلعلي ظابط يخليني اشيله وانا دافع فيه دم قلبي .. وكمان الراجل بتاع المحل الامريكي دا قالي انه عايز واحد محترف جامد عشان يعرف يحطه كويس وميبظش ..

وانا من الاسكندريه ومعرفش هل في حد معروف كويس جدا جدا في التركيب هناك ولا لأ ..

وشكرا ليكم ..

انا متهيألي انك لو جبت النوع اللي هو 50% ده هيكون ثمنه مش غالي اوي و في نفس الوقت هيفيدك الي حد ما ، تطبيقاً لمبدأ خير الأمور الوسط ،
يعني لا هتجيب الوحش اوي و لا هتجيب الغالي اوي . .. لانه زي مانت عارف ان ممكن الزجاج يتخطم او كدة !!
لا قدر الله طبعاً : )

تحياتي