طلب تسعير تويوتا كرولا ٢٠١١ فتحة سقف

**shalaby2001** · 08-09-2013 02:22 AM

لوسمحت وا ممكن حد بسعر لي عربيه كرولا ٢٠١١ فتحة سقف عامله ٢٠٠٠٠ كيلوا حاله عامه ممتازة ، بس كان باب السائق تعرض لطلقة وتم تغيره في التوكيل وهل دا يعيب السيارة؟

**zizophone** · 08-09-2013 04:39 AM

ياعني العربية موديل 2011 كاملة هاي لاين (نحكم في الطارة ! ) يا تري فابريكة بالكامل بما فيها الباب المتغير ( ياعني جاي بنفس اللون !) ولا العربية مغيرة الباب و مرشوش ؟ حاجة كمان هي ماشية 20 الف كم ولا 200 الف كم ؟!

خلينا نقول الاسعار المقاربة لل4 حالات:

1- فابريكة بالكامل معادا (الباب المتغير مرشوش) و ماشية 200 الف كم .... السعر يتراوح من 115 ل 120
2- فابريكة بالكامل معادا (الباب المتغير مرشوش) و ماشية 20 الف كم .... السعر يتراوح من 125 ل 130
3- فابريكة بالكامل (الباب المتغير بلون العربية فابريكة ) و ماشية 200 الف كم .... السعر يتراوح من 130 ل 135
4- فابريكة بالكامل (الباب المتغير بلون العربية فابريكة ) و ماشية 20 الف كم .... السعر يتراوح من 140 ل 145

ده رايي الشخصي .. انا كان معايا كورولا 2010 قابريكة بالكامل ماشية 25 الف كم تاني فئة خليجي (جنط و سينسور )كنت بايعها من 4 شهور ب 120.

**elnady_1987** · 08-09-2013 10:33 AM

يا باشا الباب ميفرقش فى العربية 15000 وبعدين لازم يترش لانه مبيجيش لون العربية اى باب بيبق لونه الاساسى اسود لون الصاج وانت بعد كدا ترشه اعتقد ان العربية دى لو عملة 20000كم من 13000 الى 135000

**zizophone** · 08-09-2013 11:36 AM

لاء لو الباب متغير ومرشوش يفرق كتير يا كبير ... و مين قال ان الباب مبيجيش بلون العربية الاصلي من غير رش !! في مراكز خدمة معتمدة بتجيب الحاجات دي استيراد بلون العربية (سعر باب السواق في الموديل دة بلون العربية كامل ب 6000 جنية) و فاضي (3500 جنية).

**S O P H O S** · 08-09-2013 02:56 PM

اعتقد 125 + ممكن تزيد حسب الحالة
والله اعلم

**shalaby2001** · 08-09-2013 04:18 PM

متشكر جداً يا رجاله علي الردود
العربية عامله ٢٠٠٠٠ عشرين ألف كيلوا ، الباب متغير في التوكيل معرفش موضوع الرش بصراحه ، حاله عامه ممتازه.

**shalaby2001** · 08-09-2013 04:21 PM

يا جماعه هو ازاي اعرف ان العربية رشه أو فابريكة والباب راشش أو فابريكة

**zizophone** · 08-09-2013 09:06 PM

ما انت لازم تروح بيها التوكيل و تعمل كشف بيع و شراء شامل ب 250 جنية ... هما بقي حيقولولك كل الي انت عايزه .. و السعر المطلوب كويس ع فكرة .. وكل لما ينزل يبقي في مصلحتك اكيد ..

في حاجة كمان دي مني ليك للامانة بس ..
صحيح الموديل دة حلو مش وحش بس عن تجربة مايستهلش الفلوس الي بتدفع فيه انا بحب التويوتا جدا وبعتبرها عربية عملية قوي و معايا موديل ال 2005 منها و ال 94 و كانت معايا ال 2010 و بعتها و فضلت عليها ال 2005 برغم العيوب الكتير الي ف الموديل دة "خاصة الثبات و الفرامل", التويوتا عامة عربيات ناعمة و جميلة و الموديل الي بتتكلم عنة دة كمان انعم واداء و ثبات كويس و اعادة بيع معقولة .. بس ليا علية بعض الملاحظات ( قطع غيار الموديل دة غالية جدا - العربية واطية لدرجة تصدم - الكنبة الي ورا ضيقة اوي - العربية فقيرة من جوة على المبلغ الي بيتدفع فيها - الموديل ده مش محبوب قوي زي الي قبلة"الجمل") مقارنة مع فئات كتير في نفس السعر زي السيفيك و الجيتا او بي ام 2005 2006 حتلاقي ان العربية دي مش احسن منهم في اي حاجة غير سهولة اعادة البيع

بالتوفيق ان شاء الله

**akmm** · 09-09-2013 11:31 AM

موفق ان شاء الله .

**shalaby2001** · 09-09-2013 05:05 PM

متشكر جداً يا جماعه
بص يا زيزو ، انا بشكرك جداً علي نصائحك اللي انا موافقك فيها ١٠٠*١٠٠ بس انا بفكر فيها لحاجتين ، حالةًالعربية مافرقهاش عن الزيرو، ثانيا سعر إعادة البيع لأني بحب أغير .

الموضوع: طلب تسعير تويوتا كرولا ٢٠١١ فتحة سقف

LinkBack

أدوات الموضوع

عرض

طلب تسعير تويوتا كرولا ٢٠١١ فتحة سقف - انشر الموضوع فى :

-

-

-

-

-

-

-

المواضيع المتشابهه

خلاص هاتجنن .. ساعدوني .. شيفورليه كروز ٢٠١١ ولا لانسر شارك ٢٠١١

خلاص هاتجنن .. أرجو مساعدتكم . أجيب شيفروليه كروز ٢٠١١ ولا لانسر شارك ٢٠١١ ؟؟

طلب تسعير تويوتا كرولا موديل 1993

طلب تسعير / تويوتا كرولا 2005

تويوتا كرولا؟؟

الكلمات الدلالية لهذا الموضوع

المفضلات

المفضلات

ضوابط المشاركة