يا جماعه ياريت اللى عربيته اتسرقت يقولنا اتسرقت ازاى علشان نخلى بالنا (متجدد)

**اسلام السعيد** · 09-09-2013 02:12 PM

المشاركة الأصلية كتبت بواسطة ahmedfathi

واحد صحبى معاه فيرنا2011. كان رايح مدينه السلام الصبح الساعه 10 صباحا ووقف بجوار سور مستشفى السلام العام .بطل العربيه وفتح الازاز ومسك موبايله وعمل كام تليفون كده ومش مدى خوناه خالص

وهو بيجهز نفسه عشان يقفل العربيه وينزل عشان يدخل المستشفى عشان يبدأ شغل وفجأأأأأأأأأأأأأأأأأه

عربيه سيراتو فيها 3 افراد واحد بيسوق واتنين ملثمين ومسلحين جت من وراره وقفلت عليه ونزل الاتنين المسلحين واحد حد الرشاش الالى فى صدره وواحد حط المطواه ورا ودانه وقالوله انزل وسيب موبايلاتك والمفاتيح فى العربيه والا هنصفيك بالرشاش دلوقتى حالا وهناخد العربيه برضو

وفى اقل من 30 ثانيه وجد صاحبى نفسه من غير العربيه ومن غير الموبايلات...

لا حول ولا قوة الا بالله الواحد كان فاكر ان المواقف دي فى الافلام وبس ربنا يصبر قلبه وينتقم من اللى سرقو عربيته وترجعله فى اقرب وقت

**Hossam_hassan4** · 10-09-2013 10:31 AM

فيه واحده ست كانت بعربيتها الساعه 7 الصبح بعربيتها عند طلعه دائري المنصوريه و اللي يعرف المكان ده الناحيه التانيه في شرطه عسكريه وقفوا قدام عربيتها بالالي و خدوا العربيه بس العربيه رجعت في نفس اليوم باليل الحمدلله

**kazamodia** · 10-09-2013 10:38 AM

خلاص يا جماعة الكلام ده تقريبا هيختفي قريبا الشرطة والجيش ماليين البلد محدش يخاف دلوقتي
البلد بقا ليها كبير خلاص

**mohamed hussei** · 10-09-2013 11:03 AM

يارب نرجع زي زمان كنا بنسافر في فجر ومش بنخاف من حاجة دلوقت بنسيب العربيات وبنسافر اتوبيسات

**khalid1610** · 10-09-2013 02:01 PM

انا عربيتى اتسرقت بطريقه اغرب من الخيال انا متعود اغسل عربيتى فى محطه بنزين بتاعه احد اصدقاءى وكل العمال فى المحطه عارفينى كويس جدا دخلت زى كل مره وسيبت العربيه للعامل وفيها المفتاح ودخلت عند صديقى صاحب المحطه وبعد كده دخل على العامل اللى بينضف العربيه احد الاشخاص وقاله انه السائق بتاعى وفضل واقف مع العامل وكمان بقى ىساعده فى الغسيل ولما العربيه خلصت دورها وقال للعامل ىروح يناديلى من المكتب وفى هذه الاثناء خد العربيه وخلع طبعا اظن مفيش جراءه اكتر من كده بس الحمد لله الولد اتمسك بالصدفه بعد اسبوع واخيرا احذر الجميع من ترك المفتاح فى العربيه فى اى مكان مهما كان السبب

**elhelwany188** · 10-09-2013 03:23 PM

السلام عليكم ورحمة الله وبركاته ...
انا شوفت الموقف ده بنفسى ...
كنت امام سوبر ماركت كبير فى شهر رمضان عام 2011 الساعة 2 ظهرا وكانت فيه واحدة نزلت من العربية وكانت العربية دايرة علشان مشغلة التكييف علشان فيها الدادة وبنتها او ابنها مش فاكر ...
وبعدين واحد ركب العربية ورفع سلاح فى وجه الدادة فنزلت من العربية واخدت معاها الابن او الابنة ...
وطلع طلعه امريكانى واختفى كل ده فى حوالى 10 او 15 ثانية لدرجة ماحدش اخد باله اللا لما الست قاعدت تزعق وتصوت والعربية كانت فى اخر الشارع ...
بس فى سرى قلت الحمد لله انه اخد العربية بس ...

**اسلام السعيد** · 10-09-2013 08:37 PM

المشاركة الأصلية كتبت بواسطة hossam_hassan4

فيه واحده ست كانت بعربيتها الساعه 7 الصبح بعربيتها عند طلعه دائري المنصوريه و اللي يعرف المكان ده الناحيه التانيه في شرطه عسكريه وقفوا قدام عربيتها بالالي و خدوا العربيه بس العربيه رجعت في نفس اليوم باليل الحمدلله

مش فاهم يعنى الشرطه العسكريه اللى اخدت العربيه علشان شاكيين فيها مثلا

ولا حراميه كانو منتحليين شخصية شرطة عسكريه؟

**اسلام السعيد** · 10-09-2013 08:39 PM

المشاركة الأصلية كتبت بواسطة kazamodia

خلاص يا جماعة الكلام ده تقريبا هيختفي قريبا الشرطة والجيش ماليين البلد محدش يخاف دلوقتي
البلد بقا ليها كبير خلاص

كلنا بنتمنى ده بس من الواحد بيسمعو اتعقد حاسس انى ندمان انى اشتريت عربيه وقلقان جدا نفسى ابيتها فى شقتى

**اسلام السعيد** · 10-09-2013 08:40 PM

المشاركة الأصلية كتبت بواسطة mohamed hussei

يارب نرجع زي زمان كنا بنسافر في فجر ومش بنخاف من حاجة دلوقت بنسيب العربيات وبنسافر اتوبيسات

ده انا شاارى العربيه من يومين علشان اسافر بيها

**اسلام السعيد** · 10-09-2013 08:42 PM

المشاركة الأصلية كتبت بواسطة khalid1610

انا عربيتى اتسرقت بطريقه اغرب من الخيال انا متعود اغسل عربيتى فى محطه بنزين بتاعه احد اصدقاءى وكل العمال فى المحطه عارفينى كويس جدا دخلت زى كل مره وسيبت العربيه للعامل وفيها المفتاح ودخلت عند صديقى صاحب المحطه وبعد كده دخل على العامل اللى بينضف العربيه احد الاشخاص وقاله انه السائق بتاعى وفضل واقف مع العامل وكمان بقى ىساعده فى الغسيل ولما العربيه خلصت دورها وقال للعامل ىروح يناديلى من المكتب وفى هذه الاثناء خد العربيه وخلع طبعا اظن مفيش جراءه اكتر من كده بس الحمد لله الولد اتمسك بالصدفه بعد اسبوع واخيرا احذر الجميع من ترك المفتاح فى العربيه فى اى مكان مهما كان السبب

شكرا لحضرتك انك حكيت الموقف علشان نخلى بالنا وبجد حرامى جرىء جداا .. الحمد لله على رجوع العربيه وربنا يباركلك فيها