لازم نخلى بالنا من سوق العاشر

**MAHMAHMOUD** · 16-04-2009 11:50 PM

اصدقائى الاعزاء انا لسة عضو جديد بس معجب جدا بالمنتدى اول مرة ادخل علية اشتريت عربية بس واللهى زى الفل تحياتى واحترامى للسادة الاعضاء ومسئولى الادارة والاراء والمواضيع الهامة التى يتم تناولها وبطرح جميع الردود التى لابد من احترامها جميعا والواحد لازم يتعلم من الغير . عجبنى جدا موضوع الصديق drbessa اللى تناول فية موضوع السوق وكيفية التعامل معة موضوع غنى ومهم اسف للاطالة بس اللى لازم نعملة نخلى بالنا من السوق جدا لان فية سيارات كتير جدا جدا حوادث ومقلوبة ومتصلحة وكلة من تجار اللى بقو معروفين من شكلهم انا روحت السوق كتير جدا بس عمرى ما بعت او اشتريت منة اللى بيبيع يبيع بارخص الاسعار واللى يشترى باغلى سعر سبحان الله يا جماعة السيارات المضروبة والمشغولة بقت كتير فى البلد . وشكرا لصبركم

**momo100010** · 17-04-2009 02:03 AM

موضوع جميل
متشكرين عالافادة
والمجهود الرائع

**mexmarine** · 17-04-2009 03:23 AM

معاك حق انا من اسكندريه و رحت السوق و بصراحه عينى لم ترتاح لاى عربيه شفتها هناك و كان معايا واحد صاحبى و كان شايف العربيات بنظره تانيه خالص انها جميله و كويسه مع انى شفت كتير من اللى شافه مشغول و حوادث

**thegreatnileman** · 17-04-2009 12:20 PM

ده فعلا كلام صح 100%

السوق كله تجار اللى بيبيع واللى بيشترى

رحت السوق و بصراحه عينى لم ترتاح لاى عربيه شفتها هناك

**MAHMAHMOUD** · 17-04-2009 02:18 PM

شكرا لكل اللى رد بس يا جماعة احنا دورنا اننا لازم نوعى اللى نعرفة واللى مش نعرفة لان بصراحة الموضوع بقى تقيل اوى والناس اللى مش عارفة ولا فاهمة يا حرام بيتدبسوا و بيشربو ومحدش ينصحهم لانة بيعتمد على الميكانيكى او السمكرى بتاعة اللى يا خسارة ممكن يبيعة لما يشوف الورقة ام مية او غير الحسنة بتاعتة طبعا او اللى بيعتمد على واحد صاحبة او قريبة وممكن يلبسة فى الحيط يا جماعة الموضوع مهم لان الواحد زى ما يحبش حد يضحك علية مفروض ينصح اللى يشوفة بيضحك علية وللاسف دة كتير جدا بسوق العاشر بقت غابة والفريسة كتيييييير لجشع تجار المحافظات وشكرا عايزين اراء وردود يا جماعة

**MAHMAHMOUD** · 20-04-2009 11:45 AM

[quote=thegreatnileman;792681]ده فعلا كلام صح 100%

السوق كله تجار اللى بيبيع واللى بيشترى[/يا باشا اقتراحك لاقى أستحسان الجميع فين بقى التنفيذ .:k49:

**MAHMAHMOUD** · 23-04-2009 10:29 AM

عايزين الاراء والردور الجميلة وكمان لازم نفعل الاقتراح اللى اتكلمنا فية تحديد ميعاد ثابت بالسوق والتجمع لاصدقاء المنتدى ونشوف هنقدر نفيد بعض ازاى

**emadafify** · 23-04-2009 11:36 PM

المشاركة الأصلية كتبت بواسطة MAHMAHMOUD

اصدقائى الاعزاء انا لسة عضو جديد بس معجب جدا بالمنتدى اول مرة ادخل علية اشتريت عربية بس واللهى زى الفل تحياتى واحترامى للسادة الاعضاء ومسئولى الادارة والاراء والمواضيع الهامة التى يتم تناولها وبطرح جميع الردود التى لابد من احترامها جميعا والواحد لازم يتعلم من الغير . عجبنى جدا موضوع الصديق drbessa اللى تناول فية موضوع السوق وكيفية التعامل معة موضوع غنى ومهم اسف للاطالة بس اللى لازم نعملة نخلى بالنا من السوق جدا لان فية سيارات كتير جدا جدا حوادث ومقلوبة ومتصلحة وكلة من تجار اللى بقو معروفين من شكلهم انا روحت السوق كتير جدا بس عمرى ما بعت او اشتريت منة اللى بيبيع يبيع بارخص الاسعار واللى يشترى باغلى سعر سبحان الله يا جماعة السيارات المضروبة والمشغولة بقت كتير فى البلد . وشكرا لصبركم

رجاء لجميع الإخوة مراعاة تعظيم لفظ الجلالة وعدم تحويره بهذا الشكل فهذا لايجوز