العربيه اللي اشترتها طلعلي فيها مشكله مش عارف حلها

**Astra Lovers** · 08-09-2013 12:40 PM

الحمد لله اشتريت استرا وكشفت عليها وكله تمام عايزه شويه مضاريف فالعافشه والكوتش المشكله ان البيه اللي كان راكبها كام عامل الارضيه جلد مشمع او فيتيل زي ما تسميها سميها المهم البيه اللي عملهالو لزق الزفت دا علي موكيت العربيه وطبعا لما شيلت الجلد الموكيت بتاع العربيه كله ملطش غرا اصفر مكان اللزق
اروح اطبق فظمارة رقبته انا دلوقتي ولا اعمل ايه ولو ليها حل سريع وميبوظش حاجه ارجو الافاده لاني محسوك قوي فالعربيات ومبحبش اركب حاجه مش نظيفه
مع الشكر

**amr011111** · 08-09-2013 12:48 PM

ركب ارضيه جلد فوق الموكيت

**Astra Lovers** · 08-09-2013 01:00 PM

لا طبعا انا محببش العك بتاع الارضيات لا جلد ولا غيره

**amr011111** · 08-09-2013 01:04 PM

المشاركة الأصلية كتبت بواسطة opelcars

لا طبعا انا محببش العك بتاع الارضيات لا جلد ولا غيره

ولا تزعل نفسك
اعتبرنى مردتش عليك

**cayman69300** · 08-09-2013 01:22 PM

شوفت مذيبات ليها القدرة على اذابة اللصق و اكيد لو دورت على النت هتلاقى طلبك

**shur3000** · 08-09-2013 02:01 PM

المشاركة الأصلية كتبت بواسطة opelcars

لا طبعا انا محببش العك بتاع الارضيات لا جلد ولا غيره

مع احترامى ليك انا اللى اعرفة ان الناس بتحب تركب جلد انضف واحسن عامة جرب تشيل اللزم بمية سخنة كدة

**MITSUKERO** · 08-09-2013 02:29 PM

جرب مزيبات عضوية زي البنزين علي جزء غير ظاهر

يعني ايه ؟

يعني تجيب شوية بنزين و تيجي علي ركن مخفي في موكيت الارضية عليه اثار اللصق و تحط بنزين و تدعكه و تشوف ايه اللي هيحصل

لو نجح استني يوم و شوف هل لون الموكيت هيغير ولا لا ؟ هل هينضف فعلا ولا لا ؟

لو فشل ؟ جرب مذيب عضوي تاني او ابحث علي النت علي طريقة ازالة اللصق من علي الموكيت و هتلاقي طريقة بأذن الله

والله اعلي و اعلم

بالنسبة للخناقة اللي في الردود: بلاش يا جدعان نشوط في بعض كده كل الناس هنا داخلة تستفيد من بعض حتي لو حد رد عليك رد ناشف شوية راعي ان المنتدي مجرد كتابة فقط و انت مش شايف هو قصده ايه بالظبط بالرد ممكن يكون ميقصدشي انه يرد رد ناشف

**amr011111** · 08-09-2013 02:32 PM

المشاركة الأصلية كتبت بواسطة mitsukero

بالنسبة للخناقة اللي في الردود: بلاش يا جدعان نشوط في بعض كده كل الناس هنا داخلة تستفيد من بعض حتي لو حد رد عليك رد ناشف شوية راعي ان المنتدي مجرد كتابة فقط و انت مش شايف هو قصده ايه بالظبط بالرد ممكن يكون ميقصدشي انه يرد رد ناشف

يا فندم هوه دخل سأل سؤال وانا رديت عليه من وجهة نظرى وطبعا انا مش هستفيد اى حاجه من ردى عليه
المفروض ده شىء اشكر عليه
وانا بعد كده ولا اتخانقت ولا عملت انا بس قولتله اعتبرنى مردتش عليك ليس الا

انا براعى فى ردودى على اى حد ان اخد بالى اوى انى ردى ميكونش فيه حاجه تضايق وراجع مشاركاتى
وبالتوفيق