عاوز اتوقف

**Bossy_Fadl** · 19-09-2008 07:40 AM

ههههههههههههههههههههههه

بصراحه اغرب طلب اسمعه من اول ما دخلت المنتدي

هو بصراحه يمكن يكون حضرتك عندك حق شوية

بس يعني كل مشكلة و ليها حل

و مفيش مشاكل هتستمر كده للاخر يعني

و بعدين كل ما حضرتك تبقي بتقرا كلام يضايقك و تبقي عاوز ترد عليه

عد من 1 ل 30 الاول

و بعدين هتلاقي نفسك هديت

و لو يعني حضرتك لو لقيت انك عاوز ترد اوي يعني

ممكن زي ما الاستاذ قال تحاول تصلح الوضع بين الاعضاء

او تلطف الجو يعني

يعني

الكلمة الطيبة صدقة

و ربنا هيجازيك خير عليها

و بعدين ماحنا عارفين انك مش تقدر تبعد عن المنتدي خالص

و لا انت عاوز تعرف غلاوتك عندنا؟

استعذ بالله من الشيطان الرجيم

و ان شاء الله كل شيء هيرجع كويس مع الوقت

ربنا يصلح الاحوال و يهدي الجميع

المشاركة الأصلية كتبت بواسطة ams

بالمناسبه كنت عاوز اعرف يعنى ايه الرمز ده

؟
و يعنى ايه "كارما" ؟

بالنسبة للكارما

الكارما فلسفه بوذية

فلسفه الفعل و رد الفعل

ببساطة شديدة

يعني كما تزرع تحصد

اللي بيزرع خير مثلا بيحصده

و اللي بيزرع شر بيحصده

بوســـــــــي

**ams** · 23-09-2008 05:40 AM

المشاركة الأصلية كتبت بواسطة bosyfadl

و مفيش مشاكل هتستمر كده للاخر يعني

هى فعلا خلصت

المشاركة الأصلية كتبت بواسطة bosyfadl

و بعدين كل ما حضرتك تبقي بتقرا كلام يضايقك و تبقي عاوز ترد عليه

عد من 1 ل 30 الاول

كله الا حكاية العد دى جربتها زمان عشان النوم لقيتنى بوصل لارقام غريبه و مش بنام و استبدلتها بالاحلام لغاية ما تنام
ده غير انى بحب العد اصلا يعنى لما اخدت سنة اعدادى فى الفيوم وانا مش بعرف انام فى السفر غير اصحابى خالص بعد المره الخمسين يصبح الامر مملا بعض الشىء فكنت بعد ابراج الكهربا مثلا او كام دابه كده يعنى ....

المشاركة الأصلية كتبت بواسطة bosyfadl

بالنسبة للكارما

الكارما فلسفه بوذية

طب و الرمز ؟
ساعات بيجيلى خاطر ان الناس دى : بوذا و كونفوشيوس و زرادشت و امثالهم ممكن يكون منهم انبياء فعلا بس الناس حرفوا عنهم ؟!

**Bossy_Fadl** · 04-10-2008 11:21 PM

المشاركة الأصلية كتبت بواسطة ams

طب و الرمز ؟

ساعات بيجيلى خاطر ان الناس دى : بوذا و كونفوشيوس و زرادشت و امثالهم ممكن يكون منهم انبياء فعلا بس الناس حرفوا عنهم ؟!

الرمز ده اسمه الينج يانج

Yingyang

و ده بيعبر عن اعتقاد فلسفي ان في توازن عام في الكون

بين الخير و الشر

بين الاخذ و العطاء

بين الحرارة و البرودة

بين المرض و العلاج

بمعني اخر

لكل شيء في الدنيا قرين يعادله لايجاد نوع من التوازن

فهمتني؟؟؟