براابريز630cs 1977

**Maghraby1987** · 08-09-2013 10:40 PM

رجاله البي ام كنت عايز اعرف برابريز امامي 630 مديل 77 e24 اجيبه منين و في حدود كام؟

**MohamedGobran** · 09-09-2013 10:10 AM

ماشاء الله انت حضرتك معاك كنز ماشاء الله ماشاء الله :) :) من أحلى العربيات الى bmw عملتها اما بالنسبه للزجاج فحضرتك مش ادامك غير جريش و روح المصنع فى العاشر من رمضان متطلعش تانى كوبرى و خش يمين و هتلاقى المصنع باين من بعيد كده :) و لو مش عنده ممكن يعملك واحد بالطلب و برضو اسأل عند الثلاثى فى الحرفيين

**Maghraby1987** · 09-09-2013 10:24 AM

المشاركة الأصلية كتبت بواسطة mohamedgobran

ماشاء الله انت حضرتك معاك كنز ماشاء الله ماشاء الله :) :) من أحلى العربيات الى bmw عملتها اما بالنسبه للزجاج فحضرتك مش ادامك غير جريش و روح المصنع فى العاشر من رمضان متطلعش تانى كوبرى و خش يمين و هتلاقى المصنع باين من بعيد كده :) و لو مش عنده ممكن يعملك واحد بالطلب و برضو اسأل عند الثلاثى فى الحرفيين

الف شكر يا باشا علي الرد
هي عربيه واحد صاحبي مش بتاعتي شخصيا بس انا كنت بدور معاه علي شوية حاجاتها ليها عشان كان بيشدها و الحمد لله مش فاضل غير البرابريز بس
انا كلمت مصنع د.جريش في التليفون و للاسف قالي انهم اعدمو الاسطنبة بتاعت الموديل ده عشان قديم جدا
وكلمت الثلاثي قالي موجود ب 780 جنيه هل ده سعر عالي وللا معقول
و في كمان واحد في شارع السودان عند ميدان لبنان قاللي انه عنده بتاع الفئه السابعه القديمة و انه يركب عليها عادي و تمنه 600 جنيه
فا احنا بصراحه احترنا و قلت اسأل و حوش بي ام في المنتدي بما اني متابع اقسام اوبل و فور بحكم العربيات اللي عندنا في البيت
معلش طولت عليك و الف شكر :)

**MohamedGobran** · 09-09-2013 11:36 AM

بالنسبه للاسعار شئ طبيعى انك تلاقيها عامله كده علشان هو عارف ان العربيه دى نادره و ان الحاجات دى مش موجوده فتقدر تقول هو إلى ماسك سعرها و انت شوف و فاصل معاه و بالنسبه لبتاع الفئه السابعه اتأكد من كل حاجه فى المقاسات و درجه الميل و انك هتركبه على ضمانته و تجربته انه ميسربش هوا او يكون مش مظبوط و انا ممكن اساعدك فى حاجه تانيه ال Part number. بتاع البرباريز بتاع الفئه السادسه 51311839113 و بتاع الفئه السابعه نفس الموديل 51311840016 فشوف لو تقدر تقارن مقاسات و الحاجت دى بين الاتنين :)