بس انت بتقول معاك الإم 11 بتنصحنى ليه بالإمجراند بعيدآ عن الشكل خالص انهى الأحسن فى الأداء من رأيك و كعربيه انهى الأحسن ؟
عرض للطباعة
بص انا مسوقتش الايمجراند لكن الام 11 معايا بقالها سنة ونص ماشاء الله مفيهاش الهوا لحد ما قدر ربنا وعملت الحادث والحمد لله لقيت قطع غيارها كلها انا بنصحك بالايمجراند لو المشاكل اتحلت لانها كشكل احسن طبعا لكن لو المشاكل ماتحلتش اقدر اقولك لا غبار ع اداء ام 11 واعتماديتها وكمان حاجة مهمة اوى الاماااااااااااان بتاعها صاجها تقيل اوى ومحمل وعشان كدا العربية الامان بتاعها اعلى من اى امان ف عربية ف الفئة بتاعتها( اسال مجرب ولا تسالشى طبيب)
يا باشا لو ع الشكل احنا مش عايزين شكل احنا عايزين تور ونمكيجه ونزوقه :makeup: وطبعا الإم 11 ما شاء الله شكلها حلو طبعا و ادائها كعربيه مينفعش يتقال عليه كلام وموضوع الصاج ده فعلا أنا سمعته من كزا واحد معاه العربيه بس سيبك من الإمجراند هى خلاص مينفعش أى حد يفكر فيها فى الفتره دى خالص لآنها هتتعبه بمشاكلها رغم انها جديده فنخلينا فى المضمون أحسن فعلشان كده بقارن الإم 11 بالإنفى اللى مفيش حد عارف عنها حاجه خالص فمستنى أشوف مشاكلها علشان اعرف اقرر
مش عارف نصيحة قدام محدش اشترى الانفى وانتشرت بكثرة فممكن تلاقى مشكلة ف قطع الغيار او تلاقيها غالية لكن الام 11 انتشارها معقول فعشان كدا قطع غيارها كلها موجودة ورخيصة بص صلى استخارة وان شاء الله ربنا هيختارلك الصح انا عملت كدا ورحت جبت ام 11 والحمد لله انا متخيل لو كنت عملت الحادث بفيرنا مثلا مع احترامى ليها لانى كنت بقارن بينها وبين ام 11 كنت زمانى انتهيت فالحمد لله ع توفيق ربنا ليا بالاختيار دا فصلى الاستخارة وان شاء الله ربنا هيرشدك للاصوب
فعلا استاذ ميدو الايمجراند جنب الام 11 هتبقى سلحفاة ماشاء الله سحب واداء الام 11 ممتاز
العربيتين دول بيفكرونى بالأليزيه وال301
اللى طلعنا منهم ان متشتريش اى عربية جديدة محدش جربها
واتعرفت عيوبها زى مابقى الافضلية للأسد البيجهاوى
احنا عرفنا عيوب الايمجراند
فاضل بس عيوب الانفى
اللى بنتمنى تبقى حاجات خفيفة متتقارنش وقتها مع الايمجراند
بدل ماحرام الشعب كله كل شوية ياخد ...... فعربية جديدة ومبيتهناش
وبردو زى الصنى الشكل جديد كانت عجبانى والحمدلله مبعتش بتاعتى وجبتها
الافادة لاااااااازم نصبر لحد متنتشر فعلا
وعزاءنا فاللى حيجرب ونعرف منه ياتطلع حمرا ياقرعة
من الاخر محتاج تريح دماغك خليك فى m11
بص يا باشا بمناسبة الفتى انا باهرج
انا راى استنى شوية لحد لما تتعرف عيوب الانفى لانة بصراحة كلنا شاقينين على القرش و بخصوص m11 يعنى اعتقد انة موديل قديم شوية بالمقارنة بالايمجراند و ام 11 انا فاكر صديق لى صيدلى فى شركة كان كارة الام 11 جدا جدا وقال لى عاوز اكتب عليها اسوا سيارة جمعت فى مصر بالرغم انة فى بداية شرائها كان مبهور بها وكان سبب فى شخصين اشتروها ومن فترة رحت للميكانيكى لقيت عندة 2 سيارة ام 11 وعندما سالتة عليها حذرنى منها جدا
وطبعا عيوب الايمى موش بس لمبة الشيك دة التكييف و الطنابير والدوكو سئ جدا جدا والكاسيت وبكرة الكرسى واحدهم اشتكى من اسطوانة وطبعا فبرة التنك هى كشكل وفخامة رائعة ولكن مع كل المشاكل حتى لو بسيطة تمثل حرق دم فى عربية زيرو التى من المفروض تعمر 5 سنين بلا مشاكل غير الصيانة الدورية
اهو دية الحيرة التى اغلبنا فيها ماذا تشترى وطبعا ملحوظة صغيرة اليس من المفروض سعر الايمى يرخص بعد استقرار الدولار يعنى هبط على الاقل 15 % اليس مفروض تهبط سعرها بنفس المقدار و لا اية
للاسف مفيش حاجة في مصر بترخص وغريبة قليل اوي لما بسمع حد بيشتكي من الام 11 و التجار مخلوش قدامنا عربيات غير الصيني علي قد فلوسنا ممكن اة نجيب كوري زي الفيرنا او اللانوس او حتي الاوبترا الي وصلت 107 الف بس مفيهمش وسائل امان عشان كدة بنتجة للصيني وكل واحد وحظة بقةومعا احترامي طبعا للصيني بس لسة قدامة شوية عشان يبقي في مستوي الكوري
فعلا مش كتير بيشتكى من ام 11 كلها حاجات بسيطة من الاستخدام يعنى معايا سنة ونص ماشاء الله تمام فين المشاكل الكتير دى ياريت نسال الملاك بتوع العربية ومش مجرد نشوف عربية عند الميكانيكى يبقى العربية وحشة مجايز يكون سوء استخدام
فعلا والله لو مش عارف حاجة يقولك يخربيت الصينى عشان مشتغلش فيها وميعرفهاش يعنى لو معاك كيا مثلا وبرضة مشتغلش فيها يقولك الفيرنا احسن من الكيا ازاى ياعم الحج بس
حصل معايا موقف الكهربائى اشتغل ف العربية وجة يعمل حاجة معرفش اخر مزهق قال وديها التوكيل امال انا جيلك ليه عشان تقولى كدا وبعديها يقولى اصل الصينى معقد طبعا دا جهل مش تعقيد ولا حاجة
لا مش تكنولجيا بس احب اغيظ اى حد بيكرة الصينى واقولة الاسبرانزا اعتمادية جدا جدا
بينى وبينك انا اما حصلتلى الحادث قولت خلاص كل سنة وانتا طيب عربية صينى وحادثة خلاص انتهت وكنت بفكر اجيب مكنة لانسر وعفشة لانسر واعيش بقى دوامات مع العربية من الرعب اللى بيصدرة الناس اللى مركبتش الاسبرانزا لكن بعد التجربة والواقع الحمد لله العربية بدات اشتغل فيها واغير الحاجات اللى باظت وجيت ادور وامشى المفجاة
ماشاء الله هوا انتى طالعه من حادثة العربية بحالة قبل الحادثة ومفيش اختلاف لا ف سحب او اداء او اى حاجة مكنتش مصدق نفسى والله قلت العربيات دى مظلومة ويقولك الصينى ورق وميستحملش بجد ..........
الكبيوتر كاتب 7.8 لتر لكل 100 كم لكن الفعلى اللى بمشى بية حوالى 9 لتر بس انا كل مشى ف المدينة وزحمه والاول والتانى كتير طبعا دا بيفرق ف الاستهلاك فانا شايف ان استهلاكها كويس جدا ومعقول جدا الحمد لله
انا كنت رايح اشتري الجيلي ايمجراند دالوقتي بقيت محتار والله :( اعمل ايه طيب
اسمع فيها مشاكل كتير بس بامانة انا مجربتهاش انتا ممكن تتاكد بنفك اسال كام واحد من ملاكها
احكيلك قصة بمناسبة الحيرة انا اما كنت ناوى ع ام 11 كنت محتار بينها وبين البى واى دى اف 3 وكل اما اشوف واحدة اقول خلاص هجيب دى وكنت محتار جدا كل يوم براى وكل يوم بعربية
لحد ما كنت ف مشوار ولقيت واحد بيركن ام 11 رحتلة هيا حركة مش لطيفة بس هنعمل ايه عاوزين نطمن رحت كلمتة باحترام وعاوز من حضرتك سؤال كدا عن العربية الراجل طلع زوق جدا وادانى الكارت بتاعه ونزل من العربية وفرجنى عليها وقالى دى تمام بيقولى مغيرتش مسمار من ساعه ما جبتها بصراحة هوا اقنعنى بيها وتانى اسبوع كنت حجزتها فنصيحة انزل واسال ملاك الجيلى وقولهم ع المشاكل لو اجمعوا انها فعلا كلها مشاكل خلاص شوف اختيار تانى مش هتروح ترمى فلوسك ف عربية زيرو فيها مشاكل حتى لو شكلها شكل البى ام حتى دا رايى