كنت عايز أعرف ايه العيوب اللى موجوده فى العربيه واللى الناس لاحظتها لما جربتها أو من كلام موثوق منه
انا بسأل عن العيوب وبس
تم تعديل المشاركة
عرض للطباعة
كنت عايز أعرف ايه العيوب اللى موجوده فى العربيه واللى الناس لاحظتها لما جربتها أو من كلام موثوق منه
انا بسأل عن العيوب وبس
تم تعديل المشاركة
أنا طريقتى عاديه جدا و دى وجهة نظر حضرتك وانا احترمها أنا بس كنت بأكد على الناس اللى بتدخل تقولك ده فيها كزا و كزا وميكونش جربها أو جايب الكلام من عنده علشان انا دلوقتى بعمل مقارنه بينها و بين الإم 11 و عايز كلام مظبوط 100% و صح علشان مندمش على فلوسى بعد كده وعموما لو طريقتى غلط بعتذر عنها و هكلم المشرف يعدل الموضوع :)
هههههههههه
معاك البعض بينفخ في عربيته يصورها علي انها مفيش قبلها ولا بعدها
وهي اصلا عربيات
شعبي وموجههه لدول العالم النامي
علي العموم ماظنش هاتلاقي حد يديك الفايده في الانفي
مالهاش ولا تقرير في القسم من حد امتلاكها
كل نقل من المواقع
انما ال ام 11 خد لك لفه في المواضيع القديمه
هاتلاقي كل اللي عايز تعرفه عنها
انا لسه شايفها النهارده علي طريق الاسماعليه
كانت ملاكي شرقيه
كل اللي اقد ر اقولك عليها
تصميمها من الخلف ما عجبنيش
الا ام 11 احسن
الإم 11 تقريبا عرفت عنها كل حاجه :D ناقص كده انى اعرف المشاكل اللى فى الإنفى و أقارنها بالمشاكل القليله اللى فى الإم 11 وأشوف انهى اللى مشاكلها أقل و بسيطه و أقرر أنهى الأحسن علشان دى فلوووووس مش جنيه بيتدفع فى عربيه :no: والإنفى دلوقتى عامله زى البطيخه يا تطلع حمرا يا تطلع قرعه ونفسى بصراحه تطلع حمرا :46[1]: و ربنا يبعد غن الفتايين والنافخين :049:
هو المشكلة ان الانفى قليلة شوية مابشوفهاش الا نادرا مش عارف حاسس انها مابعتش زى الاميجراند ماشية معاهم حلاوة بالرغم ان فيها عيوب تصنيع بس التوكيل محترم ومراعيهم ف العيوب وبيحاول يظبطها
معاك ان الإمجراند عربيه فى الشكل والإمكانيات روعه بس مشاكلها دى هى اللى مرجعاها لورا وسمعت فين كلام ان التوكيل بتاعها بيحاول يظبط المشاكل دى ؟ ياراجل اوعى تصدق الكلام ده :grinder: ده كفايه ان موديل 2014 نازله بنفس العيوب يعنى مفيش تغيير او اهتمام من الوكيل
هو اللى موجود ف المنتدى التقرير بتاعها
http://www.nilemotors.net/Nile/363153-2013.html
هو الصراحة عندك حق اول مرة اشوف عربية فيها العيوب دى ولسة خط الانتاج شغال على ودنه عشان يعمل دفعات كمان وكمان بنفس العيوب طب وقف خط الانتاج وشوف عيوبك وظبط عربيتك وبعدين كمل ع الاقل هيطلع عليك سمعه محترمة انك وقفت الانتاج عشان العربية مش تمام وبتراجع عليها بدل مااحط دم قلبى ف عربية اتفاجئ بان لمبة تشيك انجن نورنت بعد شهر
العربيه دي تقريبا تجميع صيني مش مصري
مش فاهم ازاى لسه بينتجوا منها لغاية دلوقتى المشكله ان مفيش بيع ومبيعاتها واقعه و لسه بينتجوا منها وبنفس المشاكل !!!! ومليانه مشاكل مش لمبة التشيك انجن بس !! و التوكيل صيانته مش كويسه وكل ملاكها بيشتكوا منها والمشاكل دى لو ماتعدلتش يبقى الإسبرانزا هتديها بالجزمه و هتبقى اختيار كل اللى فكر قبل كده فى الإمجراند وبالذات لو الإنفى نجحت فى السوق لأنها فيها معظم اللى الناس عايزاه فى العربيات وبسعر كويس واقل من الإمجراند
طالما الناس ماتعرفش عنها حاجة يبقى توكل على الله ف الm11 او ال m12 واهى شيك اوى برده والاتنين فيهم من الاوروبى اصل انا ماروحش اشترى عربية محدش يعرف عنها حاجة الانفي انظلمت علي حساب الجيلي ايمجراند اللي مليانه مشاكل
للاسف الانفي ماشفتهاش نهائي في الشارع عندى غير مرة يتيمه ياخسارة عربية محترمة لكنها مانتشرتش وده بيشكل قلق لاى حد ناوى يشتريها
انا لسه لغاية دلوقتى مشوفتهاش خالص وده قالقنى شويه منها بس كده كده السوق واقف اليومين دول والإمجراند انا لما عديت من ادام توكيل جيلى اللى فى أحمد عرابى لقيت العربيات عليها كمية تراب كأنها بقالها سنين مركونه ده معناه ان مفيش بيع او اهتمام من التوكيل بالعربيه خااااااااااالص
صديقي المواطن حلا لمشكلتك البسيطة بدل متسأل وتتعب نفسك أروح آخد الحقيقة في حموتها أطلع الصبح بدري على صيانة إسبرانزا في أبو رواش وأي مواطن داخل يصلح اﻹنفي كلمه بطريقة حلوة زي آسف تسمحلي أسألك سؤال مش من حقي بس أخوك مزنوق وتعبان ممكن تنقذني وتكلمني عن عيوب العربية تلاقيه حيرصلك كل مشاكل العربية وحيزود من عنده حبة شتايم في التوكيل بص أنا حنصحك نصيحة لمالك كذا ماركة عربية إنسى خالص ال إم 11 وال إم 12 حيجيلك يوم بعد فترة حتلاقي نفسك لوحدك بس في الشارع راكبها ومش حتعرف تجيب قطع غيار إسبرانزا الناجح عندهم ال 620'والتيجو وال 113 وعلى فكرة ال 213 كانت كويسة بس منتشرتش لضعف الدعاية وغلط في التسعير وال 516"نجحت ﻷنها نزلت تكسي فساهم في توفير قطع الغيار التجاري ولكنها لا تنجح من غير متغيرلها مكنة وفتيس
ولو إنت مصر تشتري صيني غير ال 620 وغير عربيات بريليانس فخد اﻹمجراند 7 رغم كل العيوب اللي سمعت عنها إلا إني بنصحك حسبة لله تعالى اﻹمجراند ليها خط إنتاج وحاجتها كلها حتنزل تجاري وإبتدت حاجات تنزل وحتلاقي لما تفكر تبيع حد يشتري بس الإنفي مش حتنتشر وال إم 11 مقدرتش تعيش اللحظة وده الفتي بتاعي اللي إنت متحبش تسمعه ودمتم للنضال
يا جماعه هو انتوا كلكوا ماسكين فى كلمة الفتى دى ليه انا آسف بس دى حقيقه فى ناس بتقول حاجات بمجرد بس انها سمعت عنها ومن غير ما يتأكدوا منها أو لمؤاخذه فى الكلمه يفتوا من عندهم من غير خبره أو أى معلومات صح وعموما أنا بلغت المشرف انه يعدل الموضوع و يمسح السطر ده خالص
نرجع تانى لموضوع الإنفى للأسف انا بالنسبالى أبو رواش سفر لأنى فى الجيزه (امبابه) فالبنسبالى سفر بس هى طبعا فكره كويسه للى يقدر يعملها لكن للأسف انا مش هقدر فعلشان كده بسأل أهل الخبره أو ملاك العربيه عن العيوب وأتمنى انهم يفيدونى و موضوع إنى أنسى الإم 11 علشان قطع غيارها هتغلى وهبقى لوحدى اللى راكبها بص انا بتفق معاك فى الموضوع ده ان هى بعد فتره قطع غيارها مش هتبقى متوفره غير فى التوكيل وبأسعار عاليه وانى ابقى لوحدى اللى سايقها ده صعب شويه لأنها عربيه كويسه جدا بالنسبه لسعرها وحتى لو بقيت لوحدى اللى راكبها دى حاجه جميله خالص :d أما موضوع الإمجراند ده انا حابب العربيه جدااااااااااااااااااااا بس مفيش حد بيحب يجيب عربيه زيرو يكون فيها مشاكل واول مايجيبها تقرفه بس عموما انا متابع اخبارها ولو لقيت ان المشاكل اتحلت أو التوكيل ابتدى يهتم بالمشاكل دى و خدمة العملاء بتاعة الإمجراند اتحسنت ان شاء الله أول حاجه هفكر فيها الإمجراند
للاسف مش هتلاقي حد يفيدك هنا عن الانفي لان محدش في المنتدي اشتراها
مش لازم يكون اشتراها على الأقل جربها او سمع عنها كلام متأكد منه
و عرفت عنها مشاكل بس طبعا مش متأكد منها بس لو فكرنا فيها هتبقى صح
يعنى موضوع السحب فى الإنفى ضعيف علشان العربيه 1500 cc وحجمها أكبر من ال 516 رغم ان ال 516 موتورها 1600 وناس كتير اشتكت من السحب فيها ما بالك اللى أكبر منها و موتورها أقل !!
ده اللى عرفت أوصله من عيوب بس ده عيب كبير و مش حلو طبعا لأنها كده هتبقى سفاحة بنزين بسبب وزنها على سعة الموتور القليله بتاعها اللى الحجم و الوزن أكيد هيأثر عليه
المحرك ال 1600 بيخرج 117 حصان و المحرك ال 1500 بيخرج 109 حصان وحجم الانفي من الداخل اصغر من ال 516 لاكن اصبحت اعرض حاجة بسيطة و اطول حاجة بسيطة و الطول في الكبوت قدام و الشنطة ورا وضيقو المساحة الداخلية للكبينة شوية ومحرك الانفي بكامة علوية واحدة ودة معناة محرك اقتصادي جدا في البنزين لاكن معا حجم العربية في اعتقادي الشخصي ممكن يكون استهلاكة زي المحرك القديم 7 لتر * 100 كيلو
انامستغرب من رد الاخ صدام
ازاي يعني مش هايلاقي قطع غيار لل ام 11
هي العربيه بتزيد ولا بتقل
هو للأسف فعلا زى ما ميدو قال أبو الفتوح مش عاملها دعايه كويسه مع إنها عربيه ممتازه وقويه جدا وادائها ممتاز فلو استمر على كده اكيد المبيعات هتقل وقطع الغيار سعرها هيزيد انا مش هلاقيها دى ممكن يكون قصده عند الحرفيين لكن هتبقى موجوده فى التكويل طبعا بس بسعر عالى مع إنها فى رأيى أحسن عربيه اسبيرانزا عملتها بعد التيجو الجديده طبعا واللى الكل بيشكر فيها
ياباشا انا من ملاك ام 11 وعملت بيها حادث وكنت طبعا محتاج قطع غيار كتير جدا وبسيطة ومعقدة من اكصدام لشاسية لفبرة لكبوت لللللللللل حاجات كتير اوى ورغم ذلك كل حاجة متوافرة وانا من المنصورة كمان مبالك لو نزلت مصر بقة والحمد لله جبت جميع قطع الغيار من هنا فمتقلقش من موضوع قطع الغيار للام 11
اما بالنسبة للحيرة انا لو مكانك هشترى الايمجراند مع ان فيها مشاكل بس هستنى شويه جايز العيوب تتحل اصلها بصراحة شكلها جامد جدا اجمد عربية ف الفئة دى بدون منازع
انا عارف انها مش شكل وبس بس اكيد العيوب دى هتتحل ان شاء الله اكيد غبور مش هيفضل ينزل العربية كدا ع طول والا فعلا ساعتها محدش يشتريها بس يبقى غلطان دا لو حل المشاكل دى العربية دى تبيع اكتر من اللانسر بس اما نشوف احسن حل انك تستنى شويه معلشى لو الاصرار ع عدم حل المشاكل اكيد طبعا هتفكر ف حاجة تانية
اعتقد انى لو اتنيت هستنى كتير لأن موديل 2014 اللى لسه نازل نزل بنفس المشاكل من غير تغيير فمعنى كده ان مفيش أى اهتمام من التوكيل للعربيه و دى غريبه !! لأن العربيه الكلام عليها كتير ولو كويسه هتحقق أعلى مبيعات تانى لأسباب كتير
وعلى فكره انا ممكن اتغاضى عن المشاكل دى و أبلعها بس ده فى حالة لو التوكيل كويس وأول لما الاقى حاجه اروحله و يصلحها لكن اللى بسمعه من اللى معاهم العربيه انهم مش مهتمين خالص ولا بالعربيه ولا بالعملاء يعنى العربيه فشلت خلاص