كان نفسي اجيب عربية للخضار وطلبات بنتي الصغيرة

من كام يوم كده لقيت معرض عربيات كبير قولت لما اخش العب جوه في العربيات المهم لاقيت عربية حلوة وصغيرة
قولت بس هي ده العربية اللي في بالي
اجبلي منها اتنين تلاته اخليهم احتياطي عندي
اهو اروح اودي البنت الحضانة واجبها من الرحلة اركبها مع اصحابها في العربية ومقلقش علي العربية لو اتبهدلت وارمي جواها العجلة بتاعتها بدل ما انا طالع نازل بالعجلة كل يوم عامل زي بتاع الديليفري وبرده اخد العربية اجيب بيها طلبات البيت من خضار وفاكهة احط الكلب بتاع مراتي في العربية واروح افسحه ولو عمل بيبي في العربية مش مشكله بدل ما انا عمال افرشله ملايات وسجاجيد في عربيتي واقعد كل يوم انضفها وارشها بارفانات عشان ريحة الاستاذ البوبي وبرده اديها لمراتي تلعب بيها وتقابل بيها صاحبتها الفاشلين
والعربية لا هتستهلك بنزين ولا تكون غالية اخاف عليها ومش هتاخد مكان في الركنة ده انا ممكن احطها في شنطة عربيتي او حتي اركنها في مدخل العمارة ناديت بتاع المبيعات خد هنا يابرنس احجزلي ٢ من ده
اللون واحدة اسود عشان مراتي وواحد احمر عشان البنت بتحب اللون الاحمر
قولتله جهز عربياتك واديني رنه اجبلك شوية الفلوس
قالي اوك يا فندم بس تعالي اقولك علي تفاصيل العربية قولتلوا ياعم مش مستهاله هي حجمها بيكلم عليها
وجابلي واحد لمون
وقالي العربية معاليك نوعها سيتروين ds3 ماتور ١٦٠٠ سي سي بتاع ١٢٠ حصان تمنها ١٨٠٠٠٠ جنية
قولتله حساب اللمون كام
يا عبد البر يا عبد البر انت فين يا راجل

الموضوع كوميدي ساخر هدفه التعجب من الاسعار الخرافية الي وصلت ليها العربيات في السوق المصري ولا يقصد من هذا الموضوع السخرية من السيارة بالعكس العربية حلوة جدا وتقفيلها نظيف وخامات محترمة وهي اصلا كوبية وشكلها شيك بس لما قارنتها باسعار زمان لما كانت ١٨٠٠٠٠ جنية اجيب بيها باسات ولا سيفك ولا جيتا
فاكرين لما الهوندا سيتي كانت ١١٣٠٠٠ جنية ولا البي ام ١١٦ كانت ٢٤٥٠٠٠ جنية وكانت النيسان اكس ترايل ٢٢٥٠٠٠ جنية فاكرين لما البيكانتو كانت تقريبا ٦٥٠٠٠ جنية والهيونداي اي ١٠ كانت ٦٢٠٠٠ جنية
ده ١٨٠٠٠٠ جنية دول احط عليهم كمان مائة الف وانزل اجيب الفولفو الجديدو ولا الميرسيدس a200 الجديدة ولا الرانجلير
انا مدخلتش لسه في المستعمل
ربنا كريم ويهدي الناس للصواب ويرحمنا من جشع التجار والمحتكريين

ههههههههههههههههه موضوع جميل والله اهم حاجة فية انك دفعت حساب الليمون

هههههههههههههههه هههههههههههههههه تسلم ايدز علي الموضوع
السوق المصري مزودها حبتين

اقتباس:

---

المشاركة الأصلية كتبت بواسطة janagabr

ده ١٨٠٠٠٠ جنية دول احط عليهم كمان مائة الف وانزل اجيب الفولفو الجديدو ولا الميرسيدس a200 الجديدة ولا الرانجلير

---

خليني أزيد الطين بله وأقولك ان الفولفو الجديده ب 299 و 334 والمرسيدس a200 ب 298 لحد 408 أما رانجلر فبقت ب 299

انا كنت عند سمير ريان امبااااارح وعلشان تشترى عربيه اوربى او يابانى او كورى اللى سعره غالى اوى هتشترى مش باقل من 175000 الف جنيه كاش ولسه لو هتقسط بجد بقت حاجه تقرف وتعقد (بس العربيات حاجه تهبل الاسترا ولا الكورولا والمازدا 3 وسيراتو )

موضوع جميل ................... والعرض شيق واسعار السيارات مبالغ فيها ناااااااااار .

العربيات سعرها ثابت بس الجنيه هو اللي واكل زفت.....
100 جنيه امبارح غير 100 النهاردة..
تحياتي

Sent from my Xperia Arc S using Forum Runner

سيبك من العربيه اخبار الليمون ايه هههههههههههههههه موضوع جامد والله

اقتباس:

---

المشاركة الأصلية كتبت بواسطة ahmed_adham

خليني أزيد الطين بله وأقولك ان الفولفو الجديده ب 299 و 334 والمرسيدس a200 ب 298 لحد 408 أما رانجلر فبقت ب 299

---

بنسبة لموضوع الرنجلر دى كانت اول ما نزلت ب 215 او 220 وكان الى بيروح ياخدها كان بياخد ترخيص 3 سنين ببلاش ومعا صيانة ببلاش بردو ل 100000 الف كيلو
دلوقتى ب 300000 والى عاجبو والى مش عاجبو يخبط راسو فى اقرب حيط:33:

اسلوبك ف الكتابة ممتع

ربنا يخليكوا الجمال هو جمال ردودكم
ولكم جزيل الشكر

من احلي المواضيع اللي قراتها ... فعلا اسلوب فكاهي جميل لعرض المشكلة .

عجبنى شرح حضرتك جدا ههههه و الاسعار بجد بقت حاجه استهبال

اللمون بكام

اقتباس:

---

المشاركة الأصلية كتبت بواسطة ahmed opel

انا كنت عند سمير ريان امبااااارح وعلشان تشترى عربيه اوربى او يابانى او كورى اللى سعره غالى اوى هتشترى مش باقل من 175000 الف جنيه كاش ولسه لو هتقسط بجد بقت حاجه تقرف وتعقد (بس العربيات حاجه تهبل الاسترا ولا الكورولا والمازدا 3 وسيراتو )

---

مازدا 3 2014 والا 2013؟ المفروض حينزل شكل جديد فى 2014، هل وصل؟ و يا ترى سعرها ايه؟

الأسترا تكتسح بصراحة بس عيبها ضيقة شوية، بس عربية ممتازة ...

المهم بعد ما دفعت حساب اللمون
رجعت البيت شربت قهوه ساده ولاأيه؟
فعلا اسعار مش راكبه على العربيات خالص
اسلوبك راق وشيق:babypubh:

اقتباس:

---

المشاركة الأصلية كتبت بواسطة janagabr

وبرده اخد العربية اجيب بيها طلبات البيت من خضار وفاكهة احط الكلب بتاع مراتي في العربية واروح افسحه ولو عمل بيبي في العربية مش مشكله بدل ما انا عمال افرشله ملايات وسجاجيد في عربيتي واقعد كل يوم انضفها وارشها بارفانات عشان ريحة الاستاذ البوبي وبرده اديها لمراتي تلعب بيها وتقابل بيها صاحبتها الفاشلين

---

ههههههههههههههههههههههههه أنت فصلتني ضحك بجد بعد يوم طويل,, :grinder: :C_laugh[1]:
وكأنك بتوصف واحد صاحبي بالظبط, بيقول نفس الكلام دايماً وبنفس الطريقة ونفس التفكير عايز يجيب عربية صغيرة عشان مشواير السوق وخروجة الكبل, وأفتكرته من كلامك.

اقتباس:

---

المشاركة الأصلية كتبت بواسطة leitosr

ههههههههههههههههههههههههه أنت فصلتني ضحك بجد بعد يوم طويل,, :grinder: :c_laugh[1]:
وكأنك بتوصف واحد صاحبي بالظبط, بيقول نفس الكلام دايماً وبنفس الطريقة ونفس التفكير عايز يجيب عربية صغيرة عشان مشواير السوق وخروجة الكبل, وأفتكرته من كلامك.

---

تسلم يا كبير اهو اهم حاجة نضحك بدل ما يجيلنا الضغط

بس بقولك ايه اللمون عندهم في تلج ولا ايه هههههههههههههههه

ههههههههه اغلي لمون فالعالم

جزاكم الله كل خير
وربنا يتوب علينا من الاستغلال والجشع
والدولار بينزل اه لما نشوف الاسعار هتنزل ولا التجار هيطلعوا بحجج تانية