قدر الله و ما شاء فعل
ربنا يصبرك
MMamdouh
عرض للطباعة
قدر الله و ما شاء فعل
ربنا يصبرك
MMamdouh
كلام جميل وربنا يبارك فيك
انا انصحك انك تراجع نفسك لأن دي وقفه وكله بقدر الله وكل شئ مقدر له
فلازم تستفيد من هذا الدرس
حتى لو مش غلطان فده مش الموضوع
ولكن الموضوع انك يقدر لك ذلك
وانصحك بكثرة الأستغفار خصوصا اننا في شهر كريم
رحمنا ورحمك ورحم المتوفى و جميع موتىالمسلمين
الحمد لله علي كل حاجة
و حمد الله علي سلامتك....ربنا يصبرك و يقدرك تعدي المشكلة دي على خير
تذكر دائما ان ديه تجربة من عند الله...و ربنا عمره ما بيسيب حد أبدا
يا باشا إنما الاعمال بالنيات وانت نيتك مكنتش هتجري
وده نصيب ومكتوب
وربنا هيرزقك بالمخرج والحل الي يرضي اهله ويرضيك
استغفر الله وادعي ربنا كتير وهو هيريح الجميع
"لا حول ولا قوة الا بالله العلى العظيم , لا حول ولا قوة الا بالله رب العرش العظيم"
أخى ده دعاء فك الهم والكرب حاول تكثر من تلاوته ليل ونهار وان شاء الله ربنا يفرج همك عن قريب
وربنا يرحم المتوفى ويصبر اهله
الاخوة كلهم قالوا راضى اهله وانا باقولك ان فيه دية واجبة شرعا لازم تدفعها لورثة المتوفى لان ده اسمه قتل خطأ حتى لو مش انت غلطان وانت فعلا مش غلطان لكن يا اخى مصيبة الموت مفيش بعدها مصيبة ورب العزة هو اللى قال كده والنتيجة النهائية ان الراجل مات ودى مصيبة كبرى لاهله ومن حقهم الدية وانصحك تسال فى دار الافتاء عن مبلغ الفدية ده قد ايه لانه بيختلف حسب سن القتيل وربنا يصبرك
قدر الله وما شاء فعل بس عليك كفارة وهي صيام شهرين متتابعين
ربنا يكون في عونك
وعون اهله ويرحمه ويغفرله
القتل الخطاء بيترتب علية كفارة و دية
الكفارة: هى اعتاق رقبة او صيام 60 يوم متتابعة
الدية: حسب ما قيل لى فى دار الافتاء هى ما يوازى 3.75 كيلو ذهب (بتاع 460 الف جنية) و لو ممعكش يبقى تقسط على 3 سنين
طبعا انا لو عملت قرد مكنتش حعرف الم عشر المبلغ دة اساسا فا فضلت اسال و ادور لحد ما الاخوة الافاضل قالوا ان دى بترجع لتراضى اهل المتوفى و قدرتك المالية... يعنى مينعش ان يبقى الملغ دة فرض عليك و تضطر تسرق عشان تدفعة... اللى ربنا يقدرك عليه ادفعة
و فيه راى تانى قال ان التامين الاجبارى بيدفع لاهل المتوفى تعويض فى الحالة دى و بالتالى بتكون عوض عن الدية و انت متتحملش حاجة منها
و ناس فى السعودية قالوا ان مبلغ الدية هناك هو 100 الف ريال فقط و بتتحدد قيمة الدية الواجبة على الجانى حسب نسبة خطائة... يعنى لو نسبة خطائك فى الحادث 40% تدفع 40 الف فقط و لو مكنتش غلطان اصلا زى حالتك دى يبقى معليكش حاجة اساسا
عموما استفتى قلبك و اعمل اللى ربنا يقدرك عليه و هون عليك...
اهم حاجة دلوقتى تجيب محامى كويس يتابع القضية و متديش حد فلوس الا لما يتنازلوا و يمضوا على كدة فى الشهر العقارى عشان متخشش فى الحوارات اللى انا وقعت فيها
MMamdouh
ربنــا معـــاك
ده قضاء وقدر وربنا يصبر أهله
انا حصل لى نفس الموقف بالظبط سنة 90 و بنفس التفاصيل و القضية اتحولت لمحكمه ، عملت تصالح مع اهل الولد و دفعتلهم دية اتفقت معاهم علي قيمتها و حطيت الورق بتاع التصالح مع ورق القضية - ساعتها خدت حكم ب 100 جنية غرامة و 6 شهور مع وقف التنفيذ و ما كنتش غلطان ولا لى ايد فى الموضوع خالص - الحادثة دى كانت فى المكان اللى فوق نفق الازهر فى صلاح سالم و كان الولد ناطط من السور الى فى وسط الشارع و تحت كوبرى عبور المشاة كمان.