الموضوع: أنا عملت حادثة وصدمت شخص

معلش يا جماعة
بس انا قولت لازم احكي الموضوع دة عشان الناس تاخد بالها بس

الموضوع من الاول
يوم الاربعاء نازل من نزلة كوبري اكتوبر الساعة 30 3 بالليل النزلة بتاعة مدينة نصر (النصب التذكاري المتجة الي رابعة وعباس العقاد)
مش السادس
اول ما نزلت النزلة علطول طبعا الدنيا فاضية ومفيش حد بيعدي من الحتة دي اصلا
لأنة في كوبري مشاة علي بعد 50 متر وسور حديد بطول الطريق لحد النصب التذكاري
طبعا حضراتكم عارفين الحتة دي عاملة ازاي في العادي فما بالكم الساعة 3 الصبح في رمضان
والطريق دة اصلا بعد النزلة 6 حارات

المهم كان فية عربية لانسر جانبي علي الشمال وانا كنت علي اليمين
مرة واحدة لقيت الانسر بيقف جامد وواحد طلعلي مرة واحدة من تحت الارض
اتاري بتاع اللانسر كان حيدوسة قال راح ناطط من عند اللانسر الي حارتي
طبعا انا مشوفتش اي حاجة حتي ولا لما كان حيدوسة بتاع اللانسر ولا شوفتة وهو بيعدي ولا اعرف هو عدي ازاي من السور الحديد اصلا
اللي في نصف الطرق لانة كان جاي من ناحية السور اللي في نصف الشارع
المهم طبعا انا لقيت حاجة بتنط عربيتي البعد بيني وبينة ميكملش كام 300 سم
انتوا متخيلين مش متر لا سم
طبعا انا زوهلت كدة للحظة ومكنتش عارف دة انسان ولا عفريت ولا طلع منين اصلا
المهم الراجل شافني اتخض طبعا ومجريش حتي ثبت في مكانة
جربت اجي يمين واخبط اللنسر جة معايا شمال معايا
روحت خبطة من غير ما ادوس ولا نقطة فرامل بسرعتي
لاني طبعا ملحقتش اعمل اي حاجة غير النجربة دي
اني افاديها لكن الفرامل كان استحالة حتي لو كانت راكب بورشة
طبعا اول ما خبطتة مكنتش مصدق نفسي طبعا
ومش عارف دوست فرامل وبنزين وانتظار وماشي مش شايف حاجة من الزجاج المكسر
لاني كنت متأكد ان الراجل كدة كدة حيموت طبعا الاعمار بيد الله
بس الخبطة جامدة اووي
المهم كام ثانية كدة عقبال ما جمعت عقلي ووقفت كدة والعربية ولقيت في عربيات كتير اوووي
جاتلي انا قولت طبعا عشان فاكرني حا جري وكدة ويجروا ورايا وياخدوا النمر والكلام دة
لقيت العكس تماما اول لما وقفت الشاب بتاع اللانسر قالي يابني امشي انت مش غلطان امشي يابني
واحنا بنطلبلوا الاسعاف ولقيت نفس الكلام من كل العربيات اللي وقفتلي وواحد قالي لو انت مكنتش خابطة
انا كنت خاخبطة جنبك علطول
طبعا انا كنت في وقت لو حد قالي ارمي نفسك في البحر حارمي نفسي
ربنا ما يوريكوا احساس الموضوع دة

مشيت شوية ووقفت وكلمت صحابي
اول ما قبلتهم قالولي اطلع علي القسم
كلوا قالي اطلع علي القسم
لاني ساعتها كانت دماغي واقفة عن التفكير
ولقيت ان النمر بتاعتي واقعة قولت اكيد وقعت في الحادثة
قولتهم انا حاطلع علي القسم وحد يروح يجيب النمر عشان محدش يقول اني هربت ولا كدة
ويروح بنمر بتاعتي علي القسم
صحابي راحوا فعلا ولقوا الاسعاف بتشيل الراجل
وجابوا النمر وكذا واحد قالهم احنا شاهدين معاكوا
وخدوا نمرة واحد بس وكمان بكلمة موبيلة مقفول علطول
وطلعت علي قسم اول مدينة نصر قالولي لا قسم تاني
ولقيت واحد صاحبي قفش مع راجل معاة كرولا عند القسم عشان عايز يعمل فية محضر ان انا هربت
قالوا هرب اية ماهو قدامك اهو
قال مليش دعوة انا رايح اعمل محضر في قسم تاني تعالوا ورايا
انا بصراحة مكنتش قادر اقولوا حاجة اصلا
بس قولت اكيد مش حيروح حيعمل محضر لية اصلا
مانا رايح
المهم جيت رايح علي قسم تاني لقيت ناس بتقولي بلاش تروح القسم دلوقتي وتعالي
نطمن علي الراجل الاول ودة الاهم
عرفنا انوا في مستشفي التامين الصحي
طبعا اول لما روحنا عرفنا ان الحالة مش كويسة
وشاكين انوا نزيف داخلي
انا سمعت الكلمة دي قولت الراجل حيموت
روحت طالع علي القسم
عملت المحضر
اتاري بتاع الكرولا جة برضوا وعمل فيا محضر بس بصراحة هو راجل محترم وبيقول الحق
ومقلش حاجة زيادة وقال للظبط انة قابلني في قسم اول وقالي اجي معاة قسم تاني
بس انا طبعا عندي الراجل كان اهم من الكلام دة
المهم عملت محضر وقولت كل حاجة
وقعدت لتاني يوم الساعة 9 الصبح وبعد كدة ترحيل علي النيابة مع المجرمين والحرامية
وقعدت لحد الساعة 30 2 لحد لما البية وكيل النيابة جة
روحت داخل انا وابويا (ظبط جيش ومحامي) عشان كدة دخل معايا
وكيل النيابة قالي اية اللي حصل حكيتلوا
قالي امال بيقولوا جريت لية وموقفتش ساعتها علطول
قولتلوا خوفت من الناس طيعا وحضرتك عرف وكمان قولت مش حافيدة في حاجة لان عربيتي كانت معرضة انها تقف في اي وقت
فلازم نستني الاسعاف فانا قولت اروح القسم
قالي طايب
وقال 1 اخلاء سبيل من النيابة
2 متابعة حالة المريض
3 الفحص الفني للعربية وبعد كدة نستلمها

اول ما خرجت من النبابة عرفنا ان الراجل مات
انا كنت متوقع
طبعا البيت كلوا عندي بيعيط وحاجات كدة
هو دة الموضوع من اولة لاخرة
وطبعا قضية ولسة محامي وحوارات ولسة كمان حنشوف اهل الراجل دة عاملين ازاي
بس كان باين عليهم غلابة
وممكن يكونوا ياخدوا بالتار وكدة عشان شكلهم صعايدة
المهم ربنا يستر
وكمان ساكنين في الحي السادس قريب مني
واللي مضايقني اكتر انة مش راجل كبير
شاب صغير اواخر العشرينات

طبعا الحمد لله علي كل حاجة
واللي مصبرني شوية اني مش غلطان بس طبعا بني ادم
ويارب يطلعوا اهلوا ناس كويسين وعاقلين
ويعرفوا مين اللي غلطان
وربنا يرحمة طبعا ويغفرلة كل ذنوبة


______________________
برجاء التدقيق في كتابة لفظ الجلالة
وشكرا
مشرف القســــــــــــــــــــم العـــــــــــــــــــام