اوبل فيكترا بي 2000 ام 1600

**islamhossam** · 09-09-2013 11:44 PM

لو سمحتوا يا جماعة كنت عايز اعرف ايه افضل في الفيكترا b ال 2000 سي سي ولا ال 1600 سي سي ؟؟ انا مش قصدي القوة اكيد ال 2000 اقوي , هل مثلا في عيوب كبيرة في حاجة منهم ؟ ايهم اسهل في الصيانة وقطع غيارة متوفرة ؟ انا شوفت بردو ماتور اسمه ايكوتيك , هل ده احسن ولا العادي ؟
مستني ردود الخبراء وشكرا مقدما

**sherif moneer** · 10-09-2013 03:01 AM

1600 واحد كامه 75 حصان (الماتور الاسود) ماتور معمر جدا ماشاء الله والحساسات قليله واعطاله برده قليله
1600 ايكوتيك 105 حصان مانيوال و اوتوماتيك برده ماتور كويس بس حساس شويه عن الماتور الاسود
المواتير ال 2000 سي سي محتاجه عنايه شويه ومحتاجه محافظه
وحاجة الاوبل كلها موجوده وسهل تلاقيها بس المواتير ال 1600 سهله شويه

**ahmedsamy90** · 10-09-2013 05:52 AM

1600 علشان الضرايب في المرور

**islamhossam** · 10-09-2013 03:18 PM

المشاركة الأصلية كتبت بواسطة sherif moneer

1600 واحد كامه 75 حصان (الماتور الاسود) ماتور معمر جدا ماشاء الله والحساسات قليله واعطاله برده قليله
1600 ايكوتيك 105 حصان مانيوال و اوتوماتيك برده ماتور كويس بس حساس شويه عن الماتور الاسود
المواتير ال 2000 سي سي محتاجه عنايه شويه ومحتاجه محافظه
وحاجة الاوبل كلها موجوده وسهل تلاقيها بس المواتير ال 1600 سهله شويه

متشكر ليك يا استاذ شريف , يعني حضرتك بتفضل ال 1600 ؟ طب يبقي اي واحد فيهم المانيوال ولا الاوتوماتيك ؟ اصل انا شفت ان المانيوال 75 حصان لكن الاوتوماتيك بيبقي 101 حصان اللي هو ايكو تيك , حضرتك تفضل اي واحد ؟؟

**islamhossam** · 10-09-2013 03:32 PM

المشاركة الأصلية كتبت بواسطة ahmedsamy90

1600 علشان الضرايب في المرور

متشكر ليك يا استاذ احمد , هو الفرق هايكون كبير ؟؟؟

**احمد فهمى** · 10-09-2013 04:34 PM

بعد العمر الطويل والاستهلاك لا سنصح ب2000 سي سي مشاكلها كتير وعشان تبقى اعتماديه هتصرف رقم كبير جدآ لكن ال1600 ملهاش مشاكل ولا حتى فيها حساس كرنك وغيرو فنصيحه خليك فى 1600

**gemygoldn** · 10-09-2013 09:17 PM

السلام عليكم .. نصيحة
عن تجربة عشان انا معايا نفس العربية .. خليك في 1600 مانوال ماتور أسود واحد كامة الماتور ده مكانيكة بمعني انه سهل ممكن اي حد يشتغل فيه غير انه قدرة تحمله أقوووي .. أبعد ان الماتور القطعة الواحدة الأكواتك لونه فضي بلااش بجد منه حساسات وأعطال وقليل اللي بيفهم عشان يشتغلك فيه اما الباقي كله بيفضل يألف ويبهدل الدنيا فيه وبعدين انت عاوز حاجة تعذبك ولا حاجة تريحك .. نصيحة من اخوك انا معايا نفس العربية خليك ف الفيكترا بي 2000 ماتور اسود 1 كامة 1600
وهاتستريح

**islamhossam** · 10-09-2013 11:30 PM

المشاركة الأصلية كتبت بواسطة gemygoldn

السلام عليكم .. نصيحة
عن تجربة عشان انا معايا نفس العربية .. خليك في 1600 مانوال ماتور أسود واحد كامة الماتور ده مكانيكة بمعني انه سهل ممكن اي حد يشتغل فيه غير انه قدرة تحمله أقوووي .. أبعد ان الماتور القطعة الواحدة الأكواتك لونه فضي بلااش بجد منه حساسات وأعطال وقليل اللي بيفهم عشان يشتغلك فيه اما الباقي كله بيفضل يألف ويبهدل الدنيا فيه وبعدين انت عاوز حاجة تعذبك ولا حاجة تريحك .. نصيحة من اخوك انا معايا نفس العربية خليك ف الفيكترا بي 2000 ماتور اسود 1 كامة 1600
وهاتستريح

متشكر اوي ليك بجد ربنا يكرمك انت جبتها من الاخر وده تقريبا اللي قالوه معظم الاعضاء المحترمين , انا بس عايز اسال حضرتك كام سؤال بما ان حضرتك معاك العربية عايز استغلك شوية

ايه اخبار قطع الغيار للعربية دي وصيانتها مكلفة اوي ولا عادي , انت عارف اما تقول الماني تلاقي الناس تقولك بلاش و اوعي بس الفكرة اني كل اللي بفكر فيه ركوبة نضيفة وكمان ايه اخبار استهلاك البنزين واخر سؤال معلش هل العربية دي في منها حالات نضيفة وتعمل كام الكويس منها لو زي موديل حضرتك كده

**ويكا المصرى** · 11-09-2013 11:41 AM

السلام عليكم جميعاً تقريبا نفس الموضع اللى حضرتك بتسال فيه انا بسال و ببحث عنه دلوقتى و اللى اقتنعت ان الافضل تكون 1600 مانيول

بس لما قررت اجيب لاقيت انى بسعر السوق دلوقتى ممكن تبقى اوبل فيكتر تقريبا من 1998 - 2000 و نفس المبلغ دا يجيب اوبل كورسا 2003-2005 مش عارف بصراحه ايهما افضل خصوصا ان الكورسا اكيد احدث فى الموديل و عامله عداد قليل ممكن حد يفيدنى