الموضوع: اشتريت الاسترا2005 ومش فاهم فيها اى حاجه

احنا حذرناك من العربية عشان قولت انك من كفر الشيخ ومافيش هناك حد بيشتغل فيها ولا حتى بتوع غيار لكن عموما ألف مبارك عليك ويرزقك خيرها ويكفيك شرها

المشاركة الأصلية كتبت بواسطة maam

مش موجود باللغة الانجليزية ، برازيلي فقط
ولكن متوفر كتالوج اوبل 2000 لـ 2002 واهو يمشي الحال باردوا
http://homepage.ntlworld.com/andrew....2002manual.pdf

المشاركة الأصلية كتبت بواسطة maam

عربية جامدة جدا ، مميزات وكماليات مش موجودة في عربيات تانية مشهورة واغلى منها
بالنسبة للميزات
العربية في الأصل هي شيفروليه أسترا صنعت بواسطة مصنع gm في البرازيل وبتتباع في مصر على انها اوبل أسترا ونزلت من أول 2003 لـ 2006
- موتور ايكوتيك 1600سي سي 2 كامة 16 صباب 101 حصان ، موتور وحش على الطريق
- تكييف تلاجة بمعنى الكلمة
- فتيس اوتوماتيك نادر الأعطال ، سبورت درايف
- 2 ايرباج ، abs
- طارة متحركة (فوق وتحت وبتدخل لجوا ولـ برا )
- اوتو سنتر لوك على 20 كيلوا، أربع زجاج أبواب كهرباء بوحدات رفع ، فتح الشنطة وتانك البنزين من الداخل، مفتاح بريموت + زرار لفتح الشنطة ، فوانيس شبورة ، مفتاح تعديل مستوى اضاءة نور الكشاف العالي ، مرايات تحكم كهرباء ولكن ليس ضم ، زرار منبه للسرعة من أول 30 كيلوا لغاية 120 بيعمل صفارتين بس ، مش ازعاج عالطول لغاية اما دماغك تصدع! ، شماسات بمرايات مضاءة ، ساعة بها الوقت والتاريخ وحرارة الجو
- أربع سماعات في الأربع أبواب وصوتهم أحلى وأنقى من الأوبترا عن تجربة
مساحات التخزين :درج الطابلوه كبير وحلو ، وكمان درج طابلوه بس صغير جدا للسائق
- الكراسي الأمامية مريحة جدا وبها مساحة جيدة جدا للأرجل
- مساحة الأرجل للكنبة الخلفية جيدة ، ومساحة الشطنة جيدة جدا

ثبات جيد نوعا ما على السرعات العالية لـ 160 وبتجيب 190 بس ماتلعبش يمين وشمال
عفشة ناعمة وطرية وكلها حنية :)
- قطع غيارها الداخلية كلها يوجد منها جديد واستيراد
اما القطع الخارجية فلا يوجد منها استيراد ، جديد بس عشان مانزلش منها انصاص

العيب الشائع ، هو الكنترول بتاعها ساعات (يعني قرف) بييعطل ومالوش وقت محدد
عندي مثلا عطل بعد 10 سنين استخدام نظرا لأني عربيتي كانت 2003 وفيه ناس معطلش عندها وفيه اللي عطل عندهم بدري ، قرف زي مابقولك
جديد في التوكيل بـ 7000 الاف جنيه
استيراد بـ 3000 لـ 3500 جنيه

وللعلم: ديه كانت أول عربية ليا وكنت فرحان بيها جدا ودلوقتي عايز ارجعلها تاني

اللي تاخد بالك منه عامة في أي عربية هو مؤشر الحرارة وبالنسبة لحرارة الأسترا البرازيلي فهي:

المشاركة الأصلية كتبت بواسطة MaaM

الحرارة الطبيعية ليها هي 90 ، ومروحة الريداتير بتشتغل على 92
مع التكييف الحرارة بتكون 87

المشاركة الأصلية كتبت بواسطة medo111

انا معرفش 80 تبقي فين و100 فين بس الطبيعي بتاعها انها تبقي قبل النص بحاجه بسيطه وترجع تعلي للنص وبعد النص بحاجه بسيطه والمروحه تشتغل وترجع تنزل تاني لكن مبتجبش الشرطه الي بعد النص لو عملت كدا يبقي في مشكله طبعا بس ياريت توضحلي 100 تبقي فين من باب العلم بالشيء

المشاركة الأصلية كتبت بواسطة romiobasha

فى الصيف و الجو الحر
لو مركب ترموستات هتبقى الحراره نوعا ما فى ثبات عند 85
لو مش راكب ترموستات هتبقى على السرعات العليا و السفر عند 80 و جوا البلد بتتحرك من 80 الى 95
و طبعا المراوح هتلاقيها شغاله معظم الوقت
و فى الشتاء نفس الفكره بس عامل الجو بيقلل من ارتفاع حراره المتور

وهاتغير الآتي بالجبر (يعني بالغصب)
- سير كاتينة ، بيتغير كل 40 الف ، يفضل جيتس أو ليمفورد
- زيت فتيس ، بيتغير كل 40 الف أو سنتين أيهما أقرب ، يفضل شيل الإسود لزوجة 90/80
- زيت موتور بالفلتر يفضل زيت 5 الف كيلوا ويتغير كل 3-4 الف كيلوا لزوجة 20w50

والآتي بالإختيار وحسب الحالة
- سير الدينامو
- بلية الكاتية والدينامو
- شداد الدينامو
- طرمبة المية
- فلتر بنزين
- فلتر تكييف
- فلتر هواء
- غسيل دورة التبريد وتحط مية خضراء/حمرا المهم جركن ليه ماركة ومعروف يعني AC Delco أو موبيل أو ABRO ، لاقيته جركن ابيض وفيه مية ملونة يبقى تسيبه وتمشي
- ولازم تكشف على العفشة ضروري جدا
- غسيل العربية من جوا ، يعني تغسل الطابلوه والصالون وده نضافة مش أكتر

يخربيت كده انت برنس...انا عاوز رقمك عشان اقرفك شويا

كتر خيرك يا باشا اوفيت

MaaM works like a bullet