سؤال عن فتيس السيريون

**wetwet** · 07-09-2008 12:06 PM

معايا سيريون 1300 اتوماتيك لما بكون على ال (بى) و أجى احرك الفتيس لل( ار )او لل (دى) سعات بتكون فى عضة جامدة اوى لدرجة انى بخاف اقرص عليه واكسر ترس ولا حاجة, مع انى بكون مسخن العربية من 5 لـ 10 دقايق.

**aliabutaleb** · 07-09-2008 01:21 PM

المشاركة الأصلية كتبت بواسطة wetwet

معايا سيريون 1300 اتوماتيك لما بكون على ال (بى) و أجى احرك الفتيس لل( ار )او لل (دى) سعات بتكون فى عضة جامدة اوى لدرجة انى بخاف اقرص عليه واكسر ترس ولا حاجة, مع انى بكون مسخن العربية من 5 لـ 10 دقايق.

مش هافيدك في موضوع عضة الفتيس
بس على حسب توصية الاخوة هناك مش المفروض تسخن لمدة أكتر من نص دقيقة
وده كمان كلام كتالوج العربية

**bmya** · 07-09-2008 03:38 PM

بشه حضرتك تقصد ايه بعضه في الفتيس
يعني بتحس ان الفتيس ممسوك بحاجه وانه ناشف كده وانت بتنقل اعتقد انك تقصد كده
ده بيكون ياباشا انك مريح العربيه علي الفتيس مش علي فرامل الهاند وده غلط خصوصا لو راكن علي مزلقان جامد

المفروض حضرتك لماتيجي تركن تفضل ماسك فرامل ووتشد الهاند علي الاخر بحيث تبقي العربيه ممسكوه بالاند وبعدين تيدها ال P
عشان العربيه تبقي مريحه علي الهاند ميكونش تقل العربيه كله علي الفتيس
جرب كده والعضه دي هتروح وخود بالك شدها علي الاخر عشان الهاند بتاعتها السريون ضعيفه

**bmya** · 07-09-2008 03:47 PM

ههههههههههه ايه ياباشا انت علي طول كده زعلان وحاطط الفيس ده
هو مش منتشر بس انا عندي فعلا لازم تشد الخمس تكات كلهم عشان العربيه تمسك لو 4 بس ومزلقان العربيه تمشي وحاجه غريبه اوي مش عارف ليه

**أبو عبدالله** · 08-09-2008 11:11 AM

يا جماعه محدش يوقف العربيه على الــ P كده عالطول
لأن الــ P ده بيعش على التروس بتاعت العربيه وبيبقى مكلبشها
واي حركه جامده عليه ممكن يكسر الدنيا

المفروض فعلا انك تمسك العربيه الاول بالهاند بريك زي ما اخواني قالو بالظبط
مع العلم ايضا انك عندما تبدأ بتحريك العربيه بعد الركنه قبل ما تفك الهاند بريك حرك عصاية الفتيس من على الــ P الأول لأن العربيه ممكن تبقى على حته عاليه او كده فأول ما تفك الهاندبريك هتروح مريحه على الـ P فلما هتيجي تفك عصاية الفتيس برضه هتلاقيها عملت نفس الموضوع

وربنا يحفظنا جميعا