مشكلة قطع غيار نيسان صننى الشكل الجديد مو2013

**moneim2006** · 10-09-2013 12:37 PM

السلام عليكم
تحية طيبة على كل اعضاء الجروب
انا عندى مشكلة مع نيسان مصر ، انا اشتريت صنى مو 2013 الشكل الجديد و عملت حادث و رحت مركز صيانة السبع و قالى الفانوس مكسور ولازم يتغير بس للاسف الفانوس مش موجود والمصنع مش بيورده ، كلمت نيسان مصر وعملت شكوى و باقلى شهر مستنى ولا ردوا على الشكوى ولا الفانوس وصل مركز السبع
ممكن حد يساعد اعمل ايه علشان اخلص من المشكلة ديه و هل فيه اميل لنسيان العالمية ابعت لهم شكوى؟
وشكرا

**eidrabie** · 10-09-2013 02:35 PM

انا كنت غيرت الفوانيس الامامية عشان قعدتهم اتكسرت بس الفوانيس سليمة فلو يمشوا معاك قولي

**MITSUKERO** · 10-09-2013 02:38 PM

فانوس مش موجود !!! العالم دي بتهرج !!!

**د.هشام** · 10-09-2013 03:12 PM

طبيعي... العربية بقالها سنة واحدة بس في السوق
الواحد المفروض ميشتريش أي عربية غير بعد ١٠ سنين من نزولها وموديلها يعدي

**waleed mohamme** · 10-09-2013 11:08 PM

يا جدعان مين قال ان الفانوس مش موجود انا لسة كنت امبارح فى اوتو ايجيبت ابو رواش وكل الفوانيس موجودة هناك واسعارها كالاتى
فانوس امامى 1100 جنىها
فانوس خلفى 650 جنيها
فانوس شبورة 450 جنيها
كل حاجة موجودة ومتوفرة

**moneim2006** · 11-09-2013 09:21 AM

استاذ waleed mohamme
المشكلة عندى ان عملت المقايسة الخاصة بالتأمين فى مركز السبع و الفانوس هناك مش موجود و قالولى المصنع هو اللى مش موفره و لما قوتلهم ينفع اشترى انا الفانوس من برا و جبهلكم تركبوه قالولى مش هنضيفه على الفاتورة اللى هتروح شركة التأمين .... يا ترى الكلام ده صح ولا غلط و المفروض اتصرف ازى؟
كمان الانذر عندى مش شغال

**waleed mohamme** · 12-09-2013 08:57 PM

كلام مركز السبع صحيح علشان مش هينفع يضيف على الفواتيره الخاصة به قطع غيار لم تخرج من المخازن الخاصة بالتوكيل اعتقد التصرف الصح علشان تريح دماغك انك تعمل مقايسة جديدة فى اوتوايجيبت

بالنسبة للانذار بيتم تفعيله فى التوكيل بكل ب ساطة

**Msanad** · 13-09-2013 10:22 AM

روح توكيل تانى وخللى شركة التأمين تعمل مقايسة جديدة هناك - اريحلك واحسن خصوصا ان الشباب قالوا انه موجود فى اوتو ايجيبت وهناك تفعيل الانذار مجانا

**ramymoharram** · 16-09-2013 01:57 PM

أنا عملت حادثة برضه وركبت الفانوس الأمامي في أوتو ايجيبت .....سعره 1100 جنيه.....الفانوس اللي فكيته سليم تماما واللي اتكسر بس الودن بتاعته(ممكن نلركب ودن بسهولة).....لو يلزمك كلمني علي 01222141244