فيرنا تكييف ديب فريزر استخدم R134a فريون بالصور

**verna2008auto** · 10-09-2013 01:57 PM

بعد اجمل واحلي صباح عليكم ...
السلام عليكم ورحمه الله وبركاته

داخل في السنه الخامسه فيرناوي وليه تجارب كتيييير اوي مع بتوع الفريون
بمعني ادق .. ياما انضحك عليا وتم استغلالي ماديا في موضوع شحن تكييف الفيرنا والفريون
فا قررت اني اعرف اكتر ..

عرفت ان الفيرنا بتاخد 250 ميللي ( فريون ) موديل R134a ..صديق للبيئه

وعرفت كمان اني اجيب (( كيلو )) فريون ب 100 جنيه... تصدقو .. 100 جنيه بس

ورحت لواحد (( غلبان التنين )) وقلتله عاوز اشحن بالفريون بتاعي ها يتكلف كام
..
قالي ب 40 جنيه .. كان ممكن افاصل واوصله ل 10 او 15 جنيه بس ما حبتش اقرص علي الراجل

خليته يفضي كامل الفريون اللي في العربية (( حط منظم علي علامه ال H )) الهاي وفضا الفريون بالكامل

وبعد كده حط الطرف الازرق علي ال L وحط الطرف الاصفر علي ال H والطرف الاحمر في العلبه بتاعتي ...

وبدأنا الشحن .. كنت معتقد انه ها يخلص الكيلو ..لاقيت انه خد حوالي 200 ل 250 ميللي فقط

يعني العلبه امو 100 جنيه تكفيني (( شحن كامل )) لمده 4 مرات
انا كنت با ادفع في عمليه الشحن دي كل صيف من 170 ل 200 جنيه شحن وغسيل سربنتينه (( وحباشتكنات واي حركات عشان الراجل ياخد فلوس كتير والسلام مش من حقه ))

با انقل تجربتي يمكن تفيد (( الفيرناويه ))
اسيبكم مع الصور

**Hacker5** · 10-09-2013 02:43 PM

مبروك يا باشا
طب الالنترا بتاخد فريون ايه ؟
و حضرتك جبت العبوة دى من شارع الجمهورية ؟

**akmm** · 10-09-2013 03:24 PM

العبوه منيين وبكام ان امكن .

**verna2008auto** · 11-09-2013 11:22 AM

المشاركة الأصلية كتبت بواسطة Hacker5

مبروك يا باشا
طب الالنترا بتاخد فريون ايه ؟
و حضرتك جبت العبوة دى من شارع الجمهورية ؟

ميرسيه مونشير ...

الالنترا بتاخد نفس الموديل R134a صديق البيئه وهاتاخد 250 ميلي برده

..
علي ضمنتي

**verna2008auto** · 11-09-2013 11:26 AM

المشاركة الأصلية كتبت بواسطة akmm

العبوه منيين وبكام ان امكن .

فيه واحد في الحرفيين اسمه البرنس في شارع الكنيسه او من اي محل بتاع تلاجات وتكييفيات
شرط النوع يكون R134a
واحسن مكان تجيب منه شركه اولاد رزق .. هيا مستورد للفريون وبتعبيه في مصر
تحيا مصر

مش هاتكون اكتر من 100 جنيه ال كيلو
شوفت بقا كان بنضحك علينا ازاي
لان عربياتنا مش ها تاخد اكتر من 250 ميللي

**JAM** · 11-09-2013 12:07 PM

مبروك... وياريت تبص على موضوع خاص بشحن التكييف بنفسك فى قسم التكييف ... وتشترى العدة بتمن شحنتين ابو 40 جنيه.. وانتا تشحن بنفسك... العملية سهلة جدآ

**verna2008auto** · 11-09-2013 01:14 PM

المشاركة الأصلية كتبت بواسطة JAM

مبروك... وياريت تبص على موضوع خاص بشحن التكييف بنفسك فى قسم التكييف ... وتشترى العدة بتمن شحنتين ابو 40 جنيه.. وانتا تشحن بنفسك... العملية سهلة جدآ

ماهو انا اصلا اتعلمت هنا في نايل موتورز

.. وعملت كده بعد ما زاكرت كويس في الموضوع ده

**mazeen** · 15-09-2013 03:29 PM

الله ينور عليك موضوع ىجامد جداُ بس ياريت تقولنا تفاصيل عملية الشحن بالظبط يعنى مثلا العربيه بتبقى دايره ولا لأ والتكييف شغال ولا لأ كده يعنى علشان نوفر ال 40 جنيه ههههههه

**verna2008auto** · 15-09-2013 09:19 PM

المشاركة الأصلية كتبت بواسطة mazeen

الله ينور عليك موضوع ىجامد جداُ بس ياريت تقولنا تفاصيل عملية الشحن بالظبط يعنى مثلا العربيه بتبقى دايره ولا لأ والتكييف شغال ولا لأ كده يعنى علشان نوفر ال 40 جنيه ههههههه

اول هام
الراجل ( فضا ) تمام الفريون من ال H وهيا دايره عادي جدا جدا بس والتكييف فاصل مش شغال
وبعد كده قالي افتح الابواب بتاعت العربية مع الازاز وشغلي التكييف علي اعي درجه 4
ولاقيته كان موصل كابلاته بالعداد زي اللي في الصوره
وساب العربية حوالي 2.5 دقائق ورجع شاف العداد
بعد كده قلتله انتا الرقم اللي ظهر كام قالي 40 (( طبعا انا مش فاهم يعني ايه ده )) بس اللي اعرفة ان ضغط الفريون المفروض ما يزدش عن 27 دي سي بل
المهم قالي اطفي التكييف
وشاف الرقم لاقاه ثابت
قالي اقفل (( يابا واتكل علي الله عربيتك تمام التمام ))
فك حاجاته وادالي باقي العلبه بتاعتي (( بحالها والله )) نقصت سنه صغيره
واديتله الي 40 جنيه وقالي اطلع اغسل السربنتينه
عملت كده
والحمد لله ((( ثلاجه ))) علي 1

**mahmoud_afifi** · 15-09-2013 11:55 PM

حلو قوي الموضوع ده. تسلم ايدك عاصم بيك

الموضوع: فيرنا تكييف ديب فريزر استخدم R134a فريون بالصور

LinkBack

أدوات الموضوع

عرض

فيرنا تكييف ديب فريزر استخدم R134a فريون بالصور - انشر الموضوع فى :

-

-

-

-

-

-

-

-

المواضيع المتشابهه

تنظيف بسيط لثلاجة تكييف الياريس وتركيب فلتر تكييف..بالصور

تكييف فريون متنقل

دليل فريون تكييف الميجان

شحن فريون تكييف المنزل بيكلف كام؟

هل يمكن استبدال فريون R134-a ب فريون R-12؟

الكلمات الدلالية لهذا الموضوع

المفضلات

المفضلات

ضوابط المشاركة