المشاركة الأصلية كتبت بواسطة land_cruiser
اساسيات القياده مش كتير بس الموضوع محتاج ممارسه و ده هيبقي صعب و حضرتك معندكش عربيه. انا رأيي تشوف مدرسه قياده من اللي في مناطق زحمه لانهم هيعلموك فيها من الاول في شوارع زحمه و في إشارات و كباري و ناس بتجري قدامك و ده اللي بيحصل في الواقع و كمان هيعلمك تركن في اماكن ضيقه و اعتقد هتلاقي اكتر من واحده في وسط البلد و لا اعتقد انهم بياخدوا مبالغ كبيره . الموضوع باختصار مش صعب حضرتك بتتعلم الأساسيات و دي مثلا ٤٠٪ أما ال ٦٠٪ فهي مجهودك و تدريبك الشخصي و لذلك ما تدفعش فلوس كتير في الموضوع و لا تدور علي واحد معاه دكتوراه في السواقه يعني و زيها زي السباحه مثلا او اي حاجه بتتعلمها المدرب هيديلك الأساسيات و حضرتك بعد كده بتطور نفسك و يبقي ليك أسلوبك و طريقتك فيها