موبايلى اتسرق النهارده من جوا العربيه وانا واقف

**Haitham Basha** · 11-09-2013 06:15 AM

المشاركة الأصلية كتبت بواسطة secret-man

انا فعلا عملت كده لكن الموبايل من ساعتها مغلق لكن عملت erase all date اول ما الموبايل هيتفتح هيطير كل حاجه عليه

بس مش ديه المشكله انا مصدوم من ساعتها مش فاهم في ايه انا اول مره في حياتى يتسرق منى موبايل

معلش يا باشا فداك كل تلفونات الدنيا المهم إنك كويس و بخير و خلي بالك بقه بعد كده و متسيبش الإزاز اليمين مفتوح و لو هتفتحه إفتح حته صغيره بس الي هي يادوبك تدخلك هوا و مستبش حاجه مهمه ظاهره بعد كده في العربيه حتى و انت سايق و ربنا يستر طريقك ...

**salodas** · 11-09-2013 07:51 AM

قدر الله وما شاء فعل .... البلد خربت

**abb** · 11-09-2013 08:22 AM

طب كويس انوا اتسرق لما نزلت احنا كنا تلاته ف العربيه والتليفون اتاخد من التابلوه منغير مننزل

**khaled_sabry** · 11-09-2013 09:46 AM

احمد ربنا انها جت على الموبيل
فى اوائل سنه 2012 واحد معرفه كان فى وسط البلد بالعربيه و نزل يشترى حاجه و سايب مراته فى العربيه و بنته الصغيره على الكنبه اللى ورا و العربيه نفسها فى حته فيها ناس مش حته ضلمه يعنى - بس غلطته انه كان سايب المفاتيح فى الكونتاكت

مره واحده لاقيت واحد حاطط مطوه على رقبت بنتها - و التانى بيقولها"انزلى بشويش و من غير دوشه علشان خاطر بنتك"
نزلت طبعا و الحراميه خدو العربيه كلها و جوزها واقف على بعد 20 متر مش فاهم حاجه

المشاركة الأصلية كتبت بواسطة abb

طب كويس انوا اتسرق لما نزلت احنا كنا تلاته ف العربيه والتليفون اتاخد من التابلوه منغير مننزل

ازاى ؟؟ حد خطفه و جرى ؟؟

**Mohamed_Hamid** · 11-09-2013 09:55 AM

المشاركة الأصلية كتبت بواسطة hugan

وممكن نضيف كمان
لوعربيتك عطلت في الشارع ولقيت واحد او 2
ولا د حلال جايين يساعدوك في زق العربيه
من نفسهم
خلي بالك منهم لانهم ممكن يقلبوا كل حاجه في العربيه
بدعوي المساعده والشهامه

ما هى دى المشكلة. احنا وصلنا لمرحلة الشك فى كل الناس حتى اللى جاى يساعدك فى أى طارئ بتبص له بريبة والشك جواك انت عدو ولا صديق؟ انا عن نفسى بقيت ببص للناس كدة ومرتاب منهم :( لا حول ولاقوة الا بالله

صاحب الموضوع: ربنا يعوض عليك ومتزعلش.

**Secret-Man** · 11-09-2013 11:17 AM

شكرا لكل الناس المحترمه وربنا يحفظكم من اى شيىء وحش سرقه او غيره

وانا عملت الموضوع علشان الى مش واخد باله ياخد باله وربنا ينجينا من العيشه في البلد ديه بجد

**KemozTanta** · 11-09-2013 03:44 PM

ربنا يعوض عليك وانا اتسرق موبايلي كان 5800 بمنتهي الخفة .. واحد خبط الباب اللي ورا يمين ببص اشوف ايه
لاقيت الموبايل اتشال من قدام العدادات وازاز العربية كنت عاملة نص !! ولا حسيت ولا سمعت اى شىء يدل ان في حاجة بتتشال !
عموما فكرة انك تحط موبايلك علي التابلوة فاااااااااااااااشلة وممكن تخلي الحرامي يعمل اى شىء عشان ينزلك من العربية
الموبايل ميتشالش من الجيب او في الكونسول من بين الكرسيين في الدرا تحت ولو بتتكلم فيه ارفع ازاز عربيتك لقبل اخره بشوية !! غير كدا توقع ان موبايلك متروحش بيه

**mrghost** · 11-09-2013 06:22 PM

ربنا يعوض عليك ياباشا

**abb** · 11-09-2013 06:41 PM

المشاركة الأصلية كتبت بواسطة kemoztanta

ربنا يعوض عليك وانا اتسرق موبايلي كان 5800 بمنتهي الخفة .. واحد خبط الباب اللي ورا يمين ببص اشوف ايه
لاقيت الموبايل اتشال من قدام العدادات وازاز العربية كنت عاملة نص !! ولا حسيت ولا سمعت اى شىء يدل ان في حاجة بتتشال !
عموما فكرة انك تحط موبايلك علي التابلوة فاااااااااااااااشلة وممكن تخلي الحرامي يعمل اى شىء عشان ينزلك من العربية
الموبايل ميتشالش من الجيب او في الكونسول من بين الكرسيين في الدرا تحت ولو بتتكلم فيه ارفع ازاز عربيتك لقبل اخره بشوية !! غير كدا توقع ان موبايلك متروحش بيه

هو ده بلضبط اللى حصل معانا ف رمسيس

**Secret-Man** · 11-09-2013 08:02 PM

المشاركة الأصلية كتبت بواسطة kemoztanta

ربنا يعوض عليك وانا اتسرق موبايلي كان 5800 بمنتهي الخفة .. واحد خبط الباب اللي ورا يمين ببص اشوف ايه
لاقيت الموبايل اتشال من قدام العدادات وازاز العربية كنت عاملة نص !! ولا حسيت ولا سمعت اى شىء يدل ان في حاجة بتتشال !
عموما فكرة انك تحط موبايلك علي التابلوة فاااااااااااااااشلة وممكن تخلي الحرامي يعمل اى شىء عشان ينزلك من العربية
الموبايل ميتشالش من الجيب او في الكونسول من بين الكرسيين في الدرا تحت ولو بتتكلم فيه ارفع ازاز عربيتك لقبل اخره بشوية !! غير كدا توقع ان موبايلك متروحش بيه

لعلمك هو سرقه من بين حامل الاكواب تحت جنب الفتيس يعنى بعيد جدا عن الشباك لازم يدخل نص جسمه علشان يعرف ياخده

والادهى من كده ان الناس شايفاه وبعد مامشى واحد ورايا يقولى الحق ده شكله خد حاجه من العربيه